CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Divendres, 23 d'agost

Actualitats

Dijòus, 21 de genièr de 2016, 03h00 Politica,Istòria,Societat

Una letra del front de fa 100 ans que rebat lo sentiment nacional occitan

Publicam una letra escricha lo 21 de genièr de 1916 pel montpelhierenc Ubèrt Miermònt que relata lo sentiment dels joves combatents occitans a la Grand Guèrra


Comentaris 4 comentaris    
Marrit Flac Bon Plan bon Fabulós (9 vòtes)
carregant En cargar


Fa dos ans remembràvem lo començament de la Grand Guèrra, que representèt una de las paginas negras de l’istòria d’Occitània. Cal dire qu’aquel masèl, que durèt cinc ans, representèt un sagnament demografic e economic pel país nòstre e mai lo començament de la destruccion de la lenga d’òc.
 
Publicam uèi una letra escricha fa exactament cent ans, que se publiquèt qualques jorns puèi dins la revista Lo Gal. Aquel 21 de genièr de 1916 lo felibre montpelhierenc Ubèrt Miermònt, que moriguèt aquela meteissa annada a la guèrra quand aviá 23 ans, rebastissiá dins son escrich lo sentiment nacional occitan que i aviá al front. A l’ora d’ara aquela letra es publicada dins l’Antologia dels felibres mòrts a la guèrra (1914-1918).


“Enfants dau Miègjorn, fraires d’armas,
 
Lo sovenir dau país dont s’es luònh demòra vivent dins lo còr dau pialut. L’ostau pairolau e la vida de familha quitada passan davant sos uòlhs esmoguts quand es, solet, sentinèla de longas oras. Tanben amb quane plaser es urós de faire clantir la doça lenga dau terrador, la sola que s’ausís dins las tranchadas garladas per los enfants dau Miègjorn.
 
Diguns, aicí, a pas vergonha de la parlar: los oficièrs coma los soldats, e fòrça se’n servisson mèma per batejar lo trauc onte s’amagan. Entre benlèu mila inscripcions qu’ai vistas, escrichas simplament au craion sus un cobèrt de boèta de camembèrt, notarai: lo Maset dau Clapàs, la Barraqueta, la Polideta, etc.
 
Au cantonament, totes son estrambordats de poder parlar de son endrech, das amics que ié son demorats, e s’acampan sovent, entre païses d’autras companhiás per far ribòta e tastar l’alhòli o lo pan banhat.
 
Òi, podèm l’afortir, l’amor de tot ce qu’es la Patria d’Òc es mai que jamai arderós dins lo còr das miègjornaus.
 
Me sovène que lo vèspre dau 6 d’abriu, après una terribla ataca, ajudave a davalar mi [sic] paure blaçat alongat sus una escala d’assaut. Èra lo milhor de mos camaradas, un brave marselhés de vint ans a pena, vengut amb ieu de Niça. Aviá reçachut una bala dins la panolha; sofrissiá orriblament e pasmens se planhissiá pas. Quand rescontrèrem los brancardièrs, abans de lo quitar per revenir en prumièira linha l’embracèrem; el nos diguèt: «Mos amics, sentisse qu’anarai pas luònh... Sofrisse fòrça, mès siái urós de morir per la França qu’aimave tant coma mon bèu Marselha e que veirai pas pus... Adieu a totes... digatz aumens a ma maire benaimada que ma darnièira pensada es per ela!»
 
Dins aquelas paraulas d’agonizant avètz lo sentiment de totes los miègjornaus quanes que siègan. Quau donc après, gausariá dobtar de la victòria, seguida d’una meravilhosa respelida miègjornala?
 
De ma caüta dau bòsc de la H. 21 de janvièr 1916.”
 
 
 
Ubèrt Miermònt






publicitat
BANER1-2-3: DGPL AN LAFONT



Comentaris

22 de genièr 19.16h

Fau estudiar aquela letra a mos liceans.

Mercés


Valoriza aqueste comentari:   votar positiu 1   votar negatiu 0
Respondre comentari replica Comentari inadeqüat   Formulari d'abús de comentari

21 de genièr 09.59h

Grandmercé a MELANIE e UBERT


Valoriza aqueste comentari:   votar positiu 6   votar negatiu 0
Respondre comentari replica Comentari inadeqüat   Formulari d'abús de comentari

21 de genièr 07.21h

e tanben sus Occitanica i a totes los numèros de Lou Gal : http://occitanica.eu/omeka/items/show/1851
es passionant!!!
e sus la premsa en occitan a la 1èra GM consultabla en linha, i a aquò : http://occitanica.eu/omeka/items/show/5225


Valoriza aqueste comentari:   votar positiu 9   votar negatiu 0
Respondre comentari replica Comentari inadeqüat   Formulari d'abús de comentari

21 de genièr 07.16h

Dins la meteissa dralha, i a las letras de Louis Bonfils a Azema : http://www.pulm.fr/index.php/l-occitan-en-guerre.html


Valoriza aqueste comentari:   votar positiu 8   votar negatiu 0
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL AN LAFONT

Editorial

Lo drech de viure es pus important que totas las frontièras

Uèi, dimenge 18 d’agost, fa 18 jorns que l’Open Arms reten malgrat el mai d’un centenat de migrants socorreguts en marrit estat de santat. Enfin, lo naviri es arribat davant ...
giny

Lo temps

Mapa
  • sol Agen 13 6
  • sol Aush 15 4
  • nuvols Bordèu 10 -1
  • sol Briançon 6 -6
  • sol Caors 14 0
  • sol Carcassona 14 2
  • pluja Clarmont-Ferrand 11 5
  • pluja Confolent 9 5
  • sol Gap 14 0
  • nuvols La Canau 13 6
  • sol La Gàrdia 22 9
  • nuvols La Torre de Pèlitz 16 4
  • pluja Limòtges 9 5
  • sol Lo Borg Sant Dalmatz 18 6
  • sol Lo Puèi de Velai 16 4
  • nuvols Marselha 18 6
  • nuvols Montpelhièr 17 8
  • nuvols Naut Aran 12 2
  • sol Niça 14 0
  • nuvols Nimes 19 5
  • nuvols Pau 15 5
  • pluja Peireguers 19 5
  • pluja Rodés 17 3
  • nuvols Tolon 17 3
  • sol Tolosa 19 5
  • pluja Valença 10 -1

giny

giny

giny

Vidèos

Entrevista

“Mn. Condò siguec hilh dera Renaishença Catalana”

Jusèp Amiell prèire e escrivan aranés

“Mn. Condò siguec hilh dera Renaishença Catalana”
giny

giny

publicitat

lateral 2 teveoc

Fotografias

  • Pòrt de Niça: Li galeras

  • Espaci occitan a Draoníer (Val Maira). © Cristòu Daurore

    Espaci occitan a Draoníer (Val Maira)

  • Vista dal País Niçard e Alpenc. © Centre Cultural Occitan País Nissart e Alpenc

    Vista dal País Niçard e Alpenc

  • Carcassona. © Frederic Guilbal

    Campanada d'alarma sus la situacion catastrofica ont se tròban la lenga e la cultura occitanas

  • Montpelhièr la lengadociana

  • © Montse Torres -  Arxiu dels Castellers de la Vila de Gràcia

    "Castellers" catalans en Bearn

  • © Aure Séguier

    Carnaval Biarnés 2017

  • Uvernada Lou Dalfin 2012. ©  Cristòl Daurore

    Uvernada Lou Dalfin 2012

  • Exposicion temporària sus Robèrt Lafont al CIRDOC (D.R.)

  • Musèu de Terra Mata, Niça, mai anciana traça de fuec au monde

  • © Laurenç Revèst

    Dins lei paluns de Camarga, la Torre Carbonièira e Aigas-Mòrtas

  • © Zep Armentano

    XI prèmis Gaudí de l'Acadèmia Catalana del Cinèma

  • Era còlha dera ADÒC ath trabalh

  • Valadas. © Xavi Gutiérrez Riu

    Valadas

  • Fèsta occitana a Barcelona, a l'ocasion del cinquen anniversari de Jornalet

  • © Laurenç Revèst

    La botiga de Macarèl a Sant Joan de Vedats (Montpelhierenc)

  • © Aure Séguier

    Carnaval Biarnés 2017

  • De bandièras occitanas a la manifestacions dels Gilets Jaunes, Tolosa 8 de decembre 2018

  • Val nheuada. © Xavi Gutiérrez Riu

    Prumèra nheuada dera sason ena Val d'Aran

  • País de Rasés. © Franc Bardòu

    País de Rasés

publicitat

LATERAL2 330x60: Casteth Paums



publicitat

LATERAL1 300X250: radio pais

Las mai...

publicitat

LATERAL1 300X250: radio pais

giny

Sondatge

Creses que refusar de socórrer los migrants es racista?


43%



33%



23%



1%




Vots 128 vòtes

comentaris 2

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)