Bandièra01 1180x150: Comuna de Tolosa

Actualitats

Bretanha: contunhan los referendums populars sus la reünificacion del país

Aqueste còp DIBAB organizarà dos referendums a Saoudan e Langoed

| DIBAB
L’associacion DIBAB organizarà dos autres referendums populars sus la reünificacion de Bretanha lo 8 de febrièr que ven, après la reüssida de Sant-Widel-Skovrid en novembre passat. Aqueste còp se debanaràn a las comunas de Saoudan e Langoed, de 2000 e 600 abitants respectivament.
 
DIBAB organiza lo vòte solament dins dos municipis aqueste còp, pr’amor que la proximintat de las eleccions departamentalas poiriá aver influit contra. Pasmens, segon Nationalia, l’associacion bretona contunha de far de reünions publicas per explicar lo procès dels referendums populars.
 
Lo primièr d’aqueles vòtes, lo de Sant-Widel-Skovrid, atenguèt una participacion del 20%; e lo 75% dels vòtes foguèron favorables a la reünificacion del país.
 
Bretanha es un dels païses que mai s’es mobilizat dins la reforma territoriala, aprovada pel govèrn francés. S’i esperava qu’amb aquel reordenament e aquela reduccion de regions, París escotariá l’important clam en favor de la reünificacion del departament del Léger Atlantic e de sa capitala, Nantas, amb la region bretona. Mas l’Assemblada Estatala francesa o refusèt: d’efièch, dins la mapa nòva, aquel departament e la capitala istorica bretona rèstan dins la region dels Païses de Léger e perpetuan lo desmembrament de Bretanha decretat per Philippe Pétain fa mai de setanta ans.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Emmanuèl Isopet
3.

#2 Mercés d'aqueste document, fòrt interessant (quitament s'ai pas legit tot). A prepaus del punt que m'interrogava, es plan çò que pensavi : lo regime de Vichèi a pas grand causa a veire amb la situacion actuala. Per pròva, aquesta citacion « Par ailleurs, les partisans du rattachement ne manquent pas de rappeler que, selon eux, le découpage régional est un héritage du gouvernement de Vichy[15]. L'historien Alain Croix juge ce point de vue trop simpliste : pour lui, « il est un peu vrai et surtout faux, de dire de Pétain qu’il a séparé la Loire Atlantique de la Bretagne » tirada del document en ligam. Sabi pas qual escriguèt l'article, mas i a pas besonh de far remontar quicòm a una dictatura d'extrèma drecha per provar l'absurde de la situacion. En mai, los falses arguments lèvan lo seriós a l'argumentacion.

  • 2
  • 0
Jòrgi Auvèrnhe
2.

#1 ací ne veiràs la responsa

http://fr.m.wikipedia.org/wiki/Question_du_rattachement_de_la_Loire-Atlantique_%C3%A0_la_r%C3%A9gion_Bretagne

  • 2
  • 0
Emmanuèl Isopet
1.

Compreni pas a quina decision de Pétain fa allusion la fin de l'article? Pensi pas que i aja agut de regions del temps de l'Estat Francés.

  • 0
  • 1

Escriu un comentari sus aqueste article