An presentat als Estats Units lo filme documentari Antarctica: A Year on Ice (Antartida: un an sus lo glaç), amb d’imatges de la vida vidanta dels salariats de las estacions scientificas enregistradas pendent dètz ans pel realizaire Antony Powell.

Los documentaris sus Antartida mòstran normalament una petita part d’aquel enòrme continent glaçat e desconegut. D’abitud se soslinha la vida de las missions scientificas o l’environament pendent l’estiu. Per contra, Antarctica: A Year on Ice es un documentari singular perque son realizaire, Antony Powell, a enregistrat pendent dètz e nòu ivèrns cossí es la vida vidanta a las confinhas de la planeta.
 
“Lo ponch de vista es pas lo dels scientifics que i fan de sojorns temporals, mas lo dels salariats corrents que mantenon las estacions en foncionament dins l’endrech mai freg de la planeta”, çò disiá l’autor dins sa campanha de micromecenatge per sufragar lo filme.