Actualitats
Son dobèrtas las inscripcions per venir professor de Calandreta
Una formacion mai en mai reconeguda per venir transmissor de la lenga
Son ja dobèrtas, sul sit Aprene.org, las inscripcions per venir regentas e regents dins las escòlas Calandreta. Lo sit tanben conten las entresenhas que cal per ne saupre un pauc mai d’aquesta formacion, cooperativa, intensiva, exigenta, qu’es de mai en mai reconeguda per sa capacitat de formar lo mond al mestièr d’ensenhaire en immersion, de transmissor de la lenga occitana, e de practician de la pedagogia Freinet e de la pedagogia institucionala .
Cada còla annuala d’ensenhaires en formacion causís de demandar l’autorizacion a una personalitat o un collectiu de li autrejar lo sieu nom. Aital, la còla 2014-2015 s’apèla La Mal Cofada.
Après lo grand moment de la batejada, al CIRDÒC en decembre passat, contunhan lor camin pedagogic, lor descobèrta de las classas e de las escòlas e l’aprendissatge del mestièr.
Fa 12 ans, per una autra còla, per una autra batejada memorabla, lo grand Ives Roqueta aviá dich:
Los candidats an fins al 28 de mai per s’inscriure.
Patrici Baccou
Cada còla annuala d’ensenhaires en formacion causís de demandar l’autorizacion a una personalitat o un collectiu de li autrejar lo sieu nom. Aital, la còla 2014-2015 s’apèla La Mal Cofada.
Après lo grand moment de la batejada, al CIRDÒC en decembre passat, contunhan lor camin pedagogic, lor descobèrta de las classas e de las escòlas e l’aprendissatge del mestièr.
Fa 12 ans, per una autra còla, per una autra batejada memorabla, lo grand Ives Roqueta aviá dich:
“Una lenga, quand es la vòstra, s’ensenha pas, ensenha. Servís a ensenhar, servís a grandir, servís a se far un òme, a se far una femna, a se far responsable. Pensi que l’escòla que sètz a vos aprestar de far es una escòla de responsabilitat...”
Los candidats an fins al 28 de mai per s’inscriure.
Patrici Baccou
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
força plan! avem beson de professor!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari