Actualitats
Aran a commemorat eth Dia Internacionau contra era Violéncia Masclista
Eth Conselh Generau d’Aran a previst diuèrsi actes contra era violéncia de genre ath long d’aguesti dies
Eth Conselh Generau d’Aran, per miei deth Servici d’Informacion e Atencion ara Hemna (SIAH), commemòre eth Dia Internacionau contra era Violéncia de Genre damb diuèrsi actes.
Entà daurir es actes commemoratius, se liegec agèr un manifèst de refús ara violéncia de genre. Liegec eth manifèst eth conselhèr de Salut e Benestança d’Aran, Eduardo Valdecantos, que soslinhèc: “eth Govèrn d’Aran, auem era obligacion de crear consciéncia sus aguesta violacion as drets umans. Auem de contunhar balhant especiau atencion e dedicacion tà eradicar era violéncia contra era hemna, mejançant eth compliment des objectius en egalitat de genre, desvolopament e patz”.
Ara seguida s’aluguèren candeles coma mòstra de solidaritat damb es victimes, tanben se presentèc eth vidèo Aran trinque es cadies e s’aufriguec ua chicolotada as assistents.
Participèren aperaquí un centenat de persones, ath delà dera preséncia dera conselhèra deth torisme, deth comèrç e deth consum, Anna Díaz, e des còssols der Ajuntament de Vielha e Mijaran Agustí Calbetó e Luisa Estévez.
Entà barrar es actes commemoratius, diuendres 28 de noveme, entàs 19h00, ena sala de premsa deth Conselh Generau d’Aran, era agenta de prevencion des relacions abusives, Yolanda Bardina, dera asociacion LIKA, parlarà sus “es trapèles amagades dera violéncia de genre”
CGA/Red.
Entà daurir es actes commemoratius, se liegec agèr un manifèst de refús ara violéncia de genre. Liegec eth manifèst eth conselhèr de Salut e Benestança d’Aran, Eduardo Valdecantos, que soslinhèc: “eth Govèrn d’Aran, auem era obligacion de crear consciéncia sus aguesta violacion as drets umans. Auem de contunhar balhant especiau atencion e dedicacion tà eradicar era violéncia contra era hemna, mejançant eth compliment des objectius en egalitat de genre, desvolopament e patz”.
Ara seguida s’aluguèren candeles coma mòstra de solidaritat damb es victimes, tanben se presentèc eth vidèo Aran trinque es cadies e s’aufriguec ua chicolotada as assistents.
Participèren aperaquí un centenat de persones, ath delà dera preséncia dera conselhèra deth torisme, deth comèrç e deth consum, Anna Díaz, e des còssols der Ajuntament de Vielha e Mijaran Agustí Calbetó e Luisa Estévez.
Entà barrar es actes commemoratius, diuendres 28 de noveme, entàs 19h00, ena sala de premsa deth Conselh Generau d’Aran, era agenta de prevencion des relacions abusives, Yolanda Bardina, dera asociacion LIKA, parlarà sus “es trapèles amagades dera violéncia de genre”
CGA/Red.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari