Bandièra01 1180x150: Comuna de Tolosa

Actualitats

Plusors mòrts, dijòus 15 de genièr, dins una operacion policièra en Belgica amb de tirs e de detonacions

Los faches aguèron luòc a Verviers. Segon de testimònis s’ausiguèt de tirs e de detonacions

Una operacion de la polícia bèlga faguèt plusors mòrts a Verviers, una vila de l’èst de Belgica. Segon lo jornal Le Soir, i a dos mòrts e un ferit. La polícia diguèt que se tractava d’una operacion contra un grop jihadista. Segon de fonts policièras, l’operacion aviá coma buta un grop qu’èra tornat de Siria e que planificava de cometre d’atemptats a Brussèlas. La polícia èra a menar d’interrogatòris, segon certans testimònis, que dison d’aver ausit de detonacions e de tirs. Las carrièras a l’entorn del luòc dels faches restèron barradas al transit e als pedons, mas s’evacuèt pas los estatjants.

L’operacion arriba una setmana après los atemptats a París, ont moriguèron un vintenat de personas, entre las qualas los tres responsables dels atemptats.


Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article