Actualitats
Egipte. Al mièg del silenci dels militars, un avocat ditz que Mubarak se pòrta plan
Yussri Abdel Razeq, un dels avocats de l’èx-dictator egipcian Husni Mubarak, a dich al jornal The New York Times que lo sieu client se pòrta plan, que la siá santat es pas talament grèva coma an dich los mèdias, e que “solament tombèt dins los comuns de la preson”.
Las declaracions d’Abdel Razeq an portat mai de confusions sus l’estat de Mubarak, que segon la version oficiala patiguèt abans ièr un infart cerebral e un arrèst cardiorespiratòri. Lo Rais èra “clinicament mòrt” segon qualques mèdias, e “inconscient e amb la respiracion assistida” segon d’autres.
Segon l’avocat, Mubarak tombèt dins los comuns de la preson, se faguèt un calh de sang al còl e foguèt portat vers 17h a l’espital militar del Caire, ben abans çò que ditz lo rapòrt oficial.
Mubarak, segon Yussri Abdel Razeq, es estable après lo tractament medical e la siá vida es pas en perilh.
La santat de Mubarak es totjorn estada motiu de polemica en Egipte, los sieus familhals e avocats fa de temps que demandan que siá portat dins un espital per evitar la preson ont es condemnat a prepetuitat dempuèi lo 2 de junh.
Segon l’avocat, Mubarak tombèt dins los comuns de la preson, se faguèt un calh de sang al còl e foguèt portat vers 17h a l’espital militar del Caire, ben abans çò que ditz lo rapòrt oficial.
Mubarak, segon Yussri Abdel Razeq, es estable après lo tractament medical e la siá vida es pas en perilh.
La santat de Mubarak es totjorn estada motiu de polemica en Egipte, los sieus familhals e avocats fa de temps que demandan que siá portat dins un espital per evitar la preson ont es condemnat a prepetuitat dempuèi lo 2 de junh.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari