Bandièra01 1180x150: Comuna de Tolosa

Actualitats

Vidèo: an bastit un gratacèl de 57 estancis en 19 jorns

La societat chinesa que l’a fach emplega una tecnica de moduls prefabricats qu’es pus rapida e durabla

La societat chinesa Broad Sustainable Building, especializada en edificis prefabricats, a bastit dins la vila de Changsha, al centre de China, un gratacèl de 57 estancis en solament 19 jorns. Per o mostrar, an publicat un vidèo en time lapse que mòstra en 4 minutas los 19 jorns de trabalh.
 
Amb una superfícia de 186 000 mètres cairats, la bastissa a una capacitat per 800 apartaments e de burèus per 4000 personas; e es, fins ara, lo gratacèl mai naut qu’an bastit. Pasmens, an anonciat que dins la meteissa vila bastiràn lo gratacèl mai naut del Mond, nomenat Sky City, qu’aurà 220 estancis. Dison que serà tot bastit e acabat en 90 jorns, après que lo projècte serà aprovat.
 
Broad Sustainable Building bastís amb una tecnica basada sus de moduls prefabricats. Es fòrça mai ecologica que las tecnicas convencionalas perque “redutz l’emplec de ciment en una quantitat equivalenta a 15 000 camions”. E mai aquela tecnica “elimina gaireben l’emission de posca dins l’aire; es una escomesa fòrça importanta en China qu’es un país fòrça afectat per la pollucion”, çò diguèt l’arquitècte Zhang Xianmin.



Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Lutz
1.

Òsca ! (sèm fotuts !)

  • 1
  • 0

Escriu un comentari sus aqueste article