Las auròras son un dels espectacles atmosferics mai estonants e polits de veire. Se produson quand de particulas fòrça energeticas venent del Solelh, que lor dison lo vent solar, arriban dins l’atmosfèra terrèstra pel Pòl Nòrd (auròras borealas) o pel Pòl Sud (auròras australas). Una expedicion promoguda per l’Associacion Scientifica e Culturala Shelios e coordenada pel sieu president, lo Doctor Miquel Serra-Ricart, es anada en Groenlàndia e Islàndia per observar lo fenomèn e lo retransmetre via lo web a travèrs del portal del projècte Glòria.
 
 
Retransmissions en dirècte
 
Las retransmissions en dirècte e après en “time lapse” se faguèron del 23 al 25 d’agost dempuèi tres endreches de Groenlàndia, près del glacièr Qaleraliq, e se tornaràn far del 26 al 28 d’agost en Islàndia.
 
Segon la NASA, a la mitat de l’an 2014, lo Solelh es intrat dins son 24n periòde de maximala activitat, que contunharà pendent tota l’annada; e es un fenomèn que pòt favorir l’aparicion d’auròras.