CAPÇALERA: CONGRÉS AMIC
CAPÇALERA2: FAI-TE SOCI

Jornalet, gaseta occitana d'informacions

Divendres, 18 d'octòbre

Actualitats

Dissabte, 31 de genièr de 2015, 03h00 Politica,Internacional,Economia

Grècia pagarà pas lo deute dins las condicions actualas e reconeis pas la tròica

O diguèt ièr lo ministre grèc de las finanças, segut al costat del president de l’Eurogrop, Jeroen Dijsselbloem. Alemanha ditz que tolèra pas de “cantatges”


Comentaris 10 comentaris    
Marrit Flac Bon Plan bon Fabulós (4 vòtes)
carregant En cargar


Una setmana après la victòria de Syriza a l’eleccion legislastiva de Grècia, lo nòu ministre de las finanças, Gianis Varoufakis, a parlat sens sal ni òli. Segut al costat del president de l’Eurogrop, Jeroen Dijsselbloem, que vesitava Grècia, diguèt ièr que son govèrn reconeis pas la tròica formada per l’Union Europèa (UE), la Banca Centrala Europèa (BCE) e lo Fons Monetari Internacional (FMI). “Lo nòstre govèrn farà çò possible per cooperar amb las institucions legalas de l’Eurozòna e lo Fons Monetari Internacional; mas amb lo comitat tripartit, que cèrca d’implantar un programa d’una logica antieuropèa, amb aquel comitat que lo Parlament Europèu tròba mal estructurat, avèm pas l’intencion de trabalhar”.
 
“Es pas un bon començament”, çò avertiguèt Dijsselbloem. Lo cap de l’Eurogrop diguèt sul pic: “lo nòu govèrn grèc pòt pas ignorar los acòrdis pachats per Grècia amb l’UE”.
 
Varoufakis prepausèt una moratòria del pagament del deute grèc de cinc ans, e d’autras mesuras coma la convocacion d’una conferéncia internacionala sul deute. Çò clar es que Grècia pagarà pas lo deute dins las condicions actualas.
 
 
Alemanha avertís que tolèra pas de “cantatges”
 
Lo ministre alemand de las finanças, Wolfgang Schäuble, a reagit sul pic. A avertit lo nòu govèrn de Grècia que cal manténer los engatjaments e qu’es “malaisit de far de cantatge” vèrs Berlin. Schäuble a afirmat que lo govèrn alemand vòl ben ajudar Grècia, mas per que se produga aquela “solidaritat” d’Alemanha, Grècia deu complir sos engatjaments. “Avèm besonh de solidaritat en Euròpa e, en mai d’aquò, podèm pas recebre de cantatge”, çò diguèt.



publicitat
BANER1-2-3: DGPL TRADUCTOR



Comentaris

1 de febrièr 20.16h

#9 Francament me demandi plan de perdequé fariai "d'antiellenisme primari", son de mond qu'aimi plan ça que la...!
Solament dins aquel afar, cal ben debanar tota l'istòria desempuèi la debuta e se passar de las sansonhas remolinadas qu'aportan res de res.
Cal debanar los faches e res que los faches e plan segur rassar las ideologias.
Apèi te faràs ton idèia.

e la debuta de tot aquel afar comença tre la casuda del regim facista dels colonels.
Es lo jornal grèc "Kathimerini" ( enebit... Legir mai


Valoriza aqueste comentari:   votar positiu 1   votar negatiu 0
Respondre comentari replica Comentari inadeqüat   Formulari d'abús de comentari

1 de febrièr 19.24h

#5 Antalya, sembla que fagas de turcaradarièrs... es a dire d'antiellenisme primari. Cal pas virar milanta còps l'afar dins l'alhòli, se tracha pas que de l'atac la banca contra la democràsia.


Valoriza aqueste comentari:   votar positiu 2   votar negatiu 0
Respondre comentari replica Comentari inadeqüat   Formulari d'abús de comentari

1 de febrièr 08.12h

#7 e non ......


Valoriza aqueste comentari:   votar positiu 0   votar negatiu 5
Respondre comentari replica Comentari inadeqüat   Formulari d'abús de comentari

31 de genièr 21.06h

lo deute que la troica diu que a de pagar lo govern grec, son per pagar los bancs privats grecs, perquè pugan pagar los interesos als bancs privats alemanys e atal poder recuperar aquests los diners que varen invertir a Grècia en negocis que los varen pas anar ben. Es com aquí que los bancs privats deien que tenien crisi e pas diners e lo govern de dretes los donà lo diner public per saneja sas economies. Volen carregar los deutes dels bancs privats a l'estat. La major part de las qua... Legir mai


Valoriza aqueste comentari:   votar positiu 7   votar negatiu 2
Respondre comentari replica Comentari inadeqüat   Formulari d'abús de comentari

31 de genièr 15.45h

#5 "E òc disi los grècs, an plan aprofeitat del sistem ataben (...) Tot lo mond a aprofeitat del sistèmi sens contraròtle...." Es completament fals de dire que l'ensemble dels grècs an profechat de la marrida gestion del país (abans la crisi de 2008). Repetissètz los clichats. Coneissètz pas l'istòria sociala de la populacion grèga.


Valoriza aqueste comentari:   votar positiu 8   votar negatiu 4
Respondre comentari replica Comentari inadeqüat   Formulari d'abús de comentari

31 de genièr 15.01h

#4 E òc disi los grècs, an plan aprofeitat del sistem ataben :
Los 770 cès de l'isla de Zakintos an tornat trobar la vista apèi qualques contraròtles, las primas ordenators accordadas als emplegats desempuèi las annadas 1990, los impaus que se pagan amb una pichona envelòpa, lo cadastre qu'existís quitament pas Los 25% de fonccionaris quavian 20 minutas de pausa cada jorn que se son cambiats en 6 jorns de comjats de mai...
Tot lo mond a aprofeitat del sistèmi sens contraròtle....


Valoriza aqueste comentari:   votar positiu 1   votar negatiu 3
Respondre comentari replica Comentari inadeqüat   Formulari d'abús de comentari

31 de genièr 14.45h

#3 "los Grecs, los Grecs"... chau precisar : es la drecha grega, "Nova Democracia" e los "socialistas" dau PASOK. Son elos qu'an bes lo pais dins la situacion ont es. Lo trabalh de Siriza serè de far pagar tot aqueu mond, amb la Gleisa e los oligarcs, totes los que ni los partits "ordinaris" au poer dinqu'aüra, ni la troïca an vougut tochar.


Valoriza aqueste comentari:   votar positiu 5   votar negatiu 0
Respondre comentari replica Comentari inadeqüat   Formulari d'abús de comentari

31 de genièr 14.30h

#2 S'agís brica de borsa, lo dèute Grèc es d'argent prestat per los autres país d l'U.E : Per fransa far devèrs 650€ per cada exagonal.
E se la borsa grèca davala es pas dins l'interest del pòble Grèc. La resulra sarà que nosaus pagarem enquera mai e que los grècs atanben.
Per la pichona istòria e o cal díser çaquelà, per dintrar dins l'Eurò son los grècs meteiç que son anat vèire Golman Sachs, e per poder èsser eligible a passar l'Eurò son los Grècs qu'an traficat lors... Legir mai


Valoriza aqueste comentari:   votar positiu 2   votar negatiu 0
Respondre comentari replica Comentari inadeqüat   Formulari d'abús de comentari

31 de genièr 12.49h

A plan rason, la maire totas las nòstras democracias : la Troïka, e los engatjaments preses davant Bruxel son dos denècs inadmissibles de democracia. Amb aquelas doás sacas de m…, interdiccion de menar uan politica solidària d'esquèrra. Tant val dire que votar i ven radicalament inutil. Donc las cal rejectar, sens trastejar. Al nom de la democracia e del dreit elementari a l'alternança. Las chifras, ne nos chautam. Los qu'an fotut moneda en borsa per crompar de deute, Grec o pas, son d... Legir mai


Valoriza aqueste comentari:   votar positiu 4   votar negatiu 0
Respondre comentari replica Comentari inadeqüat   Formulari d'abús de comentari

31 de genièr 08.29h

Grècia devia recebre 7 milhards d'euròs tre la fin del mes de febier qu'entemenarèm doman.

Las declaracions del govèrn Grèc, fan qu'es possible que l'ajuda de 7 milhards venguessa pas.
Desempuèi las darnièras eleccions la borsa grèca (Atex) a devalat de 31%, la bancas grèca an perdut 26%. La question de las liquiditas començon de se pausar, los deòts en banca an demenesit....


Valoriza aqueste comentari:   votar positiu 2   votar negatiu 0
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER 3 teveoc

Editorial

Que pas res nos arrèste

“Òu, Union Europèa, calma-te. Torni dire: s’ensajas de qualificar nòstra operacion d’invasion, nòstre prètzfach es simple. Dobrirem las pòrtas ...
giny

Lo temps

Mapa
  • sol Agen 15
  • sol Aush 15
  • sol Bordèu 15
  • sol Briançon 10
  • sol Caors 14
  • sol Carcassona 17
  • sol Clarmont-Ferrand 13
  • sol Confolent 15
  • sol Gap 5
  • sol La Canau 15
  • sol La Gàrdia 16
  • sol Limòtges 13
  • sol Lo Borg Sant Dalmatz 15
  • sol Lo Puèi de Velai 14
  • sol Marselha 19
  • sol Montpelhièr 18
  • sol Naut Aran 14
  • sol Niça 16
  • sol Nimes 19
  • sol Pau 15
  • sol Peireguers 14
  • sol Rodés 15
  • sol Tolon 14
  • sol Tolosa 15
  • sol Valença 15

giny

giny

Vidèos

giny

Entrevista

giny

giny

publicitat

lateral 2 teveoc

Fotografias

  • Zep Armentano

    25au Corsa Aran per sa Lengua

  • Omenatge a Aragon. © Franc Bardòu

    Omenatge a Aragon

  • País de Rasés. © Franc Bardòu

    País de Rasés

  • © Salça Morena

    Passeaia nucleària dal Prat (vilar de Sant Dalmaç lo selvatge) a Sant Dalmaç en passar per las baissas de Boneta e de Motiera (auta valaa de Tiniá)

  • © Aure Séguier

    Carnaval Biarnés 2017

  • © Celèsta Toion

    La plaja espaci de libertat? D'expression?

  • © Aure Séguier

    Carnaval Biarnés 2017

  • © Laurenç Revèst

    Sauve (Cevènas), ciutat màger vidorlenca a las carrièiras bèlas e en mudason

  • Manifestacion Anem Òc, Tolosa 31 de març 2012. © Cecília Hautefeuille

    Manifestacion Anem Òc, Tolosa 31 de març 2012

  • © Laurenç Revèst

    Vista de Gavotina (est Velai) e d'Auvèrnhe (Vivarés, Gevaudan)

  • Omenatge a Aragon. © Franc Bardòu

    Omenatge a Aragon

  • X. Moral

    Manifestacion "Er aranés, era nòsta identitat". Vielha 24 de març 2018

  • © Margaria Pepin

    Adobament dal Grand Prèmi de Mónegue de 2014

  • © Franc Bardòu

    Coserans al còr

  • © Franc Bardòu

    Asuèlhs Bigordans

  • Joaquim Blasco (Catalonha Nòrd)

    Concors de preseps de Jornalet 2016

  • Gavotina marítima: trofèu d'August e vila vielha d'A Torbia

  • Petugon de La Boal

    Conferéncia e dedicaça de l'artista Richard Cairaschi au Musèu municipau deis Arts e Tradicions populàrias de Grimaud (Mauras)

  • La Primada de Montsegur, 17 de març 2012

    Primada de Montsegur, 17 de de març 2012

  • La Primada de Montsegur 2013. © Bruno Sapena

    La Primada de Montsegur 2013

publicitat

lateral 2 teveoc



publicitat

LATERAL1 300X250: radio pais

Las mai...

publicitat

LATERAL1 300X250: radio pais

giny

Sondatge

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)