Bandièra01 1180x150: Comuna de Tolosa

Actualitats

Lo tempèri en Turquia menaça Nutella

La davalada de la produccion d’avelanas a causa de las marridas condicions metereologicas n’a fach montar fòrça lo prètz

Avís als milions de consumaires de Nutella, la famosa crèma de cacau e d’avelanas que fabrica la societat Ferrero: la marrida culhida d’avelanas d’ongan dins lo principal país productor, Turquia, a causa de condicions meteorologicas advèrsas, pòt far pojar fòrça lo prètz del produch. Turquia, amb lo 70% de la produccion mondiala d’avelanas, a sofèrt fa qualques meses de geladas e de granhòlas que l’an reducha fòrça. Lo prètz d’una tona d’avelanas turcas, ongan, es passat de 6500 dolars en febrièr a 10 500 a l’ora d’ara.
 
Per far de produches coma Kinder, Ferrero Rocher e Nutella (que contenon una mejana de cinquanta avelanas per pòt), la multinacionala Ferrero crompa un quart de las avelanas produchas dins tot lo Mond, la majoritat turcas.
 
Aquela crisi turca serà benlèu una granda escasença pels productors del Naut Agenés, tanplan pels païsans peiregòrds e mai que mai pels bearneses, que decidiguèron de remplaçar lors vinhas o camps de milhòc per d’avelanièrs.
 
Per los azards de l’istòria, aquela doça crèma nasquèt après la Segonda Guèrra Mondiala en Itàlia, amb una recèpta que compreniá d’avelanas, justament, pr’amor de la manca de gran de cacau a l’epòca.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Pim pam pom
3.

Ferrero, una familha e entrepresa de Pemont (costat plana) mas fa trubalhar d'occitans de Pemont abo las avelanas-olanhas.

  • 2
  • 0
BOURDON Pau
2.

#1 Los consumidors de Nutella n'an pas jamei empachat los gastronòmes de minjar çò qui volhan.

  • 1
  • 1
Alan Roch Carcassona
1.

Marrida novèla pelms equiròls, mas bona novèla pels gastronòmes !!!!!!!!!!!!!!!!!

  • 2
  • 0

Escriu un comentari sus aqueste article