CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Dijòus, 19 de setembre

Actualitats

Dimècres, 17 de decembre de 2014, 03h00 Politica,Internacional,Economia

TTIP: Dètz questions sul polemic tractat de liure escambi

Qu’es aquò? Perqué se negòcia en secret? Quals son los beneficis e prejudicis que portarà?


Comentaris 8 comentaris    
Marrit Flac Bon Plan bon Fabulós (5 vòtes)
carregant En cargar


L’Union Europèa e los Estats Units vòlon arribar dempuèi longtemps a un acòrdi transatlantic per crear un grand espaci de liure escambi, e sembla qu’aqueste còp avançarà. Mas la question a levat de polemicas e d’oposicions: dempuèi qualques setmanas d’activistas e de formacions d’esquèrra an lançat de campanhas contra lo dich TTIP. Mas qu’es aquò? Que se’n sap? Quals beneficis se’n vòl traire? I a de fondaments per creire que se retalharà de dreches professionals dels europèus, que se dobrirà la pòrta a la carn amb d’ormònas e que se privatizarà los servicis publics? La jornalista Bel Zaballa de Vilaweb a publicat una analisi qu’ensaja de respondre a las dètz questions principalas.


1. Qu’es lo TTIP?
 
Son las siglas en anglés del Partenariat Transatlantic de Comèrci e Investiment (Transatlantic Trade and Investment Partnership). Es un acòrdi que son a lo negociar l’Union Europèa e los Estats Units per crear la zòna de liure escambi mai granda del Mond.
 
A per objectiu d’eliminar de tarifas doanièras, de nòrmas que considèran innecessàrias e de restriccions a l’investiment dins una granda varietat de sectors economics per simplificar la crompa-venda de bens e servicis entre l’Union Europèa e los Estats Units.
 
 
2. Qual lo negòcia?
 
En nom de l’UE e de sos vint e sèt estats membres, i negòcia la Comission Europèa (CE), amb lo director general del comèrci de la CE, Ignacio García Bercero, en tèsta.
 
Del costat estatsunidenc, i participa principalament lo Burèu del Representant Comercial dels Estats Units. En aqueste document trobaretz la lista dels negociaires.
 
Qualques opausants a l’acòrdi an denonciat que la CE fa de reünions sul TTIP amb de lobbys de multinacionalas.
 
 
3. Quora s’aprovarà?
 
Fa d’ans que se parla de l’intencion de far un grand acòrdi transatlantic. Fin finala, fa qualques meses, comencèron las negociacions per li donar forma, e en julhet i aguèt una primièra sèria de negociacions. Las convèrsas seràn longas, e es pas previst que s’arribe a l’acòrdi final abans dos ans. Los Estats Units lo voldrián aver alestit abans que comence la corsa electorala de 2016, mas sembla pauc probable que s’apròve pendent lo mandat de Barack Obama.
 
Tre que la CE e los Estats Units auràn redigit l’acòrdi, lo caldrà sometre al vòte dins lo Parlament Europèu, dins cadun dels estats membres e tanben dins lo Congrès dels Estats Units. Lo dobte es se caldrà que totes los estats de l’UE lo ratifiquen per qu’intre en vigor e çò que se passarà se qualque estat vòta contra.
 
 
4. Quins beneficis economics portarà a l’Union Europèa?
 
Segon un rapòrt encargat per l’UE al Centre d’Investigacion de la Politica Economica, l’economia europèa poiriá obténer de beneficis de 119 milards d’èuros per an, “çò qu’equival a 545 èuros extraordinaris de mejana per fogal de l’UE”. E l’economia estatsunidenca auriá de beneficis de 95 miliards d’èuros, “es a dire, 655 èuros extraordinaris per familha estatsunidenca”.
 
Los partisans del TTIP defendon que, a tèrme long, se generariá una creissença economica equivalent al 0,5% del PIB continental e que se creariá de centenats de milièrs d’emplecs. “Es clar que, del mai i aurà de liberalizacion, del mai lo resultat global serà bon”, çò ditz la CE.
 
 
5. D’ont sortiràn los beneficis economics?
 
Segon l’estudi Reducing barriers to Transaltantic Trade [Reduire las barrièras al comèrci transatlantic], l’80% dels beneficis economics derivats del TTIP s’obtendrián en retalhar las despensas de burocracia e legislacion e en liberalizar lo comèrci dels servicis e los emplecs publics. “Lo còst derivat de la burocracia innecessària pòt apondre al prètz de las marchamdisas l’equivalent a de taxas doanièras entre un 10% e un 20%, una despensa que retomba sul consumaire”, çò ditz l’Union Europèa. L’UE defend que s’eliminen las taxas doanièras, las nòrmas innecessàrias e las barrièras burocraticas per impulsar lo comèrci, es a dire per “aumentar l’ofèrta e la demanda sens aver d’aumentar la despensa publica ni lo deute”.
 
L’UE compta que creisseràn las exportacions dins totes los sectors economics, çò que beneficiarà a las multinacionalas e a las petitas e mejanas entrepresas. Prevei tanben que los prèses tombaràn coma resultat d’eliminar de taxas doanièras e de rendre mens cars de bens e de servicis.
 
 
6. Perqué i a una campanha d’oposicion?
 
Dins fòrça estats europèus, an començat de campanhas de mobilizacion contra lo TTIP, bailejadas mai que mai pel movement ATTAC (Associacion per la Taxacion de las Transaccions e per l’Ajuda als Ciutadans).
 
Denóncian una manca de transparéncia en las negociacions entre l’UE e los Estats Units, pr’amor que se pòt pas accedir al desvolopament de las negociacions. E alèrtan sus una seguida de prejudicis que considèran qu’aquel acòrdi portariá. Dison que fariá pèrdre d’influéncia e de sobeiranetat als govèrns sus de questions coma las nòrmas environamentalas, la seguretat alimentària e la proteccion del consumaire. Sostenon tanben que l’armonizacion de las regulacions de l’UE e dels Estats Units degradariá las regulacions europèas dins de domenis coma los que se son mençonats, car normalament las regulacions europèas i son mai exigentas.
 
En mai d’aquò, creson que se perdriá d’emplecs fixes, que se reduiriá lo revengut de la majoritat de la populacion, que se retalhariá de dreches, que se desregularizariá lo mercat financièr e que se liberalizariá lo flux de donadas personalas e financièras.
 
 
7. Es vertat qu’implicarà una privatizacion dels servicis publics?
 
Es una de las denóncias que se son fachas, mas sauprem pas la responsa segura a aquela question ni a qualques autras abans que lo tèxt siá alestit e portat al Parlament Europèu. Los opausants alèrtan que las corporacions estatsunidencas vòlon accedir a l’emplec public amb las meteissas condicions que per las companhiás estatalas e europèas e que lo TTIP dobrís la pòrta a de privatizacions nòvas. Dison que Brussèlas e Washington negòcian per dobrir lo mercat dels servicis e que, doncas, de servicis publics coma l’educacion, la salut, lo transpòrt e las telecomunicacions finiràn en mans de corporacions privadas.
 
La Comission Europèa (CE) a dich qu’aquò es pas vertat e que mantendrà los servicis publics. Ça que la, fa qualques jorns, lo ministre britanic del comèrci, Lord Livingston, admetiá qu’aquela question contunhava de far partida de las negociacions.
 
 
8. E trobarem d’aliments transgenics o d’animals amb d’ormònas al supermercat?
 
La regulacion dels Estats Units es fòrça mai relaxada que l’europèa. Mai de la mitat dels aliments tractats dins los supermercats estatsunidences contenon d’organismes geneticament modificats, mentre qu’en Euròpa i a una legislacion estricta sus los OGM. Pr’amor d’aquò, òm tem que lo fach d’armonizar las legislacions dels dos costats de l’Atlantic entraïne lo relaxament de las legislacions europèas dins de questions coma los pesticidas, los OGM o l’usatge d’ormònas dins la carn animala.
 
La CE ditz qu’aquò se pòt pas passar. “La legislacion sus los OGM farà pas partida de las negociacions”, çò afirma. Sus los OGM, explica qu’Euròpa e los Estats Units fa longtemps qu’escàmbian d’informacions e qu’aquela cooperacion ajuda a minimizar l’efièch dels respectius sistèmas d’autorizacion dels OMG dins lo comèrci: “Cresèm que lo TTIP es una oportunitat per refortir aquela cooperacion”, çò ditz la CE.
 
Tanben nega que los supermercats europèus s’empliràn de carn d’animals alimentats amb d’ormònas: “Las negociacions metràn pas en perilh la santat dels consumaires per aténher d’avantatges comercials. L’estricta legislacion de l’UE, coma o es la que tanh a las ormònas o a la proteccion de la vida e la santat, farà pas partida de las negociacions.”
 
Las negociacions si que comprenon l’agricultura, e la CE es dispausada a parlar de las nòrmas de proteccion de consumaires, de l’environament e de la seguretat. “Los nivèls de proteccion se negociaràn pas per obténer un acòrdi; aquel nivèl es innegociable. Mas sèm dispausats a examinar se podèm far las causas melhor e mai coordenadament”, çò ditz.
 
 
9. Qu’es l’ISDS?
 
Es a sigla d’Investor-State Dispute Settlement (solucion de las controvèrsias entre investidors e estats), un dels ponches del TTIP qu’a levat mai de debat e de tension. Es un tribunal d’arbitratge format per las questions isoladas qu’i intervenon tres avocats privats, qu’un d’eles i fa lo jutge.
 
L’ISDS permetriá a una multinacionala d’entreprene d’accions legalas contra un govèrn se considèra que prejudica los sieus interèsses comercials.
 
Per la CE, lo tribunal d’arbitratge es un mecanisme de resolucion de litigis entre investidors e estats que permet de protegir los interèsses de l’Union Europèa a l’estrange. Los detractors creson que i a aquí un perilh: qu’una multinacionala aja coneissença de las nòrmas qu’un govèrn vòl aprovar e que lo pòsca denonciar davant aquel tribunal “ad hoc”, que velharà pas pels interèsses publics.
 
França e Alemanha an ja manifestat lor malfisança de l’ISDS. Dison que los estats perdràn lor sobeiranetat se s’engatjan a acceptar automaticament que las denóncias de las entrepresas anen a un tribunal d’arbitratge, pr’amor qu’aquò viòla las leis estatalas.
 
 
10. Perqué n’aviam pas ausit parlar?
 
Las negociacions comencèron fa longtemps, mas se mantenon en secret. Per la CE, aquela confidencialitat es necessària per que las convèrsas foncionen; mas los opausants denóncian un secretisme e una manca de transparéncia.



publicitat
BANER1-2-3: DGPL TRADUCTOR



Comentaris

17 de decembre 13.41h

Question : Per de qué la declaracion Schuman es escrita sus totis los chequiers ?"


Valoriza aqueste comentari:   votar positiu 0   votar negatiu 0
Respondre comentari replica Comentari inadeqüat   Formulari d'abús de comentari

17 de decembre 13.36h

Sdéclaracion Sherman 18 Septembre 1888 :

L’union avec le Canada ne se fera pas en
adoptant des lois hostiles mais plutôt en lui
faisant des propositions amicales. Cette union est
inévitable.
La seule politique de notre gouvernement est
d’offrir au Canada la liberté des échanges
commerciaux et de lui faire cette proposition de
façon fraternelle afin que le peuple canadien y
voie une invitation à faire partie de notre
République ».

Déclaration SCHUMAN - 9 mai 1950
« L’Europe ne... Legir mai


Valoriza aqueste comentari:   votar positiu 0   votar negatiu 0
Respondre comentari replica Comentari inadeqüat   Formulari d'abús de comentari

17 de decembre 13.31h

Pichonas causas de se rementar :

1°) La révolution américaine a commencé pour un problème de droit de douane. C'est un point
de départ extrêmement différent de la Révolution française, qui a débuté, 16 ans après, sur des
revendications tout autres : égalité de tous face à l'impôt, approbation de tous sur l’usage des
impôts, droit de chasse pour tous, égalité d'accès aux emplois publics pour tous.
2°) La révolution américaine a été lancée par des colons riches et es... Legir mai


Valoriza aqueste comentari:   votar positiu 0   votar negatiu 0
Respondre comentari replica Comentari inadeqüat   Formulari d'abús de comentari

17 de decembre 12.07h

#4 Una autra idèia trompa colhon es lo motor Franco Aleman ! aquò existis pas enluòc part en França e aquò dels politic. I a pas jamai agut cap de motor Francò aleman. Lo sol ensag fuguèt fach per Degaulle ambe lo tractat de "l'Elysée" entre frança e alemanha e que fuguèt torpilhat pels alemans amb lo preambul apondut al tractat e que desfasiá tot lo tractat.


Valoriza aqueste comentari:   votar positiu 1   votar negatiu 0
Respondre comentari replica Comentari inadeqüat   Formulari d'abús de comentari

17 de decembre 10.03h

# Dins lo n° de Paris Match del 27 d'octobre de 1951, Lo jornalista pausar una question al Général Eisenhower : « Que pensez-vous de la fédération européenne » ?
E lo Général de rebecar :
Rien ne pourrait nous être plus agréable que d'apprendre que les Etats d'Europe Occidentale, ont décidé de se réunir dans une ville d'Europe - disons à Luxembourg -des délégués responsables, avec pour mandat de rédiger l'acte constitutionnel de l'Europe, de désigner la capitale etc.. Et q... Legir mai


Valoriza aqueste comentari:   votar positiu 1   votar negatiu 1
Respondre comentari replica Comentari inadeqüat   Formulari d'abús de comentari

17 de decembre 09.44h

#1- Qualques denóncias dels sols ecologistas ? Tè ! demest los nombroses contestataris a l'esquèrra de l'Esquèrra, Raoul-Marc Jennar (www.jennar.fr/) !
Complement per l'ISDS : es una estructura creada al cas per cas, compausada de personas privadas causidas per las partidas, que delibèra AL SARRAT e que las décisions se'n apela pas. Una estructura d'aquel tipus se dona una sola amira : donar la rason a la firma privada. Aquò, o fa vèire l'exemple de l'acòrd liure-escambi Canadà-USA-... Legir mai


Valoriza aqueste comentari:   votar positiu 3   votar negatiu 0
Respondre comentari replica Comentari inadeqüat   Formulari d'abús de comentari

17 de decembre 08.25h

U.E es una idèia politic dels estats unis, lo tractat de liure escambi es en fach la meteissa caussa que propausèron los USA al Canadà dins las annadas 1870 çò me sembla. En realitat es sonque per far enantir la potencia estat unisenca, e a l'ora d'auèi los etats unis an perdut lor prumièra plaça de potencia econòmic. Atal aurèm una europa de mai en mai contraotlada pels USA. Ja qu' europa pòt far res sens la permissions dels USA, dins la novèla version alestida que se joga ara, e... Legir mai


Valoriza aqueste comentari:   votar positiu 1   votar negatiu 0
Respondre comentari replica Comentari inadeqüat   Formulari d'abús de comentari

17 de decembre 08.23h

I aguet una denoncia de quauques movaments ecologics e fai dos o tres mes qu'una peticion circula dins internet.


Valoriza aqueste comentari:   votar positiu 3   votar negatiu 3
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL DICTADES

Editorial

Lo jornalisme fa son trabalh

Lo 15 de mai passat, vesitàvem lo licèu Pierre et Marie Curie de Menton. Voliam far un pichon reportatge amb los liceans de la classa d’occitan per nòstra emission #aranésòc ...
giny

Lo temps

Mapa
  • sol Agen 27
  • sol Aush 27
  • sol Bordèu 26
  • sol Briançon 15
  • sol Caors 26
  • sol Carcassona 25
  • sol Clarmont-Ferrand 21
  • sol Confolent 19
  • sol Gap 14
  • sol La Canau 26
  • sol La Gàrdia 23
  • sol Limòtges 22
  • sol Lo Borg Sant Dalmatz 18
  • sol Lo Puèi de Velai 19
  • sol Marselha 25
  • sol Montpelhièr 25
  • sol Naut Aran 21
  • sol Niça 21
  • sol Nimes 26
  • sol Pau 25
  • sol Peireguers 25
  • sol Rodés 27
  • sol Tolon 24
  • sol Tolosa 25
  • sol Valença 20

giny

giny

Vidèos

giny

Entrevista

“Volèm recobrar la fiertat d’èsser catalans”

Jordi Riba president de l’Associacion Culturala Vibrant

“Volèm recobrar la fiertat d’èsser catalans”
giny

giny

publicitat

lateral 2 teveoc

Fotografias

  • País de Rasés. © Franc Bardòu

    País de Rasés

  • © Montse Torres -  Arxiu dels Castellers de la Vila de Gràcia

    "Castellers" catalans en Bearn

  • © Laurenç Revèst

    Lengue a Mentan

  • Exposicion temporària sus Robèrt Lafont al CIRDOC (D.R.)

  • Minecraft en version occitana

  • © Franc Bardòu

    Tèrra albigesa

  • Era còlha dera ADÒC ath trabalh

  • Presèpi de granda talha denant 'a gleia Sant Miquel d'A Torbia (Gavotina maritima)  © Alban Franco

    Concors de Nadal de Jornalet: Cossí se passan las Calendas en cò vòstre?

  • © Laurenç Revèst

    Economia occitana: fromais, lenga occitana e país d'Òc

  • Presèpi en Gavotina, dins l'espèra de Jèsus, e dels Rei màgers pas ancara en chamin. Fòto: Emanuèl Val de Barceloneta

    Concors de Nadal 2014. Las Calendas en çò vòstre

  • © Aure Séguier

    Carnaval Biarnés 2017

  • © Franc Bardòu

    Darrièr refugi abans l’envòl (1206-2016)

  • © Franc Bardòu

    Tèrra albigesa

  • Teatre occitan niçard

  • © Laurenç Revèst

    En Cevènas sus lo camin entre La Mialosa e Sant Esteve Valfrancesca

  • © Laurenç Revèst

    Dins lei paluns de Camarga, la Torre Carbonièira e Aigas-Mòrtas

  • Estivada 2013. © Guillem Sevilla

    Estivada 2013

  • © Zep Armentano

    XI prèmis Gaudí de l'Acadèmia Catalana del Cinèma

  • © Margaria Pepin

    Adobament dal Grand Prèmi de Mónegue de 2014

  • © Laurenç Revèst

    Menton, 'a vivaroalpenca maritima

publicitat

lateral 2 teveoc



publicitat

LATERAL1 300X250: sapiéncia

Las mai...

publicitat

LATERAL1 300X250: radio pais

giny

Sondatge

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)