CAPÇALERA: CONGRÉS AMIC
CAPÇALERA2: FAI-TE SOCI

Jornalet, gaseta occitana d'informacions

Dimècres, 23 d'octòbre

Actualitats

Diluns, 9 de febrièr de 2015, 03h00 Politica,Internacional

Lo militant independentista savoiard Fabrice Dugerdil, presonièr politic, es en cauma de la fam

Los faches que li son reprochats remontan al mes d’abril de 2011


Comentaris 3 comentaris    
Marrit Flac Bon Plan bon Fabulós (7 vòtes)
carregant En cargar


L’independentista savoiard Fabrice Dugerdil, mes en preson dempuèi lo 28 de genièr de 2015, a entamenat una cauma de la fam.
 
Los faches que li son reprochats remontan al mes d’abril de 2011. A aquela epòca, dins una postura d’activisme independentista, aviá fixat de placas d’immatriculacion “diplomaticas” a sa veitura. D’efièch, lo militant, sòci de dos movements, la Direcccion dels Afars Savoiards e lo Govèrn Provisòri de l’Estat de Savòia, refusa de reconéisser l’annexion de Savòia per l’estat francés. De gendarmas lo contrarotlèron e coma refusèt de donar sos documents d’identitat franceses, lo dorsièr foguèt transmés a la justícia.
 
En setembre de 2011, lo tribunal lo condemnèt a una multa. Refusèt de la pagar. Aquel refús portèt la multa a la soma de 3600 èuros (siá una penalitat de 40 èuros per jorn pendent 90 jorns). Aquí tanben refusèt de pagar.
 
Mai de quatre ans aprèp los faches, los gendarmas lo venguèron quèrre per l’encarcerar. Aprofechèron aquela arrestacion per l’interrogar sus un autre afar: li repròchan d’aver organizat a Bônavela (Bonneville) una manifestacion de protestacion contra la demolicion programada del vièlh espital, un joièl patrimonial bastit a l’epòca que Bônavela èra dins l’estat liure e independent de Savòia. Aquela manifestacion, la jutjan ilegala.
 
Ara Fabrice Dumergil es en preson per tres meses. Lo jutge d’aplicacion de las penas li prepausèt pas cap d’autra pena alternativa. Fàcia a çò que considèra coma una decision inica e politica decidiguèt d’entamenar una cauma de la fam. Sa femna a pas encara recebut l’autorizacion de l’anar vesitar dempuèi la debuta de son empresonament...
 
Plusors movements se son esmoguts d’aquela situacion e pòrtan sosten a l’activista. Considèran que l’empresonament de Fabrice Dugerdil, una pena disproporcionada per de faches non-violents, fa del militant independentista un presonièr politic. Son solet crime es l’insomission. Se nòta en particular una fòrta mobilizacion al dintre del movement piemontés Gioventura Piemontèisa, dins lo mitan cabil e dins lo mitan breton. Ben segur los movements savoians se son mobilizats. L’Agéncia de Premsa Independenta de Savòia se’n fa resson. En çò nòstre, lo movement Iniciativa per Occitània pòrta son sosten a l’activista independentista e demanda sa liberacion.
 
Una peticion per Internet per demandar sa liberacion es en cors.




TL



publicitat
BANER1-2-3: DGPL AN LAFONT



Comentaris

9 de febrièr 20.38h

Per participar en una manifestacion per defensar un monument històric de l'estat liure de Savoia, fa tres meses qu'es en prison. Açò es lo govern e la parcialitat de la justicia de França.


Valoriza aqueste comentari:   votar positiu 5   votar negatiu 1
Respondre comentari replica Comentari inadeqüat   Formulari d'abús de comentari

9 de febrièr 12.14h

A, brave Pirolet ! Defòra se passejan tanben de grand trafegants de dròga e d'armas que, se son preses, faràn al maximum 20 ans de cèla, del temps que d'activistas basques son en preson dempèi 30 ans, per d'unes. E pr'aquò, quantes mòrts al tablèu de caça dels primièrs, respècte als segonds ? D'autres exemples : van milantas los industrials que nos fan manjar, beure e respirar de productes autament toxiques e dangieroses, mas que se son adobats per trafegar las resultas d'estudis esp... Legir mai


Valoriza aqueste comentari:   votar positiu 17   votar negatiu 3
Respondre comentari replica Comentari inadeqüat   Formulari d'abús de comentari

9 de febrièr 06.25h

Mentre qu'un independentista savoiard es en preson, mentreque lo govèrn arpatèja per distraire lo public, los islamistas se pasejan a grandas cambadas pertot arrèu a son aise benaise. Lo "Canard" ditz que n'i a quitament qu'arriban a fringar amb d'oficialas de las fòrças de l'òrdre! Coma barbotina la breçairòla del politicament corrècte: dormissètz, brave mond, tot va plan!


Valoriza aqueste comentari:   votar positiu 10   votar negatiu 2
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER 3 teveoc

Editorial

Tresmudar un problèma politic en un problèma d’òrdre public

Dempuèi longtemps l’estat espanhòl refusa de resòlver politicament lo problèma politic que ten en Catalonha. Ara, après l’enòrma indignacion ciutadana ...
giny

Lo temps

Mapa
  • sol Agen 15
  • sol Aush 16
  • sol Bordèu 16
  • sol Briançon 15
  • sol Caors 16
  • sol Carcassona 15
  • sol Clarmont-Ferrand 14
  • sol Confolent 14
  • sol Gap 8
  • sol La Canau 16
  • sol La Gàrdia 26
  • sol Limòtges 15
  • sol Lo Borg Sant Dalmatz 19
  • sol Lo Puèi de Velai 12
  • sol Marselha 22
  • sol Montpelhièr 16
  • sol Naut Aran 16
  • sol Niça 22
  • sol Nimes 20
  • sol Pau 14
  • sol Peireguers 16
  • sol Rodés 16
  • sol Tolon 17
  • sol Tolosa 16
  • sol Valença 16

giny

giny

Vidèos

giny

Entrevista

giny

giny

publicitat

lateral 2 teveoc

Fotografias

  • Serada occitana a Malhòrca

  • Fòto pilhaia sus 'o GR dal Mont Baudon, comuna de Pelha.  © LR

    L'occitan per carrièras (concors de prima 2014)

  • © Asalaís Moniguet

    Montpelhièr la lengadociana

  • © Josep Carpintero

    Presentacion dera ANC Val d'Aran en Vielha, 28/12/2013

  • © Franc Bardòu

    Tresaurs andorrans

  • A Gavotina marítima: Recabruna Cab Martin, a vila vielha e o castèl dau sécolo X

  • © Asalaís Moniguet

    Montpelhièr la lengadociana

  • Vista dal País Niçard e Alpenc. © Centre Cultural Occitan País Nissart e Alpenc

    Vista dal País Niçard e Alpenc

  • © Xavi Gutiérrez Riu

    Tarba

  • © Zep Armentano

    XI prèmis Gaudí de l'Acadèmia Catalana del Cinèma

  • La Primada de Montsegur 2013. © Bruno Sapena

    La Primada de Montsegur 2013

  • © Laurenç Revèst

    De las charrièiras de Genolhac (500 m. d'altitud) al bèlvéser de las Bosedas (1235 m.)

  • Serada occitana a Malhòrca

  • © Laurenç Revèst

    Fòrt Maginòt de Sant Anhe

  • Estivada 2013. © Guillem Sevilla

    Estivada 2013

  • © Laurenç Revèst

    Menton, 'a vivaroalpenca maritima

  • Exposicion temporària sus Robèrt Lafont al CIRDOC (D.R.)

  • Gavotina marítima: trofèu d'August e vila vielha d'A Torbia

  • Uvernada Lou Dalfin 2012. ©  Cristòl Daurore

    Uvernada Lou Dalfin 2012

  • Asuèlhs de Garnagués. © Franc Bardòu

    Asuèlhs de Garnagués

publicitat

LATERAL2 330x60: Casteth Paums



publicitat

LATERAL1 300X250: sapiéncia

Las mai...

publicitat

LATERAL1 300X250: radio pais

giny

Sondatge

Que pensas de las senténcias de 9 a 13 ans de preson contra los nòu nauts representants independentistas catalanas?


5%



4%



91%



0%




Vots 133 vòtes

comentaris 0

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)