Bandièra01 1180x150: Comuna de Tolosa

Actualitats

Lo nòu govèrn francés fòrabandís Occitània

La composicion del nòu govèrn francés, dich “Valls 2”, a gaireben completament oblidat Occitània. Aquesta dòcta amassada es compausada de 16 ministres e 17 secretaris d’estat a l’entorn del primièr ministre, siá un total de 34 personas.
 
Lo president Hollande a decidit qu’Occitània donariá sonque una ministra al govèrn de França. Es Na Sylvia Pinel, sòcia del Partit Radical d’Esquèrra (Parti Radical de Gauche). Es conselhièra regionala de la region de Miègjorn-Pirenèus. Li es balhat lo ministèri del lotjament, de l’egalitat dels territòris e de la ruralitat. L’egalitat dels territòris essent fisada a una occitana radicala d’esquèrra, caldrà pas esperar cap d’avançada institucionala o politica diferenciada pel país occitan.
 
Tres secretariats d’estat son fisats a d’occitans:
 
— Lo landés Alain Vidalies, que se cargarà dels transpòrts, de la mar e de la pesca.
 
— Lo tolzan Kader Arif, cargat dels ancians combatents e de la memòria
 
— La tolzana Carole Delga, cargada del comèrci, de l’artisanat, del consume e de l’economia sociala e solidària.
 
Occitània representa un 5,88% dels ministres d’aqueste govèrn. Es una chifra que se pòt comparar amb la populacion occitana que representa lo 25,75% de la populacion de l’estat francés. Se foguèsse estada respectada la representativitat dels territòris i deurián èsser 5 ministres occitans.
 
Sul total del govèrn (ministres + secretaris d’estat), aquestas 4 personas representan sonque l’11,76% de la còla. S’aguèsson repectat la proporcion de la populacion nòstra, Occitània deuriá téner 9 ministres. Tanben cal integrar la qualitat dels ministèris fisats a d’occitans que vertadièrament son segondaris dins la vida politica.
 
 
 
 
TL

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Maime Limòtges
41.

Me vau junher a las criticas, en tot essaiant d'èsser constructiu. Sei de l'eivis d'Emanuel Isopet per çò de la representativitat territoriala dins un governament. Sem pas en Soïssa ente la comunautats nacionalas son representadas dedins. L'unic criteri deu èsser la competéncia per far la politica que la majoritat vòu far.

Gerar-Joan nos parla de çò que se ditz sus la minoritats visiblas. Efectivament, n'i a una discriminacion positiva que ditz pas son nom mas qu'es politicament correcta per : las minoritats visiblas, las femnas, los "jòunes" (los qu'an mins de 50 ans que). E si poden tot far d'un còp, iò fan : coma Najat Belkacem e Fleur Pellerin per exemple. Sens niar las competéncias de quelas damas de segur.

Terric nos parla daus autres jornaus que fan la lista de lors compatriòtas au governament. Mas, perdeque la gent s'interessen a quò ? Perque un ministre fai totjorn un pitit quaquarren (o un gròs) per la gent que l'an elegit (avant que sia ministre). Quò se pela lo clientelisme. De segur, dise pas qu'es lo biais de veire de Terric.

Personalament, prefere veire daus ministres qu'an las mesmas ideas que me, pusleu que daus ministres de chas me. Enfin, avem desjà un president eh. Que fai pas ren per sa region ! P'un pitit museu. P'un pitit emplec fictiu. P'un plaçon a Paris per lo filh de la vesina !

Adonc, oc-es, sei d'accòrd, pas beucòp d'occitans aus comandas a Paris (un president, una ministra e tres secretaris d'Estat). Mas de que serv d'aver daus ministres occitans ?

  • 0
  • 0
Gerard Joan Barceló Pèiralata
40.

#38 Òc-ben, mas a l'estat francés, la populacion del Bascoat despassa pas los 260 000 abitants, e es probable encara mens se pensam que Baiona e Biàrritz son de vilas occitanas. Totun, dins los govèrns de drecha, tenián una consolacion bèla: la ministra d'estat Michèle Alliot-Marie.

  • 3
  • 4
Alex Hontarreda Baiona
39.

En tot cas, los hollandés que i son plan arrepresentats.

  • 7
  • 1
Gabrièu Balloux Bordèu
38.

Cresi que fau pas se plànher vist que los Basques an 0 % de menistres.

  • 2
  • 0
Galèc mancastres
37.

#28 tu as pas vist los galècs,

  • 2
  • 1

Escriu un comentari sus aqueste article