Bandièra01 1180x150: Comuna de Tolosa

Actualitats

crotz-tolosaCreated with Sketch.LemosinLemosinPaís de la Vinhana

Los josieus parisencs son convidats a mudar a Lemòtges

Lo president de la comunautat josieva de Lemòtges convida las “familhas josievas que desiren fugir la region parisenca e sas banlègas emb lor lòt de violéncias antisemitas”

| Traumrune
Après que l’estat d’Israèl a convidat los josieus franceses a quitar l’Egaxòn per poblar l’estat sionista, lo president de la comunautat josieva de Lemòtges, Charley Daïan, los a convidat a mudar dins Lemosin. Daïan presenta sa comunautat coma “simpatica e chalorosa” e que “seriá aürosa d’aculhir [los josieus de l’Illa de França] dins una granda e bèla sinagòga”. Publiquèt una letra la setmana passada a Le Populaire en tot convidar las “familhas josievas que desiren fugir la region parisenca e sas banlègas emb lor lòt de violéncias antisemitas”. La letra apond que lo consistòri de Lemòtges s’engatja a facilitar l’installacion e l’integracion de las familhas que i anaràn e precisa que l’immobilièr de la capitala lemosina es dels mens cars.
 
Daïan confirmèt a Le Populaire sa desaprobacion de veire de josieus partir per Israèl, motivats mai per la “paur” que per la “vocacion”, e mai remembrava: “sèm pas sionistas, sèm francés e abans tot lemotjauds”.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

antalya apraquital
6.

#5 Non pas, d'aprèp lo quasern de cargas del govèrn aquò sias tu que lo deu far.

  • 1
  • 0
Pirolet
5.

An previst una paret per se plorar a Lemòtges, un mur de las lamentacions?

  • 0
  • 1
antalya apraquital
4.

#1 E fin finala vesem un estat pietadós qu'a per sola solucion de convidar una comunotat de s'anar establir endacòm mai onte lor securetat sarà assurada.
Es vertadierament una vergonha . Pr'aquò se cal interrogar d'ont ben aquel antisemitisme ? de que ne diguèc lo president del CRIF ?

  • 1
  • 0
Mathieu Castel Marselha
3.

Coma lei fraires Kouachi ?

  • 2
  • 0
antalya apraquital
2.

#1 Es la novèla Occitània que se bastit jos tos uèlhs.....

  • 2
  • 0

Escriu un comentari sus aqueste article