Bandièra01 1180x150: Comuna de Tolosa

Actualitats

crotz-tolosaCreated with Sketch.GasconhaVal d'Aran

Tòn Cónsul qu’a artenhut era 13u posicion en Gran Prèmi d’Ostrava

Eth patinaire aranés qu’a melhorat era classificacion qu’artenhèc en Eslovènia e qu’a era classificacion minimau entà participar en campionat deth Mond

| CGA
Tòn Cónsul qu’a artenhut era 13u posicion en Gran Prèmi d’Ostrava
 
Eth patinaire aranés qu’a melhorat era classificacion qu’artenhèc en Eslovènia e qu’a era classificacion minimau entà participar en campionat deth Mond
 
Eth patinaire aranés Tòn Cónsul qu’a artenhut era 13u posicion en Gran Prèmi Junior d’Ostrava, en Chequia. En Ljubljana (Eslovènia), Cónsul que finalizèc ena 15u posicion. Alavetz en Ostrava a melhorat considerablaments eth sòn rendement. Damb ua marca personau de 89,03 eth patinaire a artenhut era classificacion minimau entà participar en campionat deth Mond junior en programa liure. En Eslovènia ja auie artenhut era minimau entà participar en mondiau en programa cuert.
 
En Ostrava eth nivèu des patinaires ère plan naut. Que ganhèc er aur eth canadenc Roman Sadovsky, er argent eth rus Alexander Samarin e eth bronze eth japonés Sei Kawahara.
 
“Eth mèn objectiu que ven ei eth campionat d’Espanha, qu’enguan aurà lòc en Granada en mes de deseme”, çò didec Tòn Cónsul. S’aquiu capite era prumèra posicion, eth patinaire aranés representarie ar estat espanhòu en Campionat deth Mond Junior de Tallinn (Estònia). Espanha solament a ua plaça entad aguest eveniment, e Occitània, per ara, non participe pas.
 
 
 
 
CGA/FM



_____
En vidèo següent que podetz veir ua entrevista de Tòn Cónsul en anglés hèta en JGP:
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article