Bandièra01 1180x150: Comuna de Tolosa

Actualitats

Las cronicas d’Aurelian Chayre publicadas

A l’ombra d’un mango [A l’ombra d’un manguièr] amassa los escriches del jove roergàs en cò dels païsans de Casamança, que las publiquèt dins Jornalet

L’Institut d’Estudis Occitans d’Aude a publicat la brocadura entitolada A l’ombra d’un mango [A l’ombra d’un manguièr] qu’amassa las 23 cronicas que lo jove engenhaire agronòm Aurelian Chayre las consagrèt als sièis meses passats en 2014 en cò dels païsans de Casamança, en Senegal, per un projècte de solidaritat e de cooperacion agricòla. Aquelas cronicas las poguèretz legir cada setmana dins Jornalet.
 
La publicacion apond a las cronicas qualques documents fòrça interessants: lo raconte d’una vida de païsan, la recèpta del yassa-polet e un lexic occitan-pul amb de provèrbis e de poèmas. Al delà de las nombrosas fotografias en blanc e negre, sus las paginas de cobèrta e sul quasèrn central las fotografis son en colors.
 
Lo jove roergàs abòrda en lenga nòstra mai d’un tèma: l’agricultura locala, lo pes de la mondializacion, la cooperacion internacionala, la colonizacion, l’educacion, las lengas, los rites, los jòcs e espòrts, las fèstas, la cosina… “Aquel viatge foguèt la descobèrta d’una cultura diferenta e dels travèrses de la globalizacion qu’en çò nòstre coma endacòm mai capitan a desvalorar los pòbles païsans. A l’ombra d’un mango senegalés, poguèri apreciar un biais de viure respectuós de la natura e fòrça uman”, çò explica Chayre”.
 
 
 


CHAYRE, Aurelian [DE CHAIRE, Aurelian], 2015, A l’ombra d’un mango [A l’ombra d’un manguièr], coll. Vendémias, IEO,  56 paginas, format A4
 
Per comandar: IEO Aude, BP 105, 11022 Carcassona Cedèx. 10 èuros (+ 2,50 èuros pel mandadís).

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

colombies COLOMBIES
4.

pensi que lo "z" n'exixta pas en occcitan.
globalisation e mondialisation es melhor que globalization e mondialization!

  • 0
  • 0
Alan Roch
3.

Per la publicacion del libre a causit Aurelian de Chaire coma nom de pluma.

Pensatz de lo convidar per parlar de Senegal : fa de ben un jove de 24 ans que pòt parlar en bona lenga pendent 2 oradas sens embestiar lo monde !!!!!

  • 2
  • 0
Fonfon
1.

Es Aurelian Chayre o Aurelian de Chaire ?

  • 1
  • 0

Escriu un comentari sus aqueste article