Actualitats
En Fenolhedés e Catalonha Nòrd, lo SIOCCAT es en linha
Fondat en 2012, lo Sindicat Intercomunal per la Promocion de las Lengas Occitana e Catalana (SIOCCAT) ten un sit internet despuèi octòbre de 2014
Lo 16 junh de 2012, l’Associacion dels Cònsols e Adjonches dels Pirenèus Orientals creèt lo Sindicat Intercomunal per la Promocion de las Lengas Occitana e Catalana (SIOCCAT). Segon sos estatuts associacius, lo SIOCCAT es un servici administratiu que ten cinc tòcas (article 2): “la promocion de las lengas catalana e occitana coma vectors de desvolopament economic e toristic, l’ajuda al desvolopament de l’ensenhament de las lengas catalana e occitana, lo desvolopament del catalan e de l’occitan dins l’espaci public, la promocion de las culturas catalana e occitana e l’informacion dels elegits e del personal comunal sus l’usatge de las lengas catalana e occitana”.
Ja recampa cent comunas nòrd-catalanas e occitanas; las occitanas son en Fenolhedés. Ten sa sedença dins la de son associacion fondadora, a l’Ostal del Departament a Perpinhan, en Catalonha Nòrd, e s’organiza en quatre comissions: ensenhament, torisme e economia, espaci public e informacion als elegits. Son president es lo cònsol de Sant Andreu de Sureda, lo catalan Francis Manent, mas a tanben doas presidents delegats per la lenga catalana e nòstra lenga occitana. Lo president delegat per l’occitan es Joan-Pèire Fourlon, cònsol despuèi 2008 de Caudièrs de Fenolhedés.
D’origina non occitana (parisenca), Sénher Fourlon es totun passionat per la lenga nòstra. Per exemple, organizèt dijòus 12 de febrièr dins sa comuna lo quatren Vespralh Occitan, pendent lo qual las gents podián charrar e cantar en lenga occitana.
Despuèi octòbre de 2014, lo SIOCCAT ten un sit Internet. Ara per ara, es sonque bilingüe francés-catalan, mas ja se’n prevei una version occitana; esperem que se faga lèu-lèu e que de volontaris ajuden lo SIOCCAT.
Al sit del SIOCCAT, se pòt trobar, en mai d’una presentacion de l’associacion e de sas activitats, de documentacion istorica e sociolingüistica, de tèxtes legislatius mas tanben de ressorsas utilas a l’installacion d’un bilingüisme municipal: lo vocabulari municipal, los toponims, far d’actes oficials en catalan, escriure amb un clavièr d’ordenador los accents del catalan —e de l’occitan—.
Fòrça comunas occitanas se poirián inspirar del SIOCCAT.
Ja recampa cent comunas nòrd-catalanas e occitanas; las occitanas son en Fenolhedés. Ten sa sedença dins la de son associacion fondadora, a l’Ostal del Departament a Perpinhan, en Catalonha Nòrd, e s’organiza en quatre comissions: ensenhament, torisme e economia, espaci public e informacion als elegits. Son president es lo cònsol de Sant Andreu de Sureda, lo catalan Francis Manent, mas a tanben doas presidents delegats per la lenga catalana e nòstra lenga occitana. Lo president delegat per l’occitan es Joan-Pèire Fourlon, cònsol despuèi 2008 de Caudièrs de Fenolhedés.
D’origina non occitana (parisenca), Sénher Fourlon es totun passionat per la lenga nòstra. Per exemple, organizèt dijòus 12 de febrièr dins sa comuna lo quatren Vespralh Occitan, pendent lo qual las gents podián charrar e cantar en lenga occitana.
Despuèi octòbre de 2014, lo SIOCCAT ten un sit Internet. Ara per ara, es sonque bilingüe francés-catalan, mas ja se’n prevei una version occitana; esperem que se faga lèu-lèu e que de volontaris ajuden lo SIOCCAT.
Al sit del SIOCCAT, se pòt trobar, en mai d’una presentacion de l’associacion e de sas activitats, de documentacion istorica e sociolingüistica, de tèxtes legislatius mas tanben de ressorsas utilas a l’installacion d’un bilingüisme municipal: lo vocabulari municipal, los toponims, far d’actes oficials en catalan, escriure amb un clavièr d’ordenador los accents del catalan —e de l’occitan—.
Fòrça comunas occitanas se poirián inspirar del SIOCCAT.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Es un excellenta iniciativa.
Sénher Fourlon es un òme fòrça valent e plen de meriti.
Visca Fenolheda!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari