CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Dimenge, 15 de setembre

Actualitats

Diluns, 26 de març de 2012, 23h00 Escòla

Guiana > Roergue > Causse Comtal

Una experiéncia unica mercés al bilingüisme

La voses occitanas foguèron enregistradas per d’enfants bilingües sortits de Calandreta o d’Escòla Publica Bilingüa


Comentaris Cap de comentari    
Marrit Flac Bon Plan bon Fabulós (5 vòtes)
carregant En cargar


L’actualitat del dessenh animat en occitan es plan rica d’aquesta passa amb mantunas espelidas de qualitat. Podèm senhalar en particular la sortida de la version en lenga nòstra d’un episòdi de la seria "Las tres bessonas". L’òbra originala catalana, presenta las aventuras de tres sòrres bessonas, Anna, Elena e Teresa, qu’explòran a cada episòdi un conte tradicional diferent, per ne cambiar lo cors.



Aquestas tres drolletas naissèron en 1983 dins l’imaginacion de l’autora catalana Roser Capdevila qu’èra maire de tres filhetas trebolairas
© Cromosoma

Roser Capdevila

Sas tres filhas a l’epòca de la creacion dels personatges de las Tres Bessonas

Lo DVD "Las tres bessonas e las sèt cabretas" (durada 30 mn) se pòt comandar alprèp de l’associacion AVOCA, place Foch 12000 Rodez, al prètz de 15€ (pòrt comprés)





Etiquetas
calandreta, escòla, joan bodon, la primalba, las tres bessonas, rodés

Puèi venguèt  l’idèia de ne far un dessenh animat que foguèt produsit per la societat Cromosoma e difusit a Television de Catalonha a partir de 1994. La seria foguèt puèissa revirada en 35 lengas e coneguèt lo succès a l’estrangièr dins mai de 158 païses.
 
L’associacion roergassa AVOCA, implantada a Rodés e portaira del projècte, se lancèt donc en 2010 dins la revirada del catalan a l’occitan lengadocian de l’episòdi "Las tres bessonas e las sèt cabretas". Lo trabalh dels reviraires acabat, l’estudiò d’enregistrament "Les Hauts Plateaux" aculhiguèt, a Salas-Comtals, pròche de Rodés, una còla de comedians un bocin particulara.
 
D’efièch, l’originalitat d’aqueste projècte de doblatge en occitan ven del fach qu’una majoritat de la voses occitanas foguèron enregistradas per d’enfants bilingües sortits de Calandreta o d’Escòla Publica Bilingüa. 
 
Aital, Agathe Bodio (Anna), Malaurie Leduc (Elena) e Agnès Galibert (Teresa), ancianas escolanas de l’escòla Joan Bodon de La Primalba o de la Calandreta de Rodés, foguèron retengudas per prestar loras voses a las tres bessonas. A costat d’elas, Estela Gaffier, Jade Bodio, Mona Kounfinkana e Justine Cathala enregistrèron las voses dels cabridons. Totas aquestas dròllas descobriguèron a aquesta ocasion lo trabalh de doblatge amb las constrenchas tecnicas de l’enregistrament, las exigéncias lingüisticas e lo biais d’interpretacion que demanda. Agnès raconta: "Caliá parlar a la vitessa que los personatges parlavan dins lo dessenh animat e èra pas facile!". Estela ajustèt que "calguèt far fòrça enregistraments e calguèt repetir plen de còps e èra fòrça dur!". Çaquelà, malgrat las dificultats encontradas sul moment, ne sortiguèron totas estrambordadas e enriquidas per aquesta experiéncia unenca.
 
Del costat dels responsables del projècte, lo bilanç es mai que positiu: "Una de las envejas qu’aviam èra de far apèl a d’enfants bilingües puslèu qu’a des comedians professionals capables de far de voses infantilas. "En mai d’aquò balhèt a totas aquestas dròllas l’escasença de metre a profit d’un biais agradiu lor bilingüisme aquesit a l’escòla" declara Marie-Line Darres de l’associacion AVOCA. 
 
Cal dire que lo dessenh animat en question s’inscriu dins una vertadièra logica pedagogica de la lenga occitana amb un polit trabalh sul lexic e las expressions que pòt èsser relaiat en classa bilingüa. Cal saludar tanben lo nivèl de lenga plan polit de nòstras comedianas en èrba.
 
Dempuèi sa sortida al mes de decembre passat, mantunas centenas d’exemplars d’aqueste DVD se son ja vendudas e l’associacion AVOCA projècta la produccion d’un segond episòdi se las vendas de "Las sèt cabretas" li permeton de se tornar investir dins aquò. Lor desiram bon astre!
 
Olivier Dalhut


 

 
Lo DVD "Las tres bessonas e las sèt cabretas" (durada 30 mn) se pòt comandar alprèp de l’associacion AVOCA, place Foch 12000 Rodez, al prètz de 15€ (pòrt comprés). 

Qualques episòdis de "Las Tres Bessonas" son estats doblats tanplan en occitan aranés.
 




====================================================
Aquela seccion es per que las escòlas, sián d'Aran, sián de las Valadas; sián Calandretas o sián d’escòlas bilinguas; pòscan elas meteissas remplenar aquela seccion amb de nòvas, per que los quites escolans las pòscan redigir en explicar los faches que fan l’actualitat dins cada escòla: una excursion culturala, una visita d’una personalitat, una fèsta populara amb los parents, una competicion esportiva, eca. Las fotografias, los enregistraments o los imatges de vidèo seràn plan benvenguts, se n’i a.
 
Mandatz los vòstres articles a info(a)jornalet.com.



publicitat
BANER1-2-3: DGPL AN LAFONT



Comentaris


I a pas cap de comentari




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER 3 teveoc

Editorial

Lo jornalisme fa son trabalh

Lo 15 de mai passat, vesitàvem lo licèu Pierre et Marie Curie de Menton. Voliam far un pichon reportatge amb los liceans de la classa d’occitan per nòstra emission #aranésòc ...
giny

Lo temps

Mapa
  • sol Agen 30
  • sol Aush 30
  • sol Bordèu 31
  • sol Briançon 26
  • sol Caors 31
  • sol Carcassona 28
  • sol Clarmont-Ferrand 32
  • sol Confolent 30
  • sol Gap 23
  • sol La Canau 31
  • sol La Gàrdia 29
  • sol Limòtges 30
  • sol Lo Borg Sant Dalmatz 26
  • sol Lo Puèi de Velai 29
  • sol Marselha 29
  • sol Montpelhièr 29
  • sol Naut Aran 27
  • sol Niça 26
  • sol Nimes 31
  • sol Pau 27
  • sol Peireguers 31
  • sol Rodés 30
  • sol Tolon 32
  • sol Tolosa 30
  • sol Valença 31

giny

giny

Vidèos

giny

Entrevista

“Volèm recobrar la fiertat d’èsser catalans”

Jordi Riba president de l’Associacion Culturala Vibrant

“Volèm recobrar la fiertat d’èsser catalans”
giny

giny

publicitat

lateral 2 teveoc

Fotografias

  • © Franc Bardòu

    Tèrra albigesa

  • D'Auvèrnhe occitan

  • Exposicion temporària sus Robèrt Lafont al CIRDOC (D.R.)

  • Petugon de La Boal

    Conferéncia e dedicaça de l'artista Richard Cairaschi au Musèu municipau deis Arts e Tradicions populàrias de Grimaud (Mauras)

  • © Laurenç Revèst

    Fòrt Maginòt de Sant Anhe

  • © Asalaís Moniguet

    Montpelhièr la lengadociana

  • Carnaval e fèsta per l'anniversari de la naissença de Jausep Garibaldi a Niça

  • © Laurenç Revèst

    Sauve (Cevènas), ciutat màger vidorlenca a las carrièiras bèlas e en mudason

  • © Franc Bardòu

    Catalonha etèrna

  • Goulamàs'K a Bordelha (Rebeiragués) lo 9 de julhet 2012

  • © Franc Bardòu

    Catalonha etèrna

  • © Adriana Díaz

    Canas 2019

  • Era còlha dera ADÒC ath trabalh

  • Carnaval Gascon a l'Isla de Baish 2013. © Yves Sénécal

    Carnaval Gascon 2013 a L'Isla de Baish (Savés)

  • Estivada 2013. © Guillem Sevilla

    Estivada 2013

  • Julien Cazenave

    17.02.2019: manifestacion a Brussèlas en sosten als independentistas catalans

  • © Laurenç Revèst

    Dins lei paluns de Camarga, la Torre Carbonièira e Aigas-Mòrtas

  • © Laurenç Revèst

    Galaria fòto: La Gavotina marítima: Esa vielha, totplen de botigas e de toristas, 16 estatjants, 2 vielhs esascs, una gleia e un castèl arroïnat

  • © Laurenç Revèst

    Cavairac, Vau Naja (Costièra de Nimes)

  • Irissa: prumèra edicion dera corsa populara de BTT

publicitat

LATERAL2 330x60: Casteth Paums



publicitat

LATERAL1 300X250: radio pais

Las mai...

publicitat

LATERAL1 300X250: radio pais

giny

Sondatge

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)