Bandièra01 1180x150: Comuna de Tolosa

Actualitats

SocietatPolitica
crotz-tolosaCreated with Sketch.LengadòcLengadòc NautTolosan

Tolosa: 14 militants identitaris arrestats

Catòrze militants identitaris foguèron arrestats ièr de matin pel GIPN e la polícia, demest los quals i aviá Matthieu Clique, menaire del "Bloc Identitaire" tolosenc

Acuelh del polemic local identitari, L'Oustal
Acuelh del polemic local identitari, L'Oustal | Union Antifasciste Toulousaine

Aquelas arrestacions seguisson l'agression violenta de Manuel Andrés Pardo, après la manifestacion Anem Òc, lo 31 de març. Tres meses après los faches, l'estudiant chilen, atacat dins lo quartièr de Naut Bernat, demòra a l'espital. Es estat tocat grèvament: emiplegic e sord d'una aurelha, gardarà de seqüèlas d'aquela agression tota la siá vida. Un comitat de sosten a l'Andrés a lançat una peticion en linha per demandar justícia.


Un quinzenat de militants foguèron arrestats ièr de matin, a Tolosa e dins la banlèga. Lo local de l'alèa de Barcelona, "L'Oustal", fa partida dels luòcs vistalhats per la polícia. Lo "Bloc Identitaire", movement d'extrèma drecha responsable d'aquel local, vegèt son menaire tolosenc Matthieu Clique arrestat pendent l'operacion.
 
Dimècres passat, lo procès a Pau de tres sòcis del meteis movement (per aver pintat per dessús una fresca comunala en l'onor dels sens-papièrs expulsats a Vilhèra, en Biarn) s'èra remandat al 25 de setembre, a la demanda de l'avocat de la defensa.
 
Los afars s'amolonan pel "Bloc Identitaire", malgrat los esfòrces dels sieus militants per far desmembrar los ligams amb de corrents reaccionaris violents e per ganhar respectabilitat e credibilitat politica.

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

jacme Tolosa
1.

e lo comunicat de Calandreta qu'a portat un planh oficial en nom de la coordinacion l'avètz pas vist passar ?

  • 0
  • 0

Escriu un comentari sus aqueste article