Bandièra01 1180x150: Comuna de Tolosa

Actualitats

Jean-Marie Le Pen a anonciat sa candidatura en Provença per las eleccions regionalas

Per las departamentalas, lo Front Nacional espèra tanplan de far “un retorn de fòrça” al departament de las Bocas de Ròse

Jean-Marie Le Pen, fondador e president d’onor del partit d’ultradrecha Front Nacional, a anonciat que conduirà la lista d’aquel partit a las eleccions regionalas en la region de Provença-Alps-Còsta d’Azur, en decembre de 2015, segon çò que rapòrta Libération.
 
“Ai de ma part acceptat, segon lo vòte unanim de nòstres elegits, d’èsser candidat en cap de lista e d’acceptar de prene aquela responsabilitat”, çò diguèt dimenge passat dins una conferéncia de premsa en un restaurant de Tarascon.
 
Jean-Marie Le Pen èra a Tarascon amb lo senator-cònsol del 7n sector de Marselha, Stéphane Ravier, e la conselhièra municipala e regionala Valérie Laupies, per evocar las eleccions departamentalas del mes de març que ven. En aquelas eleccions presentaràn de candidats dins los 29 cantons del departament de las Bocas de Ròse ont, segon Ravier, espèran de far “un retorn en fòrça e remarcat al sen del conselh general”.
 
Lo Font Nacional fasiá aquela anóncia lo meteis jorn que de centenats de milièrs de personas dins tot lo Mond, dont en Occitània, manifestavan contra la violéncia integrista. Sus aqueles recampaments, Jean-Marie Le Pen planguèt que son partit foguèsse estat “exclús” pels organizaires de la protèsta de París e cridèt sos militants a manifestar pas a París mas dins d’autras vilas “de França”.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc palma
1.

Le Pen rima amb Peten, petar, petum. Un amic de Hitler,Franco e Mussolini. Un defensaire de las llibertat sadomassoquistes . La pena de mort. Fotre los emigrants. Fotre los moros de Marsella, fotre als d'esquerra, fotre las lengos de França, fotre als pobres, fotre als que estan mai fotuts. Comprar armes per far la guerra, tornar a reconquistar Algeria,e la Conchinchina....

  • 2
  • 2

Escriu un comentari sus aqueste article