Bandièra01 1180x150: Comuna de Tolosa

Actualitats

Lo Tribunal Constitucional espanhòl met en suspens lo referendum de Catalonha e Aran

S’amassèt ièr de ser en caractèr extraordinari a la demanda del govèrn espanhòl, qu’a tanben demandat d’enebir tota accion restacada amb aquel vòte

Lo Tribunal Constitucional espanhòl s’amassèt ièr de ser, en una reünion extraordinària, per admetre abans ora los recorses que lo govèrn espanhòl a pausat contra la lei catalana de consultas e lo decret de convocacion del vòte pel 9 de novembre que ven, sul futur politic de Catalonha e Aran.
 
L’admission d’aqueles recorses del govèrn espanhòl implica la suspension automatica dels dos tèxtes perque lo govèrn de Mariano Rajoy a demandat al tribunal d’aplicar l’article 161.2 de la Constitucion espanhòla, amb lo qual se pòt suspendre l’afar recorregut fins al moment que lo tribunal dirà sa senténcia. Aquela suspension es de cinc meses. Mas la cort constitucionala poiriá dire sa senténcia abans lo 9 de novembre, e s’es pas favorabla, poiriá quitament cancelar lo vòte.
 
Lo tribunal constitucional espanhòl es presidit per un èx-militant del Partit Popular, sèt jutges son pròches d’aquel partit e cinc son del sector mai progressista.
 
 
Manifestacions
 
L’Assemblada Nacionala Catalana, Òmnium Cultural, los partits politics favorables al referendum e mai d’una associacion an apelat a manifestar uèi a 19h davant totas las comunas de Catalonha.
 
 
Suspendre tanben totas las accions restacadas amb lo referendum
 
Lo govèrn espanhòl a tanben demandat al Tribunal Constitucional espanhòl de suspendre totas las accions de preparacion e totas las accions restacadas al referendum catalan.
 
 
Lo vidèo enebit
 
Amb aquò, lo govèrn de la Generalitat de Catalonha pòt pas pus emetre lo vidèo publicitari qu’encoratjava los ciutadans a anar votar lo 9 de novembre. Ara que l’emission d’aqueste vidèo es interdicha, la còla de Jornalet vos convidam a lo difondre.
 
 

Publicitat institucional de la consulta del 9-Nper vilawebtv


Lo resson dins los mèdias internacionals

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

El Tàrrega Igualada (Països Catalans)
5.

Us ho vull estalviar, però allò que hi ha al centre de la peninsula, sempre ha fet i farà el mateix.
Ja ho saviem, i mira si som bons, ho hem volgut tornar a provar.
Ara ja ho savem, i que tohom ho vegi, ni a les bones son capaços.
Si el món se'n donés conte, ja fa temps que tot això hauria canviat.
Bé que sapiguen que encara que diguin ells son els dolents, ells prohibeixen, ells calumnien, ells insulten.
I nosaltres no.
Però no ens hem de confiar, fins a la victòria.
Visca la Terra...Lliure!

  • 0
  • 0
Ilergeta lhèida
4.

No volen saber el que pensem,son els fills i nets del franquisme els que volen que els Catalans continuem sent un poble sotmès a la imposició cultural, social políitica i económica españolista.

Moltes Gràcies per la vostra comprensió , i disculpeu-me no expressar-me en el vostre idioma.




  • 8
  • 0
President Marciá Barcelona
3.

Lo Tribunal Constitucional espanhòl met en suspens lo referendum de Catalonha e Aran Mas aqueste tribunal a de sens son que respècte a la constitucion de l'estat espanhòl que, precisament, non es l'estat catalan qu'es a mand de nàisser, constitucion de laquala s'agís exactament de votar per o contra… Tota constitucion exclús necessàriament tota contestacion de ladita constitucion en favor d'una autra. Mas cap de pòble, per biais de quina constitucion que siá non a pas cap dreit de dispausar d'un autre pòble… Qué qu'aquesta constitucion bote en suspens o non, votaràn los Catalans, al quite nom de la democracia e de sa republica catalana a mand de tornar nàisser. E tota contestacion d'aquela votacion constituís una clara e neta violacion del dreit dels pòbles a dispausar de se-meteis.

  • 7
  • 0
Pirolet
2.

Aquí sèm al picar de la dalha pel govern de Rajoy: pòt pas pus amagar qu'es antidemocratic (se i aviá encara un dobte). Vòl pas daissar qu'un pòble decida çò que vòl èsser. Ara se pòt que siá pas tan clar per los medias francimands. Segur que, lo cas se presentèsse dins lo país mai senat e mai polit del mond, París fariá çò mèmes.
Per Rajoy and Cia, es lo pòble espanhòl (i aguèt un temps mai democratic ont se parlava de LaS EspanhaS) que deu decidir per lo catalan amb aquesta contradiccion: qu'un fum d'espanhòls asiran los catalans gràcias a la propaganda del PP-PSOE mas voldrián pas daissar los catalans anar viure lor vida. Sembla pas logic mas se pòdon trapar de razons. Entre d'autras, la de los far cagar, segur.

  • 5
  • 0
Gerard Joan Barceló Pèiralata
1.

Quand lo poder judiciari obesís tan servilament lo poder executiu, s'acaba la separacion dels poders teorizada pel filosòf occitan Montesquieu, e la democracia es mòrta. Trista Espanha...

  • 13
  • 0

Escriu un comentari sus aqueste article