Actualitats
L’Universitat arriba a la Val d’Aran
Una convencion entre lo Conselh General d’Aran, la comuna de Vielha e l’Universitat de Lhèida mena en Aran d’estudis, de recèrcas e de practicas sus lo torisme, l’economia e l’administracion en occitan
Lo Govèrn d’Aran e la comuna de Vielha e Mijaran an signat una convencion amb l’Universitat de Lhèida per menar en Aran de formacions restacadas amb los principals sectors economics e socials del país, segon çò que rapòrta lo Conselh General d’Aran.
“Era collaboracion entre eth Conselh Generau d’Aran, era Universitat de Lhèida e era comuna de Vielha e Mijaran constituís ua evidenta garentida entà qu’es sinergies entre er ensenhament e era recèrca universitària, es accions des administracions territoriaus e es besonhs de formacion e de coneishença dera societat d’aguesti territòris confluisquen, entà assolidar e enfortir eth sòn desvolopament economic, sociau, professionau e culturau”, çò diguèt lo sindic d’Aran, Carlos Barrera.
D’un costat, aquel acòrdi permet que los estudiants universitaris o de mastèr fagan lors practicas academicas dins d’entrepresas, publicas e privadas, de la Val d’Aran, mai que mai per rapòrt als estudis d’infirmariá, de sciéncia de l’activitat fisica e l’espòrt, de fisioterapia, de torisme, de geografia, d’administracion e direccion d’entrepreses, d’educacion primària e infantila, de catalan e d’occitan.
En mai d’aquò, se desvoloparà al país d’activitats de recèrca aplicada dins l’encastre del torisme per collaborar a las activitats toristicas d’Aran, per las assolidar e las refortir. Dins aquel sens, se metrà en marcha a Vielha una cadièra d’estudis universitaris de torisme d’interior e de montanha, qu’una de sas accions serà de bastir un Observatòri del Torisme de la Val d’Aran.
La convencion impulsa e afavorís l’ensenhament e la difusion de la lenga e la literatura occitanas, a carga de la Cadièra d’Estudis Occitans de l’Universitat de Lhèida.
Las activitats formativas d’estiu de l’Universitat de Lhèida seràn presentas en Aran; i ofriràn almens un cors o un jornada a l’entorn de tèmas tocant l’administracion, l’economia e la societat aranesa. Tanben se promourà las salas d’estudi per las personas pus vièlhas.
Las institucions aranesas e l’universitat tanben se son engatjadas a bastir a Vielha un espaci permanent.
“Era collaboracion entre eth Conselh Generau d’Aran, era Universitat de Lhèida e era comuna de Vielha e Mijaran constituís ua evidenta garentida entà qu’es sinergies entre er ensenhament e era recèrca universitària, es accions des administracions territoriaus e es besonhs de formacion e de coneishença dera societat d’aguesti territòris confluisquen, entà assolidar e enfortir eth sòn desvolopament economic, sociau, professionau e culturau”, çò diguèt lo sindic d’Aran, Carlos Barrera.
D’un costat, aquel acòrdi permet que los estudiants universitaris o de mastèr fagan lors practicas academicas dins d’entrepresas, publicas e privadas, de la Val d’Aran, mai que mai per rapòrt als estudis d’infirmariá, de sciéncia de l’activitat fisica e l’espòrt, de fisioterapia, de torisme, de geografia, d’administracion e direccion d’entrepreses, d’educacion primària e infantila, de catalan e d’occitan.
En mai d’aquò, se desvoloparà al país d’activitats de recèrca aplicada dins l’encastre del torisme per collaborar a las activitats toristicas d’Aran, per las assolidar e las refortir. Dins aquel sens, se metrà en marcha a Vielha una cadièra d’estudis universitaris de torisme d’interior e de montanha, qu’una de sas accions serà de bastir un Observatòri del Torisme de la Val d’Aran.
La convencion impulsa e afavorís l’ensenhament e la difusion de la lenga e la literatura occitanas, a carga de la Cadièra d’Estudis Occitans de l’Universitat de Lhèida.
Las activitats formativas d’estiu de l’Universitat de Lhèida seràn presentas en Aran; i ofriràn almens un cors o un jornada a l’entorn de tèmas tocant l’administracion, l’economia e la societat aranesa. Tanben se promourà las salas d’estudi per las personas pus vièlhas.
Las institucions aranesas e l’universitat tanben se son engatjadas a bastir a Vielha un espaci permanent.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#2 Per'mor que n'èi pas sabut trobar la pagina en occitan... perdon, en aranés ;-)
#1 Perqué lieges era pagina deth Conselh d'Aran en espanhòu?
http://www.conselharan.org/conveni-de-collaboracion-entre-era-universitat-de-lheida-eth-conselh-generau-daran-e-er-ajuntament-de-vielha-e-mijaran/
A Jornalet, qu'an la manja larja entaus dirigents aranés qui s'ameritarén quauques criticas per la lor vision sovent au 100 % aranesa.
Per exemple, sus aqueste subjècte, Jornalet qu'escriu "als estudis d’infirmariá, de sciéncia de l’activitat fisica e l’espòrt, de fisioterapia, de torisme, de geografia, d’administracion e direccion d’entrepreses, d’educacion primària e infantila, de catalan e d’occitan", mes lo site oficiau deu Conselh Generau d'Aran qu'escriu, eth: "se impulsará la realización de prácticas académicas de los grados de enfermería, ciencia de la actividad física y el deporte, fisioterapia, turismo, geografía, administración y dirección de empresas, educación primaria e infantil, y estudios de catalán y aranés." http://www.conselharan.org/es/convenio-de-colaboracion-entre-la-universitat-de-lleida-el-conselh-generau-daran-y-el-ayuntamiento-de-vielha-e-mijaran/
Alavetz, vath o isla ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari