Fa qualques jorns que vira sus Internet una fòto mostrant un acamp de qualques milièrs de personas qu’entornejan un petit grop d’un desenat de manifestants. Se tracta d’un rassemblament que se debanèt a Malmö (Suècia). I aviá de convocada una manifestacion de Pegida, lo grop racista nascut en Alemanha que s’espandís per Euròpa. De fach èra la primièra manifestacion d’aquel grop en Suècia. La responsa foguèt impressionanta: aperaquí cinc mila personas se rassemblèron sus la plaça en cantant de consignas contra Pegida e contra lo racisme.
 
Se passèt lo 9 de febrièr e s’anoncièt a travèrs de qualques vidèos que se cridava los ciutadans a jónher divèrsas colomnas que se rescontrarián sus la plaça al moment que començava l’acamp racista. La crida mobilizèt de sindicats, de collectius feministas, d’omosexuals, de movements de solidaritat o culturals, etc.

 

 
 
La manifestacion foguèt una brava reüssida. Los cinc mila manifestants entornegèron un petit grop d’un dotzenat de racistas qu’èra al mièg de la plaça.
 

 
 
Podètz veire aicí la nòva sus Euronews:
 

 
 
E aquí, lo resson que ne faguèt Expressen TV, ont se pòt veire los manifestants de Pegida, que capitèron a amassar pas mai qu’un dotzenat de personas, e los grops femnistas qu’ensajavan d’arribar fins als racistas.