Bandièra01 1180x150: Comuna de Tolosa

Actualitats

Lo jorn de l’Epifania en Occitània

Aran e las Valadas festejan uèi lo jorn dels Reis Magues del temps que lo rèsta d’Occitània o faguèt dimenge passat

| Demi
Lo jorn dels Reis Magues o Epifania es una fèsta tradicionala que se festeja uèi en Aran e dins las Valadas. Mas en Mónegue e dins l’estat francés, lo 6 de genièr es un jorn obrant e l’Epifania se faguèt lo 4 de genièr.
 
En Occitània, la fèsta consistís normalament en un bon repais en familha e una còca al dessèrt que conten una fava dedins. Segon la tradicion, lo mai jove se deu metre jos la taula per designar la part de la còca que reven a cadun. Lo que trobarà la fava dins sa part que vendrà lo rei de la fèsta.
 
 
En Aran
 
En Aran, los mainatges an escrich de letras als Reis Magues en lor demandant de presents, e las an liuradas als postièrs reials que se tròban al país pendent Calendas. La velha, los tres Reis Magues desfilan per Aran amb tot lor seguici dins la tradicionala “cavaucada”. Aqueste matin, los mai petits an trobat a l’ostal los presents que los Reis Magues e lors ajudants lor an daissat.
 
 
Origina crestiana
 
E mai se s’agís d’una fèsta amb un aspècte mai que mai tradicional, l’origina es religiosa coma dins la majoritat de las tradicions del país. De l’origina crestiana de l’Epifania, ne parlèt Joan-Jacme Fénié dins Jornalet:
 
“L’Evangèli de Matieu parla deus magues d’Orient arribats a Jerusalèm. Lo rei Eròdes que’us prèga d’anar véder lo Ninòt vadut a Betleèm. Que segueishen la famosa estela tà trobar lo camin. Normau: qu’an per mestièr de léger dens lo cèu! Hòrt polits e arrespectuós, n’oblidan pas de portar presents au drollòt: aur, mirra e encens. Qu’es tot çò qu’an trobat en magazin. Apareishuts probablament au sègle IVu, los evangèlis apocrifs (comprenetz: los qui son en principi tienguts secrets) que parlan deu bueu e de l’ase. E, plan mei tard, los Reis Magues, dens la «Legenda Daurada», que son aperats Gaspar, Marchion e Bautesar.”

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Gerard Joan Barceló Pèiralata
37.

#36 Es normau e mai necessari que i aga de desacòrdis dins l'escambi deis idèas, mai es una jòia prefonda de trobar lo moment de s'acampar sus de valors essencialas.

  • 0
  • 0
BOURDON Pau
36.

#32 He donc, n'èm pas d'acòrd sus tot, e aquò que continuarà, mes que'm hè gai que'ns poscam retrobar sus causas essenciaus. Mercés peu vòste comentari, qu'èi dit çò qui la mia consciéncia d'occitan conscient e'm demandava e díser.

  • 2
  • 0
Cristian FORMENT AGEN
35.

# 33- Sénher Pirolet, quin es lo monge laïcard ? S'èra lo Sènher Masdiset, perqué alavètz seriá sortit del bòsc ?
Mercés de contibuir a la clarificacion de las causas.

  • 1
  • 6
antalya apraquital
34.

Era la batesta de las còcas....!

  • 0
  • 0
Pirolet
33.

Sembla que lo monge laicard es sortit del bòsc!

  • 8
  • 4

Escriu un comentari sus aqueste article