Bandièra01 1180x150: País Invisible

Actualitats

crotz-tolosaCreated with Sketch.LengadòcLengadòc NautTolosan

L’estat francés vend la mitat de l’aeropòrt de Tolosa

Un consòrci chinocanadenc n’a crompat lo 49,9%. Lo ministre Macron ditz qu’es pas una privatizacion mas una “dobertura del capital”

| Mirza Junaid
Dijòus passat, lo ministèri francés de l’economia a anonciat que Symbiose, un consòrci chinés associat al canadenc SNC-Lavalin, aquerirà una participacion del 49,9% de l’aeropòrt mondin.
 
Lo ministre francés de l’economia, Emmanuel Macron, assegurèt a La Dépêche qu’es pas una privatizacion perque las collectivitats localas e l’estat demòran majoritaris amb lo 50,1% del capital. Macron o preferiguèt nomenar “dobertura del capital”. “Vendèm pas l’aeropòrt, vendèm pas las pistas ni los bastiments, que rèstan proprietat de l’estat”, çò diguèt. Segon aquel jornal, los chineses poirián cedir fins al 16% de lor participacion a un investidor francés que poiriá èsser la Caisse des Dépôts, EDF Invest o encara Crédit Agricole Predica. Mas en tot cas l’aeropòrt de Blanhac tornarà pas èsser al 100% de titularitat publica.
 
Lo 50,1% de l’aeropòrt es a l’ora d’ara de la Cambra de Comèrci e d’Indústria de Tolosa (25%), de la region de Miègjorn-Pirenèus (5%), del departament de la Nauta Garona (5%) e de l’estat francés (10,1%). Aquel 10,1% de l’estat se vendrà pas e mai se, segon Le Monde, i a quatre consòrcis en liça.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

antalya apraquital
5.

#4 Agara qu'es pas talament lo fach que siaguessa vendut, l'estat a ren a i far, mas las infracstruturas se vendan pas a de grops estrangiers çò me sembla! Lo Qatar, China e frança se vend pauc a cha pauc, occitània atanben, los chineses crompan las vinhas del bordalès....

  • 4
  • 0
Gerard Joan Barceló Pèiralata
4.

Per veire quins govèrns menèron de politicas de privatizacion: http://fr.wikipedia.org/wiki/Privatisations_en_France
"Dobertura del capitat": amb l'ipocrisiá dels socialistas franceses, qual s'estona que ara la contestacion, l'incarnan los neofaissistas de l'FN?

  • 3
  • 1
Gerard Joan Barceló Pèiralata
3.

#2 Non, las autoestradas, lo govèrn Villepin las privatizèt completament. Per contra, foguèt lo govèrn Jospin (que privatizèt aitant que lo govèrn Chirac de 1986) que dobriguèt lo capital d'ASF (Autoestradas del Sud de França).

Coma de costuma, l'estat francés contunha d'o far tot sens consultar las populacions. Aquò rai, "vive la France"...

  • 5
  • 2
antalya apraquital
2.

#1 D'aprèp Mediapart, jornal subvencionat (O cal díser quand los jornals sonsubvencionats), Macron a fach messorgas. Lo Macron ça disiá qu'aquèla venda èra pas una privatizacion... D'aqui que Mediapart dis que en fach es una privatizacion de l'estat socialista aganit quye vend los bens comuns. Es coma las autorotas vendu das a qu'al ne'n vòl per lo poder socialista.
Es coma la retrata de Hollanda e son exemplaritat de ventalha, tanplan coma le Paon de la CGT...
Quand disèm totis poirits fins al calòs es pas tant messotgas que las que nos fan de contunh.....
Mentre aquèl temps las cordas pantaissan, de còps que servirian dins pas lèu.....

  • 2
  • 1
Terric Lausa Quilhan
1.

S'explotar un aeropòrt es rentable fins al punt que d'unes chineses n'an volgut comprar la mitat, perqué l'estat l'a pas vendut a las collectivitats (comuna, aglomeracion, CG o CR)? Atal seriá demorat un ben comun. Mas l'estat francés es dins un estat talament pietadós dins totes los domènis, inclós l'economia que per obténer 308 milions d'èuros ( çò qu'es pas res a l'escala del budget total de l'estat) es capable de degalhar lo ben comun dels occitans. Es una agression economica contra lo pòble occitan.

  • 7
  • 4

Escriu un comentari sus aqueste article