Actualitats
La mosca de l’oliva menaça la produccion d’òli de Provença
Un ivèrn doç e un estiu plujós an facilitat l’espelida de la plaga
La mosca de l’oliva(Bactrocera oleae) menaça la produccion d’òli de Provença. L’ivèrn doç e l’estiu plujós an facilitat l’espelida d’aquel insècte. E mai se las previsions per 2014 atenhián las 5000 tonas d’olivas, “sèm pas segurs d’arribar a 1500 tonas”, çò diguèt tot chepicat Olivier Nasles, president de l’Associacion Francesa Interprofessionala de l’Oliva (AFIDÒL).
Per salvar la recòlta de 2014, las olivas son estadas culhidas al començament d’octòbre en luòc d’o far en novembre, abans d’èsser atacadas per la mosca. Mas, evidentament, lor maduritat es mendre, e la produccion d’òli es inferiora.
Nasles planh la reglamentacion actuala que solament autoriza “dos insecticidas” mentre que segon el ne caldriá de “sièis a uèch”, segon çò qu’a publicat 20 Minutes. I auriá tanben un tractament a basa d’argela blanca, eficaç mas fòrça costós.
Ongan en Occitània s’importarà fòrça òli provenent d’Itàlia, dels païses del nòrd d’Africa, dels Païses Catalans e d’Andalosia.
Per salvar la recòlta de 2014, las olivas son estadas culhidas al començament d’octòbre en luòc d’o far en novembre, abans d’èsser atacadas per la mosca. Mas, evidentament, lor maduritat es mendre, e la produccion d’òli es inferiora.
Nasles planh la reglamentacion actuala que solament autoriza “dos insecticidas” mentre que segon el ne caldriá de “sièis a uèch”, segon çò qu’a publicat 20 Minutes. I auriá tanben un tractament a basa d’argela blanca, eficaç mas fòrça costós.
Ongan en Occitània s’importarà fòrça òli provenent d’Itàlia, dels païses del nòrd d’Africa, dels Païses Catalans e d’Andalosia.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari