Actualitats
Amnestia Internacionala denóncia de torturas de femnas e de dròllas en mans de l’Estat Islamic
Lo rapòrt de l’ONG rapòrta de violéncias sexualas a las femnas e las dròllas iaziditas que los jihadistas rauban en Sinjar
Amnestia Internacionala ven de publicar un rapòrt espantant que denóncia las torturas, inclusent lo viòl e d’autras formas de violéncia sexuala, patidas per las femnas e las dròllas de la minoritat iazidita que son raubadas per l’Estat Islamic.
Lo rapòrt parla de femnas e de dròllas iaziditas vendudas coma esclavas, mantas coma esclavas sexualas e quitament liuradas a de membres de l’Estat Islamic coma se foguèsson un present. Se detalha las orrors viscudas per aquelas femnas que venon talament traumatizadas que qualques unas se suicidan, o almens o ensajan.
Los iaziditas
Los iaziditas son una minoritat religiosa curda, entre mièg milion e un milion de personas, que profèssan lo iazidisme, una religion pròpria del pòble curd. Foguèt fondat al sègle XII e ten d’influéncias islamicas sofís e zoroastrianas, valent a dire de l’anciana religion dels curds e dels pèrsas, lo zoroastrisme.
Per l’islamisme rigorista, los iaziditas son d’adoraires del diable, pr’amor qu’una de las figuras centralas de lor fe es Melek Taus, un àngel en forma de pavon que tombèt en infèrn. Los iaziditas, totun, destrian Melek Taus del diable, entretant perque segon eles, Melek Taus foguèt perdonat e reabilitat per Dieu e escantiguèt las flamas infernalas.
La montanha de Sinjar es un dels luòcs sagrats dels iaziditas: s’i atròban d’importants santuaris. En defòra de Sinjar, s’atròban de comunautats iaziditas en d’autras zònas del Curdistan del Sud, en Curdistan Occidental, en Caucàs e dins la diaspòra europèa, en particular en Alemanha.
Lo 73n ensag de genocidi del pòble iazidita
En agost passat publiquèrem una nòva de Jordi Llaonart amb un vidèo que resumís en doas minutas çò que se passa al nòrd d’Iraq. Dins aquel vidèo Fiyan Dakhil, una deputada iazidita del parlament iraquian, demanda ajuda desesperadament als sieus collègas arabis. La deputada explica qu’en Iraq i a un pòble qu’agoniza en mans de l’Estat Islamic e que sap pas çò que deu far per que lo Mond o qualqu’un los ajude. Los politicians encargats de prene las decisions, e que l’escotan, espèran que la dòna destorbaira termine son discors e que los daisse en patz.
Dakhil explica als deputats çò que se passa ara meteis a l’entorn de la vila de Sinjar: 500 iaziditas assassinats al crit de “la ilaha illa Allah” —aicí se sentís la renada de desaprobacion de qualques deputats—, de femnas capturadas e vendudas al mercat coma d’esclavas, 30 000 familhas an fugit cap a las montanhas e an quitament pas d’aiga. De fach, 70 enfants son ja mòrts desidratats… 50 vièlhs… “Assassinan lo mieu pòble!”. Ditz que s’es passada la meteissa causa amb los iraquians shiitas, sunnitas, crestians, turcmèns e shabaks.
Mentre que la femna se fond de dolor, lo president del parlament li demanda que se limite a la declaracion acordada. E quand ela acaba lo sieu torn, pas res. Lo president de la cambra dona la paraula a la persona seguenta qu’esperava son torn. E tèma barrat e desmembrat.
Ça que la, qu’esperava de capitar aquela femna en s’adreiçant als eiretièrs dels regims e govèrns qu’an perpetrat long de l’istòria fins a 72 ensages d’extermini de la comunautat iazidita?
Lo rapòrt parla de femnas e de dròllas iaziditas vendudas coma esclavas, mantas coma esclavas sexualas e quitament liuradas a de membres de l’Estat Islamic coma se foguèsson un present. Se detalha las orrors viscudas per aquelas femnas que venon talament traumatizadas que qualques unas se suicidan, o almens o ensajan.
Los iaziditas
Los iaziditas son una minoritat religiosa curda, entre mièg milion e un milion de personas, que profèssan lo iazidisme, una religion pròpria del pòble curd. Foguèt fondat al sègle XII e ten d’influéncias islamicas sofís e zoroastrianas, valent a dire de l’anciana religion dels curds e dels pèrsas, lo zoroastrisme.
Per l’islamisme rigorista, los iaziditas son d’adoraires del diable, pr’amor qu’una de las figuras centralas de lor fe es Melek Taus, un àngel en forma de pavon que tombèt en infèrn. Los iaziditas, totun, destrian Melek Taus del diable, entretant perque segon eles, Melek Taus foguèt perdonat e reabilitat per Dieu e escantiguèt las flamas infernalas.
La montanha de Sinjar es un dels luòcs sagrats dels iaziditas: s’i atròban d’importants santuaris. En defòra de Sinjar, s’atròban de comunautats iaziditas en d’autras zònas del Curdistan del Sud, en Curdistan Occidental, en Caucàs e dins la diaspòra europèa, en particular en Alemanha.
Lo 73n ensag de genocidi del pòble iazidita
En agost passat publiquèrem una nòva de Jordi Llaonart amb un vidèo que resumís en doas minutas çò que se passa al nòrd d’Iraq. Dins aquel vidèo Fiyan Dakhil, una deputada iazidita del parlament iraquian, demanda ajuda desesperadament als sieus collègas arabis. La deputada explica qu’en Iraq i a un pòble qu’agoniza en mans de l’Estat Islamic e que sap pas çò que deu far per que lo Mond o qualqu’un los ajude. Los politicians encargats de prene las decisions, e que l’escotan, espèran que la dòna destorbaira termine son discors e que los daisse en patz.
Dakhil explica als deputats çò que se passa ara meteis a l’entorn de la vila de Sinjar: 500 iaziditas assassinats al crit de “la ilaha illa Allah” —aicí se sentís la renada de desaprobacion de qualques deputats—, de femnas capturadas e vendudas al mercat coma d’esclavas, 30 000 familhas an fugit cap a las montanhas e an quitament pas d’aiga. De fach, 70 enfants son ja mòrts desidratats… 50 vièlhs… “Assassinan lo mieu pòble!”. Ditz que s’es passada la meteissa causa amb los iraquians shiitas, sunnitas, crestians, turcmèns e shabaks.
Mentre que la femna se fond de dolor, lo president del parlament li demanda que se limite a la declaracion acordada. E quand ela acaba lo sieu torn, pas res. Lo president de la cambra dona la paraula a la persona seguenta qu’esperava son torn. E tèma barrat e desmembrat.
Ça que la, qu’esperava de capitar aquela femna en s’adreiçant als eiretièrs dels regims e govèrns qu’an perpetrat long de l’istòria fins a 72 ensages d’extermini de la comunautat iazidita?
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Aquò far mai d'un mes que se sap que las femnas iazidistas e crestianas son violentatadas pels musulmans de Daesh e vendudas coma esclavas.
Una religion propria al pòble curd ça disetz.... voldriai ben en èsser tan segur que vos...
Per contre las istòrias de patacs e de guerras dentre los curds iazidistas, los alèvi curds Kızıl baş, los musulmans sunitas curds, e benlèu los chitas curds.. se'n parla pas..
Son pr'aquò causas importantas s'òm vòl aver un aprocha amb un briu de vertat per comprener los conflictes actuals que son de mantuns nivèls embricats e d'aliganças quora l'un quora l'autre segon los moments e los enjòcs.
çò qu'es d'encapar es que las guerras de religions son brica acabadas e qu'ara tenon una cocha de mai qu'es politic al nivèl de las idèias e una autra cocha qu'es lo partage del territòri
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari