Bandièra01 1180x150: Comuna de Tolosa

Actualitats

crotz-tolosaCreated with Sketch.ProvençaProvençaTolonenc

Gèlan un projècte petrolier en mar, près de la còsta provençala

| Jose Antonio

Lo govèrn francés a gelat un projècte de centre d’expertesa e d’assais destinat a l’energia petroliera. Se deviá installar dins la Mar Mediterranèa, près d’Ieras, en Provença, en se pausant sus de fons marins. Aqueu centre, qu’a nom Abyssea, se seriá trobat au bèu mitan d’un santuari internacionau de proteccion dei cetacèus, apelat Pelagos.


Segon Le Figaro, lo gèu dau projècte foguèt anonciat dimars per Ségolène Royal, la ministra francesa de l’ecologia, dins una letra au prefècte dau departament de Var. Royal i disiá qu’encargava lo Conseu Generau de l’Environament e dau Desvolopament Sostenable “d’estudiar un autre luòc d’implantacion” e, en esperant sei conclusions, ordenava “de pas perseguir la procedura d’autorizacion”.
 
Lo centre petrolier Abyssea prevei de crear doas plataformas pausadas a 1 300 e 2 400 mètres de fons, au larg d’Ieras. Sa tòca es d’assajar leis esquipaments offshore de l’indústria petroliera e miniera, en condicons realas, especialament dins lei tecnologias sosmarinas per grandei prefondors. Abyssea costariá 13 milions d’èuros que lo 35% ne seriá finançat per de fons publics.
 
Lei movements ecologistas e lei representants d’Ieras s’opausan a aqueu projècte. Diluns, lo conseu municipau d’Ieras votèt còntra eu una mocion de desfisança en denonciant un “projècte opac”. D’elegits d’EELV dison que lo projècte “respònd pas ais exigéncias actualas de refonda dau modèl energetic ni a l’installacion necessària de la transicion ecologica”.
 
 
 
DS

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Terric Lausa Quilhan
6.

#3

Tant melhor s'en Ziegler es un brave tipe contrariament a çò que n'an dit daubuns.

  • 1
  • 0
Cristian FORMENT AGEN
5.

4-2- Rebrembi, respècte als negacionistas, mon adesion totala a las posicions de l'Union des Juifs Français pour la Paix", adesion formulada dins un recent comentari.

  • 1
  • 0
Cristian FORMENT AGEN
4.

#2- Lo primèr punt es tractat objectivament per Gerard-Joan Barceló.
Pel projècte Abyssea, le"eux" dins : "Retournons les armes contre eux." son los capitalistas destuctors del planèta.

  • 3
  • 0
Gerard Joan Barceló Pèiralata
3.

#2 Terric, cresi pas que Jean Ziegler siá un amic dels negacionistas. Nonmàs se faguèt enganar, coma l'abat Pierre, per l'avocat Jacques Vergès a prepaus del libre de Garaudy. Sembla pas tanpauc que sos ligams amb lo dictador libian foguèsson d'amistat...

  • 2
  • 0
Terric Lausa Quilhan
2.

#1

Del fons del trauc ont m'avèt doblidat confessi mon ignorància per çò que tòca al rapòrt entre Ziegler, amic de Kadhafi e dels negacionistas e lo projècte Abyssea.

Portarètz una explicacion bensai?

  • 1
  • 2

Escriu un comentari sus aqueste article