CAPÇALERA: CONGRÉS AMIC
CAPÇALERA2: FAI-TE SOCI

Jornalet, gaseta occitana d'informacions

Dimars, 15 d'octòbre

Actualitats

Divendres, 17 d'octòbre de 2014, 03h00 Societat,Reportatge,Politica

Gasconha > Bearn > Palés

Se jutja uèi a Pau un militant de Libertat

Jornalet a parlat amb lo comitat de sosten per conéisser mai d’a fons lo movement revolucionari occitan, qu’afirma que se tracta d’un procès politic


Comentaris 8 comentaris    
Marrit Flac Bon Plan bon Fabulós (7 vòtes)
carregant En cargar


Uèi 17 d’octòbre, a 8h45, se jutja al tribunal de Pau un militant de Libertat, lo movement occitan d’esquèrra revolucionària. Pendent lo jutjament, qualques personas manifèstan davant la cort de justícia. Per defendre lo militant jutjat an creat un comitat de sosten que fedèra e organiza la resisténcia. Avèm parlat amb eles.
 
“Qu’insistissèm suu hèit que tot aquò ei politic, la nòsta defensa que’n serà tanben”, çò an dich. Lo militant de Libertat menat al tribunal deu respondre a qualques clams après l’accion de la polícia del 21 de junh passat, quand la Fèsta de la Musica s’acabèt ailà per de susmautas. La polícia metèt fin d’una faiçon plan violenta als concèrts que s’i debanavan. “Aquera nueit tranquilla que s’acabèc en susmauta après l’intervencion hèra violenta de la polícia tà har acabar la musica deu nòste concèrt tradicionau”.
 
De fach, Libertat denóncia un secutament policièr dempuèi tres meses. “Tot aquò qu’a començat dab un tracte de sostien a la Calandreta d’Artics (Bearn) ont Libertat e qualificava lo prefècte deu departament de «salaud» [«salòp»]. Pr’amor que per nosautes barrar ua escòla ei ua salopariá, sustot ua escòla en occitan, vista la situacion de la lenga nòsta... Après aquò qu’avèm agut ua intervencion policièra de las bèras au Hedars durant la hèsta de la musica. Qu’avèm, ara per ara, sonque un procès relatiu a la hèsta mes que n’esperam un [aute], suu pic, sus l’ahar deu prefècte”.
 
De fach lo procès d’uèi se debana al tribunal de polícia e lo militant jutjat risca de pagar una multa. Mas es possible que seguisca un autre procès al tribunal de granda instància, e aicí lo movement occitanista riscariá pas solament una multa mas la dissolucion de l’associacion e la barradura de la Tor deu Borrèu, al quartièr del Hedars, a Pau (Bearn), qu’es lo local social de Libertat. Fa longtemps que Libertat ditz que la comuna de Pau e las autoritats departamentalas cèrcan, e quitament provòcan los mendres pretèxtes per barrar la Tor deu Borrèu. “Non sabèm pas s’ei l’occitanisme que non agrada pas a las autoritats o meilèu tot çò que va contra la lor dominacion. Aquesta vielha e usada republica non a pas mei gran causa de balhar au pòble, sonque caumatge, repression e regressions socialas”.
 
Es aquí que nos explican tanben lor engatjament politic e social. “Qu’ei clar que lo sistèma politicoeconomic de «França» e coneish melhor que los pòbles la soa construccion istorica e las soas feblesas. La somisson politica e militara per l’estat francés deus pòbles periferics qu’ei la soa basa. Dab la crisi istorica deu capitalisme, l’estat francés que s’enflaquís dens las soas contradiccions: tostemps un centralisme hèra hòrt doblat uei lo dia d’ua metropolizacion que dèisha la majoritat de la populacion endarrèr. Lo 60% de la populacion exagonala viu dab un 40% de las riquesas, e si que juntam a tot aquò lo hèit que lo 30% de la populacion e possedís lo 77% deu patrimòni (segon l’INSEE), que’s compren las immensas inegalitats que marcan la vita vitanta deus ciutadans francés. Qu’avèm zònas hèra praubas en Occitània e non pas sonque dens las perifèrias de las granas ciutats; parçans coma Bigòrra, Carcin, la Nauta Provença e quasi tota Occitània en dehòra de las granas metropòlis que son zònas dab populacion hèra prauba. Qu’avèm un país desindustrializat, dab quitament mei d’ua situacion de vertadèra colonizacion sus las còstas (Lengadòc, Lanas, Provença per exemple).”
 
Los de Libertat se definisson coma “revolucionaris d’Occitània” e afirman: “la nòsta libertat pòt passar sonque peu desmantelament de l’estat francés e la desprovincializacion”. Dison mai encara: “la negacion de França que serà la nòsta libertat e non pas sonque la deus occitans mes de tots los pòbles de l’Exagòn e d’otramar”. Benlèu es per tot aquò que uèi se’n jutja un militant.



publicitat
BANER1-2-3: DGPL DICTADES



Comentaris

17 d'octòbre 19.06h

Un contexte que s'i impausa l'occitan tot sol . De revolucionaris intelligents e internacionalistas.


Valoriza aqueste comentari:   votar positiu 3   votar negatiu 0
Respondre comentari replica Comentari inadeqüat   Formulari d'abús de comentari

17 d'octòbre 15.45h

#6 Felicitacions au militant de Libertat que s'exprimís solament en occitan. Coratge, astre e solidaritat!


Valoriza aqueste comentari:   votar positiu 11   votar negatiu 4
Respondre comentari replica Comentari inadeqüat   Formulari d'abús de comentari

17 d'octòbre 15.22h

ISTÒRIC !! la jutja qu'a suspenut lo procès tà cercar un traductor pramor lo camarada qu'a sonque parlar en òc! Ua prumèra reconeishença de l'estat sus l'existéncia de la lenga occitana sus lo son territòri? La desobeisança qu'ei ua necessitat vitau cap a l'estat francés!
Que haserem un CR mei important mei tard!

La luta sonque la luta que paga!
Desobeisança activa e populara!


Valoriza aqueste comentari:   votar positiu 15   votar negatiu 0
Respondre comentari replica Comentari inadeqüat   Formulari d'abús de comentari

17 d'octòbre 15.22h

ISTÒRIC !! la jutja qu'a suspenut lo procès tà cercar un traductor pramor lo camarada qu'a sonque parlar en òc! Ua prumèra reconeishença de l'estat sus l'existéncia de la lenga occitana sus lo son territòri? La desobeisança qu'ei ua necessitat vitau cap a l'estat francés!
Que haserem un CR mei important mei tard!

La luta sonque la luta que paga!
Desobeisança activa e populara!


Valoriza aqueste comentari:   votar positiu 6   votar negatiu 0
Respondre comentari replica Comentari inadeqüat   Formulari d'abús de comentari

17 d'octòbre 14.49h

Una pensada solidària per Libertat! Qualque jorn lo temps vendrà qu'aurem un país mai libre, e serà gràcias a totes los qu'an lutat. Mercé plan los valents!


Valoriza aqueste comentari:   votar positiu 4   votar negatiu 0
Respondre comentari replica Comentari inadeqüat   Formulari d'abús de comentari

17 d'octòbre 13.49h

#2

Visca l'èrba!


Valoriza aqueste comentari:   votar positiu 2   votar negatiu 1
Respondre comentari replica Comentari inadeqüat   Formulari d'abús de comentari

17 d'octòbre 11.43h

Per comprener lo sistem "polito-economic" de França, chau pensar a lòr associar un cople : la religion e la sciença. Lo bateme de Clovis es un contrat de maridatge entre dos ambicions; los francs volian lo pus beu chasteu, la pus bela lenga, la prumiera plaça dins lo monde, l'autre volià la religion per ela e ela sola. Quò balhet de las gueras de conquestas (10 ans apres lo bateme, Clovis attaquet lo reiaume daus visigoths), de las gueras de religion, de las crotzadas, l'inquisicion. ... Legir mai


Valoriza aqueste comentari:   votar positiu 4   votar negatiu 2
Respondre comentari replica Comentari inadeqüat   Formulari d'abús de comentari

17 d'octòbre 07.33h

Totala solidaritat amb aqueste militant e amb lo movement Libertat dins aqueste combat


Valoriza aqueste comentari:   votar positiu 19   votar negatiu 5
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER2: 468x60 Aran TV

Editorial

Que pas res nos arrèste

“Òu, Union Europèa, calma-te. Torni dire: s’ensajas de qualificar nòstra operacion d’invasion, nòstre prètzfach es simple. Dobrirem las pòrtas ...
giny

Lo temps

Mapa
  • sol Agen 12
  • sol Aush 12
  • sol Bordèu 13
  • sol Briançon 12
  • sol Caors 13
  • sol Carcassona 13
  • sol Clarmont-Ferrand 11
  • sol Confolent 13
  • sol Gap 12
  • sol La Canau 13
  • sol La Gàrdia 19
  • sol Limòtges 10
  • sol Lo Borg Sant Dalmatz 16
  • sol Lo Puèi de Velai 10
  • sol Marselha 17
  • sol Montpelhièr 15
  • sol Naut Aran 10
  • sol Niça 19
  • sol Nimes 16
  • sol Pau 12
  • sol Peireguers 12
  • sol Rodés 12
  • sol Tolon 12
  • sol Tolosa 11
  • sol Valença 13

giny

giny

Vidèos

giny

Entrevista

giny

giny

publicitat

lateral 2 teveoc

Fotografias

  • A Gavotina marítima: Recabruna Cab Martin, a vila vielha e o castèl dau sécolo X

  • © Laurenç Revèst

    Ua comua de la valaia dai Palhons: L'Escarea, gents de cadea

  • © Zep Armentano

    XI prèmis Gaudí de l'Acadèmia Catalana del Cinèma

  • Hug de la Rosa

    Manifestacion "Er aranés, era nòsta identitat". Vielha 24 de març 2018

  • Asuèlhs comengeses. © Franc Bardòu

    Asuèlhs Comengeses

  • © Franc Bardòu

    Tèrra albigesa

  • Cap a las fonts autas d'Arièja. © Franc Bardòu

    Savartés. Cap a las fonts autas d'Arièja

  • © Franc Bardòu

    Coserans al còr

  • © Maria Millan

    22u corsa Aran per sa Lengua (26-7-2015)

  • Occitan e economia: "occitanitat mai o mens visibla"

  • Eth cap de Vaquèira damb era Maladeta ath hons.  © Xavi Gutiérrez Riu

    Val d'Aran

  • País de Rasés. © Franc Bardòu

    País de Rasés

  • Lo grand passacarrièra de Rodés. Occitan Pride 2013

  • © Laurenç Revèst

    Galaria fòto: La Gavotina marítima: Esa vielha, totplen de botigas e de toristas, 16 estatjants, 2 vielhs esascs, una gleia e un castèl arroïnat

  • Asuèlhs de Menerbés. © Franc Bardòu

    Asuèlhs de Menerbés

  • Costiera de Gavotina marítima : Tròces de vial d'a marina de Mónego a Caboalh. © RL

    Costiera de Gavotina marítima: Tròces de vial d'a marina de Mónego a Caboalh

  • Goulamàs'K a Bordelha (Rebeiragués) lo 9 de julhet 2012

  • © Conselh Generau d'Aran

    Lo Torn de França 2016 en Aran

  • © Laurenç Revèst

    Menton, 'a vivaroalpenca maritima

  • © CD

    Escòla Calandreta dau Mas. Drap (País Niçard)

publicitat

LATERAL2 330x60: Casteth Paums



publicitat

LATERAL1 300X250: radio pais

Las mai...

publicitat

LATERAL1 300X250: radio pais

giny

Sondatge

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)