Lo fondador de Wikileaks, Julian Assange, rèsta captiu dins l’Ambaissada d’Eqüator a Londres. Mas dimenge passat parlèt en dirècte de Google, la censura, lo contraròtle e la distribucion de l’informacion dins l’acte de clavadura del Nantucket Project, una conferéncia annuala que se fa dins aquela comuna de Massachusetts (Estats Units). L’aparicion d’Assange a de milièrs de quilomètres de la capitala anglesa foguèt possibla gràcias a un olograma en 3D.
 
Al mitan d’agost, en una conferéncia de premsa amb lo ministre dels afars estrangièrs eqüatorian, Ricardo Patiño, l’hacker australian anoncièt que sortiriá lèu de l’ambaissada, mas especifiquèt pas quora ni cossí.