Bandièra01 1180x150: Comuna de Tolosa

Actualitats

Euro 2012. França umiliada mes qualificada

| Ministry of Foreign Affairs of the Republic of Poland

En lo darrèr encontre deu grop D, l’equipa de França afrontava ger ser l’equipa de Suècia ja eliminada de la competicion. Mes lo fotbòl ei tot prumèr una question de motivacion e d’envèja e ad aqueth jòc los francés son estats despassats tot au long de la partida per lors adversaris.


Après un prumèr periòde de maishanta qualitat, los francés an pas sabut pujar lo nivèu en segon periòde. Sordeish, Suècia a obèrt la marca abans l’òra de jòc per una represa faraminosa d’Ibrahimovic, qu’ei per lo moment lo gol mei polit d’aqueth Euro. Batuda suu plan fisic, mentau e tecnic, l’Equipa de França contunhava de subir per préner un dusau gòl en las darrèras minutas, inscriut per Larsson. Una victòria 2-0 d’aunor per Suècia e sons suportaires qui deishan l’Euro caplhevat.

França, qualificada mercés a la victòria d’Anglatèrra contra Ucraïna 1 a 0, acaba fin finala dusau deu grop D e encontrarà donc Espanha en quarts de finala. La partida d’aqueste ser balha pas grana ilusion de qualificacion per los francés qui se deveràn engatjar mei per esperar bàter los campions en títol.

L’autre quart opausarà donc Anglatèrra a Itàlia, un encontre qui sembla mei equilibrat.




Matieu Casanòva

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

garric
3.

Esperarem una remobilizacion contra Espanha...

  • 0
  • 1
Julian
2.

Òsca als jogaires de Suècia ! Que contunhe l'umiliacion per França (emai contra Espanha, ça rai !) !

  • 3
  • 0
Faidit Comuns
1.

Mercés mon dieu!

http://www.youtube.com/watch?v=sOlwTt1HELQ

  • 2
  • 0

Escriu un comentari sus aqueste article