Bandièra01 1180x150: Comuna de Tolosa

Actualitats

crotz-tolosaCreated with Sketch.Comtat de NiçaCostiera Niçarda

Niça: una femna tuada d’una corsa en veitura

An detengut tres personas: los dos menaires e un passatgièr

Una femna de 64 ans foguèt tuada dissabte de ser a Niça al Camin dei Anglés, percutida per una veitura que fasiá una corsa amb una autra auto. Segon de fonts policièras, s’es detengut tres personas: los dos menaires e un passatgièr.
 
Segon d’informacions de Nice Matin, la femna tornava en co sieu, e crosèt lo Camin dei Anglés al nivèl del numèro 107 sus un passatge protegit. D’aquel temps, una Volkswagen Golf grisa e una BMW blau escur venián de far de ziga-zaga dins lo trafec e, passat l’ostalariá Négresco, se mandèron d’a fons a velocitat extrèma. La Golf grisa lancèt la femna un desenat de mètres e la victima moriguèt sul pic. I aviá doas personas dins aquela auto e, segon las autoritats, sembla impossible de determinar qual èra al volant.
 
Los detenguts an pas cap de papièr d’identitat ni quitament de permés de menar. Foguèron meses sul pic en gàrdia a vista a la casèrna Auvare.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article