Bandièra01 1180x150: Comuna de Tolosa

Actualitats

crotz-tolosaCreated with Sketch.GasconhaVal d'Aran

Eth 9 de noveme que i aurà urnes gaireben en tot Aran

Se poderà votar ena consulta sus eth futur de Catalonha e Aran enes municipis deth Naut Aran, Vielha e Mijaran, Es Bòrdes, Vilamòs, Bossòst e Les. Es abitants d’Arres, Bausen e Canejan se deuràn desplaçar entà votar

Era majoritat des aranesi que poderàn votar eth 9 de noveme en sòn municipi ena consulta sus eth futur politic de Catalonha e Aran. Es municipis deth Naut Aran, Vielha e Mijaran, Es Bòrdes, Vilamòs, Bossòst e Les qu’auràn burèus de vòte. Es abitants d’Arres, Bausen e Canejan se deuràn desplaçar entà votar. En çò que tanh ath Principat de Catalonha, se poderà votar en 938 des 947 municipis, un totau de 1255 collègis electoraus e 6430 urnes.
 
Eth nombre de volontaris inscrits ei de mès de 30 200, que 6210 son foncionaris, çò que supère largament es previsions. Gràcies ad aguest engatjament superior serà possible “un dispositiu mès ambiciós”, segons çò qu’anoncièc dimèrcles passat era vicepresidenta dera Generalitat Joana Ortega.
 
A compdar de dimèrcles 29 d’octobre, se poderà saber eth locau a on cada ciutadan e pòt votar. Entà sabé’c, que cau trucar ath 012, demanà’c en ajuntament de cada pòble o consultar eth sit web www.participa.cat. Eth lòc de vòte ven determinat pera adreça que figure en document d’identitat (DNI).
 
Dijaus 30 d’octobre, que començarà ua campanha informatiua enes mejans de comunicacion entà explicar era manèra de participar. Entre eth 30 d’octobre e eth 8 de noveme, es entitats e es partits que poderàn hèr campanha. Entad açò era Generalitat met a posita 305 esquipaments civics e culturaus.
 
Era bilheta de vòte en Aran serà tanben en lengua occitana e ja se pòt descargar per Internet.
 
 
 
 
FM
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Gerard Joan Barceló Pèiralata
9.

#8 Segon la gramatica aranesa d'Aitor Carrera (p. 106, § 5.2.4): "En usatge respectuós er aranés actuau emplegue mès que mès *'vosté' i *'vostés' en plurau. Morfologicaments, aqueres formes que son dera tresau persona, mès en sens les cau estacar ara segona. Encara que sigueu generaus, non son cap autoctònes. Ena sua plaça qu'ei fòrça arrecomanable d'emplegar 'vos', ua forma vertadèraments araesa que morfologicaments ei dera segona persona deth plurau."

  • 0
  • 0
Wojciech Tallinn
7.

Eths parçans d'era val d'aran sense bureùs de votacion se deuen a lo tamanh des parçans.

Es votára en autres vilas.

Eth noste país ha det qu' en cas voletz canviar lo status d'era ball pofeu fer voste referend aussi.

  • 0
  • 0
Centoth Puyoo Pau (Biarn)
6.

La question pausada suu butletin qu'ei com segueish:

"Vò que Catalonha vengue un Estat? "

Prumèra remarca: ne's parla pas briga d'Aran aquiu. En aqueth referendum, Aran n'a pas d'existéncia pròpia com país, la vath qu'ei simplament considerada com un parçan de Catalonha, e pro. Que'm sembla que los aranés aurén de's prononciar suu futur d'Aran e los lors vòts comptabilizats a despart.

E la formula n'ei pas briga en gascon corrècte. Vò? De qui's tracta dab aqueth vò??? En gascon e en aranés qu'auré d'estar "Voletz".

  • 1
  • 2
laia
5.

2. perquè són molts petits i han decidit que facilitaran transport a les persones que hi viuen perquè vagin al centre de votació més porper.

  • 3
  • 0

Escriu un comentari sus aqueste article