Actualitats
Una activista de Femen faguèt irrupcion dins lo presep de la Plaça Sant Pèire del Vatican
La joventa, que portava escrich sul pitre “Dieu es una femna”, ensagèt de raubar la figurina de l’enfant Jèsus
Una activista del grop Femen faguèt irrupcion en plen jorn de Nadal dins lo presep gigant de la Plaça Sant Pèire del Vatican e ensagèt de raubar l’enfant Jèsus (fòtos). Còp sec un gendarma arrestèt l’accion e cobriguèt la joventa. Mas ela poguèt mostrar al public estonat un messatge escrich sul pitre: “Dieu es una femna”.
Lo grop feminista Femen s’autodefinís atèu e critica que la religion refortís lo patriarcat. L’accion d’aqueste Nadal, çò dison, es la primièra d’una campanha centrada sus criticar la posicion del Vatican, que lo Vatican es contra los dreches de las femnas de decidir sus lor còrs e lor reproduccion: “Lo desir maniac de contrarotlar la fertilitat de la femna es un trach comun de mantas religions, del nacionalsocialisme, del nacionalisme e d’autras ideologias antediluvianas e antiumanistas”, çò diguèt Femen dins un comunicat.
Es pas lo primièr còp que d’activistas de Femen fan una accion al Vatican. Lo 14 de novembre protestèron amb lo pitre nud dins la meteissa Plaça Sant Pèire contra la vesita del 25 de novembre del papa Francés al Parlament Europèu d’Estrasborg (Alsàcia).
Lo grop feminista Femen s’autodefinís atèu e critica que la religion refortís lo patriarcat. L’accion d’aqueste Nadal, çò dison, es la primièra d’una campanha centrada sus criticar la posicion del Vatican, que lo Vatican es contra los dreches de las femnas de decidir sus lor còrs e lor reproduccion: “Lo desir maniac de contrarotlar la fertilitat de la femna es un trach comun de mantas religions, del nacionalsocialisme, del nacionalisme e d’autras ideologias antediluvianas e antiumanistas”, çò diguèt Femen dins un comunicat.
Es pas lo primièr còp que d’activistas de Femen fan una accion al Vatican. Lo 14 de novembre protestèron amb lo pitre nud dins la meteissa Plaça Sant Pèire contra la vesita del 25 de novembre del papa Francés al Parlament Europèu d’Estrasborg (Alsàcia).
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#15 Se cal mesfisar dels duscasbodistas.
#20 Es simplista de dire aquò... En mai d'aquò, seriá melhor d'evitar lei mots vulgars...
#17 Ah veses ... los bodistas tanplan ! Moralitat totas las religions fan cagar lo mond !
#1-6- Especialament per l'inconegut abitant de la vagina : e lo Plank d'afortir maliciosament : "Cossí volètz imaginar qu'un diu capaç d'inventar l'acoplament BISEXUAL dels gasteropòds pòsca semblar sos discípols que se fan una especialitat de vigilar sus la morala sexuala de lors ovelhas ?
#10 Se totes los excèsses se limitavan a se mostrar desnuses per s'escriure çò que defendèm a la pèl, rai, l'umanitat seriá melhora. Per quant a ieu, confèssi que m'agrada fòrça de legir çò que pensa una feùmna polida subre sa pèl desnusa… e mai s'aquò me fa pas tostemps cambiar de vejaire sul meteis sicut.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari