Bandièra01 1180x150: Comuna de Tolosa

Actualitats

crotz-tolosaCreated with Sketch.GasconhaVal d'Aran

Eth Haro o eth Taro: eth brandon de Sant Joan ena Val d’Aran

En Les se dance ath torn deth Haro
En Les se dance ath torn deth Haro | festes.org

Anèt qu’auràn lòc per tota Occitània es hèstes de Sant Joan damb eth huec coma principau protagonista. Ena Val d’Aran, en Les e en Arties, se conserve era tradicion de cremar eth Haro, o eth Taro, ena net mès cuerta der an.


Eth Haro, nomentat Taro en Arties, ei un tronc d’auet quilhat que serà cremat aguest ser en escadença dera net de Sant Joan.
 
En Les, pendent tot er an que se debanen hèstes populares ar entorn de tot eth procès tà premanir eth Haro: era davalada, era shasclada e era quilhada. Totun, era cremada que se harà anet ei eth moment mès especiau. Dempús dera benediccion deth brandon, e de cantar “aqueres montanhes que tan nautes son”, que s’aluque eth Haro. Ath sòn torn que i baren es halhèrs en tot hèr virar halhes alucades de pèth de ceridèr. Dempús se dance ath torn deth brandon enquia qu’ei completaments cremat. Es dançaires, damb es vestits tradicionaus, que baren rondèus, borrègues, corrandes, gigues e d’autes dances deth país.
 
En Arties, un viatge eth Taro ei alucat, se lo hè quèir per tèrra e se passege per toti es carrèrs deth pòble. Es joeni que sauten per dessús des ahlames. Fin finau, eth brandon se pòrte en çò deth baile, qui lo deu amortar en tot convidar a béuer ara gent que hestège.
 
S’agís d’ua tradicion millenària que se cristianizèc, mès damb origines que se placen en ua tradicion celtica. Era legenda que ditz qu’en crear-se eth Mond, un holet nomentat Erulet siguec arrefusat tant en cèu coma en lunfèrn pr’amor qu’ère plan marrit. Eth holet demorèc atrapat ena Val d’Aran. Tre aqueth moment es vesins escampen es lacets alucadi deth Haro o deth Taro per carrèrs e camins, e baren ath sòn ath torn, entà hòrabandir aguest mau esperit.
 
Aquera tradicion qu’ei tanplan fòrça viua en d’auti endrets de Gasconha.
 
 
 
 
Ferriòl Macip

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Peironèla 'A Torbia
4.

Per vos dire qu'esto sera sio anaia au fuec d'a Sant Joan qu'es fach coma cada an en Torbia per 'e carriere dau vilatge vièlh. L'ambient èra plen d'emocion e ai poscut sentir, sensa que 'o monde se'n avise verament, un ambient d'occitanitat.

Lux lucet in tenebris ?

  • 1
  • 0
antalya
3.

Aaaah ! Malastrudament festejam "la fête de la musique" atal nomeda per Jack lang.
Pensatz una tradicion vielhassona desempuèi l'òme : Lo solstice d'estiu.
Qualques còps cal tornar als fondaments

  • 1
  • 0
Òlo Pujòlo
2.

#1 La pagam toti, l'amòrte er alcalde ;)

  • 3
  • 0
Lairissa
1.

E qui la pague? ;)

  • 2
  • 0

Escriu un comentari sus aqueste article