Quatre personas son estadas sequestradas a 11h del maitin dins una banca CIC a Tolosa. Lo sequestrador s'es identificat coma membre d'Al Qaida e a exigit la preséncia del RAID que tuèt Mohamed Merah. La polícia ditz que s'agís d'un òme amb d'antecedents medicals. A 17h lo sequestrador es estat interpellat, sonque el es estat ferit.
Un òme de 26 ans es dintrat a 10 oras dins una sucursala de la banca CIC de Tolosa e a pres 4 ostatges. L'òme s'es identificat coma membre d'Al Qaida, mas la polícia ditz qu'a d'antecedents medicals. La polícia a entornejat la bastissa, que se tròba a cent mètres de l'estança on moriguèt Mohamed Merah.
Lo ministèri de l'interior francés a pas res dich encara. "Sabem pas se la reivindicacion d'èsser membre d'Al Qaida es seriós o es una fantasia", a dich un policièr a l'agéncia Reuters.
Segon France Info, l'òme a exigit la preséncia del RAID, l'unitat d'elèit que tuèt Mohamed Merah lo març passat.
A 17 oras, la polícia a interpellat l'òme qu'es estat ferit al moment de l'assalt. Se sap pas cossí se pòrta. Totes los ostatges son estats liberats.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
M'a calgut cercar RAID: las fòrças d'elèit de la polícia francesa.
Mercés Jornalet!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari