CAPÇALERA: CONGRÉS AMIC
CAPÇALERA2: FAI-TE SOCI

Jornalet, gaseta occitana d'informacions

Dimenge, 20 d'octòbre

Actualitats

Diluns, 2 de març de 2015, 03h00 Sciéncia,Politica,Environament

Lengadòc > Albigés > Galhaqués

Sivens: los agricultors se mobilizan contra los zadistas amb violéncia

Ochanta gendarmas son estats mandats sus plaça e son a blocar dempuèi dissabte los dos principals accèsses al sit


Comentaris 8 comentaris    
Marrit Flac Bon Plan bon Fabulós (3 vòtes)
carregant En cargar


Dimenjada de violéncias a Sivens (Galhaqués) sul sit ont se vòl construire una restanca contestada pels movements ecologistas. Sus plaça demòran dempuèi longtemps un grop de personas que protèstan amb la tòca de n’empedir la construccion. Mas aquesta dimenjada son estats interpelats per un grop d’agricultors pròrestanca al mièg de fòrtas tensions e d’escambis de còps de ponh. Los zadistas an bastit tres còps una barricada que los agricultors an destruch tres còps. Ochanta gendarmas son estats mandats sus plaça e son a blocar dempuèi dissabte los dos principals accèsses al sit. “I aviá tròp de mond aqueste matin per que poguèssem assegurar la seguretat, e avèm recebut l’òrdre de daissar pas intrar degun”, çò indiquèt un policièr a l’AFP.
 
“Volèm far pression sus l’Estat e metre fin a una zòna de non-drech”, çò declarèt a l’AFP Roland Legrand, president dels Joves Agricultors de Tarn. De lor costat, los zadistas an publicat un comunicat en disent que son “fòrça inquiets tocant lor capacitat de nosença fisica [dels agricultors pròrestanca], e la propaganda que son capables de far circular via lor sindicat agricòla, a qualques elegits e a la premsa locala”. Los zadistas dison tanben qu’an avertit la prefectura.
 
Divendres se reünirà lo Conselh General del departament de Tarn per arbitrar entre doas solucions privilegiadas pels expèrts: una version aleujada de la restanca o tres petitas restancas lateralas. Es una reünion que los zadistas qualifican de “mascarada per ganhar de temps abans las eleccions” departamentalas, e profetizan que “se prendrà pas cap de decision” mas qu’o daissaràn en mans de l’administracion que vendrà.
 
 
Projècte en suspension
 
A l’ora d’ara l’òbra se tròba en suspension après que la Comission Europèa lancèsse en novembre passat una procedura d’infraccion contra l’estat francés per violacion de las directivas environamentalas.
 
Mas de fach lo conselh general del departament de Tarn aviá ja decidit de suspendre sine die los trabalhs, après la mòrt de Rémi Fraisse. Totun la ministra francesa de l’ecologia, Ségolène Royal, assegurèt qu’una òbra seriá facha.
 
De fach, la mòrt de Rémi Fraisse portèt la crisi al govèrn francés. Las nombrosas susmautas que se son debanadas per tot l’estat francés, en seguida de la mòrt de l’estudiant de botanica en mans de la polícia, crèan un grand desaise dintre lo poder politic.
 
 
Crisi dins l’estat francés
 
Lo govèrn francés a ensajat de reglar la mòrt del jove tolosan en enebissent l’usatge de las granadas e en suspendent los trabalhs del barratge, e en ensajant de criminalizar los ecologistas en lucha. Mas un larg sector de la societat, los movements ecologistas e los partits d’esquèrra demandan la demission del ministre de l’interior, Bernard Cazeneuve, que se limitèt a dire que i auriá “de sancions se de fautas se son comesas”.
 
Fraisse foguèt tuat dins l’encastre de la repression d’una protèsta populara e pacifica contra la construccion d’una restanca dins la zòna umida del Testet, a Sivens (Galhaqués).
 
 
Lo projècte
 
La restanca prevista, d’un milion e mièg de mètres cubes d’aiga, negariá una partida de la Val de Tescon, en tot far desaparéisser 13 ectaras de zòna umida e en fasent desaparéisser un milion d’animals salvatges (de granhòtas, de peisses o de salamandras). Lo conselh general de Tarn cita lo Ministèri francés de l’Environament, segon lo qual la restanca auriá de vertuts ecologicas, cercant un “equilibri idrologic” de la zòna. Los ecologistas o creson pas, s’opausan al projècte e denóncian qu’es finançat per de fonzes publics per favorir solament d’interèsses privats. Revendican la preservacion de totas las 35 ectaras de zòna umida menaçadas per la restanca. Denóncian que la tòca del projècte es de favorizar l’agricultura intensiva e que, per tant, es un perilh per un centenat d’espècias “protegidas” dont cinc son ja declaradas menaçadas.
 
Segon lo conselh general de Tarn, la restanca es indispensabla per irrigar las tèrras agricòlas e se recrearà una autra zòna umida. Los opausants denóncian un projècte car que solament servirà a irrigar las tèrras d’un petit nombre d’esplechaires que practican l’agricultura intensiva.
 
L’occitanisme s’es mostrat majoritàriament contra la construccion de la restanca, levat lo Partit de la Nacion Occitana (PNO) e l’associacion lo Clusèl (que participèt lo 15 de novembre a una manifestacion en favor de la restanca).



publicitat
BANER1-2-3: DGPL AN LAFONT



Comentaris

3 de març 12.49h

Son concernits per la paissièra :
Grapals, granhòtas, domaisèlas, parpalhòls, sèrps, lausèrts, blandas, bernats pescaires, capeluts, gruias, becassons, cigonhas, vilatons espelhandrats, gendarmas estabosits e paisans arreduts.


Valoriza aqueste comentari:   votar positiu 1   votar negatiu 0
Respondre comentari replica Comentari inadeqüat   Formulari d'abús de comentari

3 de març 05.28h

As caçat un raumàs?


Valoriza aqueste comentari:   votar positiu 0   votar negatiu 0
Respondre comentari replica Comentari inadeqüat   Formulari d'abús de comentari

2 de març 18.54h

Engara non gompreni guin ei eth problema


Valoriza aqueste comentari:   votar positiu 8   votar negatiu 0
Respondre comentari replica Comentari inadeqüat   Formulari d'abús de comentari

2 de març 16.36h

L'associacion Calandreta del Galhagués es domiciliada a Galhac (81).


Valoriza aqueste comentari:   votar positiu 1   votar negatiu 0
Respondre comentari replica Comentari inadeqüat   Formulari d'abús de comentari

2 de març 16.11h

#3 "Galhaqués" es lo parçan de Galhac, "galhagòl, galhagòla" es lo nom dels abitants de Galhac, segon çò que dison lo mond d'aquela encontrada.


Valoriza aqueste comentari:   votar positiu 2   votar negatiu 0
Respondre comentari replica Comentari inadeqüat   Formulari d'abús de comentari

2 de març 15.49h

Armanhac>armanhagués. Marcilhac>marcilhagués. Laurac>lauragués. Chemin de Galhaguès (còsta Albi) son atestats.


Valoriza aqueste comentari:   votar positiu 0   votar negatiu 0
Respondre comentari replica Comentari inadeqüat   Formulari d'abús de comentari

2 de març 14.43h

Galhaqués o galhagués?


Valoriza aqueste comentari:   votar positiu 1   votar negatiu 0
Respondre comentari replica Comentari inadeqüat   Formulari d'abús de comentari

2 de març 05.14h

A! Creguèri qu'èran manhacs aquel mond! Es vertat que son pas de païsans, son d'agricultors... Lo païsan respècta lo païs, l'agricultor fa la fièra a Paris. D'ont mai civilitzat (tecnocratitzat), d'ont mai sauvatge.


Valoriza aqueste comentari:   votar positiu 13   votar negatiu 11
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER 3 teveoc

Editorial

Tresmudar un problèma politic en un problèma d’òrdre public

Dempuèi longtemps l’estat espanhòl refusa de resòlver politicament lo problèma politic que ten en Catalonha. Ara, après l’enòrma indignacion ciutadana ...
giny

Lo temps

Mapa
  • sol Agen 14
  • sol Aush 15
  • sol Bordèu 14
  • sol Briançon 12
  • sol Caors 13
  • sol Carcassona 17
  • sol Clarmont-Ferrand 11
  • sol Confolent 16
  • sol Gap 9
  • sol La Canau 14
  • sol La Gàrdia 14
  • sol Limòtges 12
  • sol Lo Borg Sant Dalmatz 14
  • sol Lo Puèi de Velai 17
  • sol Marselha 20
  • sol Montpelhièr 20
  • sol Naut Aran 16
  • sol Niça 18
  • sol Nimes 20
  • sol Pau 15
  • sol Peireguers 13
  • sol Rodés 15
  • sol Tolon 13
  • sol Tolosa 16
  • sol Valença 15

giny

giny

Vidèos

giny

Entrevista

giny

giny

publicitat

lateral 2 teveoc

Fotografias

  • © Asalaís Moniguet

    Montpelhièr la lengadociana

  • A Gavotina marítima: Recabruna Cab Martin, a vila vielha e o castèl dau sécolo X

  • © Aure Séguier

    Carnaval Biarnés 2017

  • © Franc Bardòu

    Catalonha etèrna

  • © Josep Carpintero

    Presentacion dera ANC Val d'Aran en Vielha, 28/12/2013

  • © Laurenç Revèst

    Mónegue

  • Lo grand passacarrièra de Rodés. Occitan Pride 2013

  • Sus la crotz abenada s'amolonèron dau costat de l'ombra maigrostela

    Meissonencas en Camarga pichòta

  • Era còlha dera ADÒC ath trabalh

  • Exposicion temporària sus Robèrt Lafont al CIRDOC (D.R.)

  • Petugon de La Boal

    Conferéncia e dedicaça de l'artista Richard Cairaschi au Musèu municipau deis Arts e Tradicions populàrias de Grimaud (Mauras)

  • Jana e Roger Andreu Vidal

    Concors de preseps de Jornalet 2017

  • Serada occitana a Malhòrca

  • Vista dal País Niçard e Alpenc. © Centre Cultural Occitan País Nissart e Alpenc

    Vista dal País Niçard e Alpenc

  • A Gavotina marítima: Recabruna Cab Martin, a vila vielha e o castèl dau sécolo X

  • A Gavotina marítima: Recabruna Cab Martin, a vila vielha e o castèl dau sécolo X

  • © Laurenç Revèst

    Galaria fòto: La Gavotina marítima: Esa vielha, totplen de botigas e de toristas, 16 estatjants, 2 vielhs esascs, una gleia e un castèl arroïnat

  • © Laurenç Revèst

    Galaria fòto: La Gavotina marítima: Esa vielha, totplen de botigas e de toristas, 16 estatjants, 2 vielhs esascs, una gleia e un castèl arroïnat

  • © Laurenç Revèst

    Via de Buelh a Pèunas a Valberg fins a Sant Laugier

  • Hug de la Rosa

    Manifestacion "Er aranés, era nòsta identitat". Vielha 24 de març 2018

publicitat

LATERAL2 330x60: Casteth Paums



publicitat

LATERAL1 300X250: radio pais

Las mai...

publicitat

LATERAL1 300X250: radio pais

giny

Sondatge

Que pensas de las senténcias de 9 a 13 ans de preson contra los nòu nauts representants independentistas catalanas?


0%



0%



0%



0%




Vots 0 vòtes

comentaris 0

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)