Actualitats
Una vesita al vilatge mai freg del Mond
Lo fotograf neozelandés Amos Chapple vesitèt arunan Oimiakon, un vilatge qu’en 1933 lo termomètre i arribèt als –67,7 gras
Oimiakon es un vilatge tot petit a l’èst de Siberia. Amb mens de 500 abitants, es considerat l’endrech abitat permanentament mai freg de la Tèrra, a causa de la temperatura que i marquèt lo termomètre lo 6 de febrièr de 1933: −67,7 gras. Amb aquela donada al cap, e l’afan de saber cossí es la vida vidanta dins aquelas condicions, lo fotograf neozelandés Amos Chapplepercorreguèt dètz mila quilomètres, l’ivèrn de 2013-2014, per captar amb sa camèra la vida vidanta dels 500 residents.
Dins l’endrech mai freg de la planeta, la temperatura ambienta es tan bassa que, en general, las gents devon consumar la carn gelada, devon manténer los veïculs de motor totjorn en marcha per que se’n gèle pas la benzina e, per enterrar qualqu’un, cal calfar la tèrra qualques jorns abans.
A Oimiakon, Chapple escotèt los trucs de las gents localas per subreviure pendent l’annada (e tanben los relats sul naut indèx d’alcolisme) e n’aprenguèt qualques unes per far foncionar sa camèra a las temperaturas de mens de vint gras jos zèro.
La sèria de Chapple compren tanben de fotografias de Iakutsk, la vila mai freja del Mond.
Dins l’endrech mai freg de la planeta, la temperatura ambienta es tan bassa que, en general, las gents devon consumar la carn gelada, devon manténer los veïculs de motor totjorn en marcha per que se’n gèle pas la benzina e, per enterrar qualqu’un, cal calfar la tèrra qualques jorns abans.
A Oimiakon, Chapple escotèt los trucs de las gents localas per subreviure pendent l’annada (e tanben los relats sul naut indèx d’alcolisme) e n’aprenguèt qualques unes per far foncionar sa camèra a las temperaturas de mens de vint gras jos zèro.
La sèria de Chapple compren tanben de fotografias de Iakutsk, la vila mai freja del Mond.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Eth país on vulh viúre i era vila on vulh viúre.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari