Bandièra01 capçalera  1180x150: Botiga

Actualitats

Fotbòl: Montpelhièr torna al som, Clarmont pèrd plumas

Montpelhièr torna al som de l'L1 de fotbòl
Montpelhièr torna al som de l'L1 de fotbòl | Gary Socrates
Liga 1: Montpelhièr torna al som
 
Après una setmana complicada (eliminacion en Copa de França per Ajaccio, e desfaita a Nancí), e al moment qu'un començament de crisi menaçava, Montpelhièr sortiguèt dissabte de l'auratge anonciat amb aquela victòria rufa contra St-Estève. Olivier Giroud, cada setmana mai decisiu, marquèt son dètz-e-ueiten gòl en tota fin de partida, desliurèt d'un còp lo public de la Palhada (1-0, resultat finau), e quilhèt lo club eraurés al som de la Liga 1.
 
Lo solatjament èra afortit encara l'endeman per la bona partida a París d'aqueles Girondins de Bordèu susprenents, qu'encadenan setmanas plenas e voidas. E se pòdon quitament regretar de tornar a casa sens los tres punts, après un tir sus la barra transversala e una dominacion quasi tot de long de l'encontre. Los parisencs, desvelhats pel gòl de Diabaté, respondèron pauc après amb una accion luminosa de Bodmer conclusida per Hoarau. Bordèu, incapable de tornar prene lo dessús malgrat los ensais mancats de Diabaté e Ben Kalfallah, se'n tornèron a casa amb un punt, e l'espèr prim de lutar encara per Euròpa.
 
Davant, Tolosa seguís lo ritme amb sa victòria sus Aussèrra. La partida, complicada fins a la fin malgrat la feblesa dels borguinhons, s'acabèt plan pel TFC. Lo gòl de Tabanou, un polit còp d'en defòra de la superfícia, foguèt una recompensa plan meritada après una partida solida dels garoneses. La quatrena plaça n'es la consagracion, pauc esperada en debuta de sason, mas fòrça justa. Las qualitats collectivas e fisicas d'aquela equipa pòdon quitament faire somiar d'aquesta tresena plaça tenguda per Lilla ara per ara, se per cas l'oposicion decisiva entre los dos clubs (dimenge 1èr d'abriu, 17h) vira plan per los violets.
 
D'autre caire, lo dèrbi provençau entre Niça e Marselha, determinant pels dos clubs (l'un se vòl salvar, l'autre ensaja de gaitar pel naut del classament) s'acabèt per un rampèl, pauc satisfasent pels dos. Mas los niçards pòdon regretar aquela resulta, après aver menat lo jòc tota la partida,e jogat en superioritat numerica tota la segonda mieja-tempsada. Son los òmes de Deschamps que dobriguèren la marca, mercés a Andre Ayew e una bona pojada de Cesar Azpilicueta, mas que poguèron pas contenir la volontat dels niçards, installats dins la superfícia marselhesa fins a la fin. Lo rampèl (sus penalty) de Monzon dins l'ultim quart d'ora permet a Niça de gardar Can, primièr non-relegable en vista. De notar la nafradura de Diawara, tocat al genolh, e que serà absent per sièis meses almens.
 
Las resultas:
 
Montpelhièr – AS Sant Estève 1-0 ; Evian TG – Lilla OSC 0-3 ; Lion – Sochaux 2-0; Niça – Marselha 0-0 ; AC Ajaccio – Lorient 1-1 ; Brèst – Nancí 0-1 ; Valencianas – Rennes 1-0 ; Tolosa – Ausèrra 1-0 ; Dijon – Can 2-0 ; París SG – Bordèu 1-1
 
 
 EquipaPtsJGRPBpBcDif
1Montpelhièr HSC 60 29 18 6 5 53 27 26
2 París SG 60 29 17 9 3 53 30 23
3 LOSC Lilla Metropòli 53 29 14 11 4 53 31 22
4Tolosa FC 50 29 14 8 7 31 24 7
5 Olimpic de Lion 49 29 15 4 10 46 36 10
6 AS Sant Estève 46 29 13 7 9 35 31 4
7 Stade Rennais 44 29 12 8 9 37 33 4
8Girondins de Bordèu 41 29 10 11 8 35 32 3
9Olimpic de Marselha 40 29 10 10 9 36 30 6
10 Evian TG FC 36 29 9 9 11 41 43 -2
11 Valenciennes FC 34 29 9 7 13 39 34 5
12 AS Nancy Lorraine 33 29 8 9 12 37 36 1
13 Dijon FCO 33 29 9 6 14 63 48 15
14 FC Lorient 32 29 7 11 11 28 37 -9
15 AC Ajaccio 31 29 7 10 12 31 49 -18
16 FC Brest 30 29 5 15 9 23 27 -4
17 SM Can 29 29 7 8 14 32 44 -12
18OGC Niça 28 29 6 10 13 27 34 -7
19 FC Sochaux-Montbéliard 27 29 6 9 14 29 45 -16
20 AJ Aussèrra 24 29 4 12 13 33 44 -11


Liga 2: Clarmont pèrd plumas
 
La maissanta operacion de la dimenjada es per Clarmont, que perdèt a Tròias, adversari dirècte per la pojada, quand l'Estadi de Rems gardèt son ritme en s'impausar sens esquiç contra Mètz. Per primièr còp dempuèi agost, Clarmont quitava las plaças que menan a la Liga 1, e vesiá Sedan s'aprochar a un punt.
 
Istre perdèt un bon parat de s'aprochar d'aquelas plaças, en demòrant sus un rampèl al Havre. Arle demòra dins la pança del classament, amb son rampèl contra lo leader Bastia, mas ne quita pas tanpauc sa posicion menaçada per las quatre equipas a l'espèr dins la luta pel manten.
 
Mónegue contunhèt son operacion de salvament, amb una quatrena victòria en seis partidas (n'an pas perdut dempuèi la fin de febrièr). Los esfòrces, las intencions e los melhoraments tecnics s'auràn de perseguir, ça que la, per s'esperar salvar.
 
Las resultas:

Arle-Avinhon – Bastia 0-0 ; Rems – Mètz 3-0 ; Amians – Sedan 0-3 ; Mónegue – Châteauroux 2-1 ; Le Havre – Istre 0-0, Laval – Tors 1-2 ; Angieus – Guingamp 1-0 ; Boulogne – Le Mans 2-0 ; Tròias – Clarmont 3-2 ; Lens – Nantas 1-0.
 
 

 EquipaPtsJGRPBpBcDiff
1 SC Bastia 56 29 16 8 5 47 23 24
2 Stade de Rems 49 29 14 7 8 41 28 13
3 ESTAC Tròias 46 29 12 10 7 35 32 3
4Clarmont Foot 45 29 12 9 8 36 28 8
5 Sedan 44 29 11 11 7 44 36 8
6 FC Nantas 41 29 11 8 10 37 31 6
7FC Istre 41 29 11 8 10 39 36 3
8 Tors FC 41 29 11 8 10 33 31 2
9 Châteauroux 41 29 12 5 12 29 39 -10
10 Stade Lavallois 37 29 9 10 10 33 36 -3
11 EA Guingamp 37 29 10 7 12 31 35 -4
12 RC Lens 37 29 9 10 10 33 38 -5
13 Havre AC 36 29 8 12 9 29 27 2
14AC Arle Avinhon 36 29 8 12 9 27 33 -6
15 Angieus SCO 34 29 8 10 11 33 37 -4
16AS Mónegue FC 34 29 7 13 9 30 39 -9
17 FC Mètz 33 29 8 9 11 22 29 -7
18 Le Mans 30 29 7 9 12 24 28 -4
19 US Boulogne CO 30 29 6 12 11 30 35 -5
20 Amians SC 24 29 4 12 13 23 35 -12

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article