Per los e las que pòden pas far sens veituras, mas que tenen de mostrar lur apartenéncia regionala o nacionala, Citroën lança ’na varietat novela de sa pita ciutadina. Sus las regions administrativas dau temps present, es de notar que nonmàs 8 son mesas a l’onor, e dins lu grop, i a una region “Occitània”. Las autras son: Alsàcia, Bretanha, Corsega, Nòrd, París, lo País Basco e Savòia.
 
Se vautres atz ja ’na veitura dau mesme tipe, aquela personalizacion se pòt far aisadament dins una concession de la marca. Autrament, dins un autre estil, la marca farget daus jaspissons per identificar los cantons ente quò se produtz dau vin, e entau fasent, poder personalizar sa veitura.
 
Quau que siaia, beure o condurre, vai faler far una chausida. Los ciclistas son a esperar la mesma chausa per lur bicicleta e mai que mai que lu drech de respirar un er nete siguesse respectat. D’aviesar sus lu Facebook de la marca.
 
 
 
 
JP lu Rapieton