CAPÇALERA: CONGRÉS AMIC
CAPÇALERA2: FAI-TE SOCI

Jornalet, gaseta occitana d'informacions

Dijòus, 17 d'octòbre

Actualitats

Divendres, 20 de març de 2015, 03h00 Societat,Politica,Internacional

Revolucion libertària en Orient Mejan

Pauc a pauc, lo movement anarquista comença de retransméter l’informacion en dehòra deus mèdias oficiaus e gràcias a Internet


Comentaris 7 comentaris    
Marrit Flac Bon Plan bon Fabulós (4 vòtes)
carregant En cargar


Dens la region deu Curdistan sirian, formada per tres cantons desseparats, Efrîn, Kobanê e Cizîrê, e aperada Rojavayê Kurdistanê en curd o tot simplament Rojava (“l’oèst”), se debana ua batèsta herotja contra l’Estat Islamic que sembla de virar en favor deus curds.
 
Ua de las particularitats de la fòrça curda antiislamista es la preséncia de hemnas curdas armadas que prenen part au combat dab un coratge qu’estona los observaires. Segon quauques informators, los combatents islamistas que’s morissen son suspausats ganhar lo paradís per la lor accion, levat se son tuats per ua hemna, çò que las hariá redobtablas aus uelhs deus sòcis de l’Estat Islamic.
 
L’auta particularitat es lo biaish de s’administrar causit dens l’enclava curda. Ua carta en 96 punts, entitolada Carta deu contracte sociau de l’autoadministracion democratica de Rojava, es estada proclamada, basada sus la democracia dirècta e l’autogestion. La referéncia a Jean-Jacques Rousseau i es voluda, l’exemple de las comunas liuras de la revolucion dens l’estat espanhòu de 1936 es present. Dens la navèra universitat liura de Qamişlo, los estudiants prenen part a aquesta revolucion libertària en citar Proudhon o Simone Weil.
 
Dens la zòna se tròban ua majoritat de curds, mes tanben crestians assirians que parlan l’aramèu, fòrça arabis sunnitas, armènis, turcmèns, chechèns, iaziditas e, segon daubuns, quauques josieus. Rojava es libertària mes tanben plurietnica.
 
Pauc a pauc, lo movement anarquista comença de retransméter l’informacion en dehòra deus mèdias oficiaus e gràcias a Internet. Lo fòrça estetic magazine web anglofòn It’s the end of the world as we know it and I feel fine (Es la fin deu Mond tau coma lo coneishèm e me pòrti plan) ne parla dens la soa darrèra edicion entre dus subjèctes d’actualitat pertocant l’anarquisme. Es illustrat musicalament peu rapaire curd Rezan que canta Em Kurdin. Lo filmòt se pòt véser ací:

 



E quitament en Turquia, lo grop Sosyal Isyan (Susmauta Sociala) d’Istambol declarèc recentament la soa solidaritat dab la revolucion de Rojava e se portèc volontari entà ajudar a la reconstruccion de Kobanê. An format lo grop Birleşik Özgürlük Guçleri (Fòrças de Liberacion Unidas) qu’amassa diferentas tendéncias revolucionàrias e ecologistas.

 

 
 
 
JML



publicitat
BANER1-2-3: DGPL DICTADES



Comentaris

21 de març 10.37h

#3 Curiosa reaccion.
"Qu'an eras suas familhas massacradas", ben justament an pas las familhas massacradas pr'amor qu'an dehenut l'enclava dambe escaduda.
Se pòt comparar dambe la situacion dens los parçans libertaris d'espanha en 1936, i avèva la guèrra, crudèla, fòrta, mes legèvan Proudhon totun, doncas vesi pas l'impossibilitat.
Se contestatz la veritat de la situacion, podètz muishar un testimòni contrari, mes m'estonaré qu'ac trobèssetz. Après, s'aquò vos hè cagar que s'admi... Legir mai


Valoriza aqueste comentari:   votar positiu 9   votar negatiu 1
Respondre comentari replica Comentari inadeqüat   Formulari d'abús de comentari

20 de març 17.37h

#3 Ben'surat que z'an, de segur, autres chausas de faire qu'a legir Proudhon quand lhors familhas se fan massacrar!... Mas, disiái solament qu'aqueu biais z-es inedit au Orient-Mejan e plan melhor que de dictaturas e tanben la charia... Qu-es tòt.. Gauchistes o pas.


Valoriza aqueste comentari:   votar positiu 5   votar negatiu 0
Respondre comentari replica Comentari inadeqüat   Formulari d'abús de comentari

20 de març 14.40h

#2 Qu'ac èi hèit mes qu'èi sustot vist un clip de rap de 2010 e n'èi pas coprés gran causa a çò qui contava lo mossur...

Qu'ei bon rap parièr. Ei per'mor d'aquò qui'u conselhas o i a qauqu'arren mei?


Valoriza aqueste comentari:   votar positiu 2   votar negatiu 0
Respondre comentari replica Comentari inadeqüat   Formulari d'abús de comentari

20 de març 14.26h

#3 Ok ,l'article que sembla de's har lo relais de la comunicacion d'aqueth grop. Qu'ei plan interessant tot parièr!

Aqueth monde que combaten mantuas fòrmas de faishisme : DAech e l'estat sirian. Be's pòt qu'aja hèit préner conciéncia a hèra de monde de çò qu'ei la dominacion e deus dangèrs entà l'individù quand abdica lo son poder politic a un estat, dab o shens eleccions.

SAps, la Siria qu'ei un país en guèrra despuish 4 ans e las susmautas de 2011 qui mièn a aquera guèrra... Legir mai


Valoriza aqueste comentari:   votar positiu 6   votar negatiu 0
Respondre comentari replica Comentari inadeqüat   Formulari d'abús de comentari

20 de març 11.24h

Pff... Informacion orientada... Pensatz vertaderament quan n'an pas arren a minjar, e qu'an eras suas familhas massacradas que n'ajan pas sonque aquerò a fóter d'anar legir Proudhon o Weil ???!!
E eths gauchistes, doçament !!


Valoriza aqueste comentari:   votar positiu 4   votar negatiu 12
Respondre comentari replica Comentari inadeqüat   Formulari d'abús de comentari

20 de març 07.54h

Anatz pimar lo filmonet "Em Kurdin" dau rapaire Rezan sobre lo Youtube: https://www.youtube.com/watch?v=jWwqeBLhdBI).

(Pimar = 'gaitar en Auvernha-bassa).


Valoriza aqueste comentari:   votar positiu 4   votar negatiu 2
Respondre comentari replica Comentari inadeqüat   Formulari d'abús de comentari

20 de març 05.27h

Waw! Waw! Waw! 'Quo fa raibar! Na enclava anarquista-libertària en Orient Mejan! Auriái pas jamai esperat tan...


Valoriza aqueste comentari:   votar positiu 7   votar negatiu 3
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER2: 468x60 Aran TV

Editorial

Que pas res nos arrèste

“Òu, Union Europèa, calma-te. Torni dire: s’ensajas de qualificar nòstra operacion d’invasion, nòstre prètzfach es simple. Dobrirem las pòrtas ...
giny

Lo temps

Mapa
  • sol Agen 13
  • sol Aush 13
  • sol Bordèu 14
  • sol Briançon 8
  • sol Caors 13
  • sol Carcassona 11
  • sol Clarmont-Ferrand 14
  • sol Confolent 12
  • sol Gap 8
  • sol La Canau 14
  • sol La Gàrdia 13
  • sol Limòtges 13
  • sol Lo Borg Sant Dalmatz 11
  • sol Lo Puèi de Velai 13
  • sol Marselha 15
  • sol Montpelhièr 14
  • sol Naut Aran 9
  • sol Niça 14
  • sol Nimes 14
  • sol Pau 14
  • sol Peireguers 13
  • sol Rodés 13
  • sol Tolon 14
  • sol Tolosa 14
  • sol Valença 9

giny

giny

Vidèos

giny

Entrevista

giny

giny

publicitat

lateral 2 teveoc

Fotografias

  • Bordèu, bèla occitana de Gasconha. © Franc Bardòu

    Bordèu, bèla occitana de Gasconha

  • © Aure Séguier

    Carnaval Biarnés 2017

  • Eyes of Simurg 21/6/2017 a Tolosa. Fòto de Barthélémy Nadal

    Eyes Of Simurgh cantan en occitan a Tolosa per la fèsta de la musica 2017

  • © Laurenç Revèst

    Fòrt Maginòt de Sant Anhe

  • Val d'Aran, cap de Gasconha

  • Arle. © Carles Pino

    L'occitan per carrièras (concors de prima 2014)

  • © Conselh Generau d'Aran

    Lo Torn de França 2016 en Aran

  • © Laurenç Revèst

    Besièrs, preséncia d'occitan en ciutat e CIRDOC

  • Asuèlhs de Menerbés. © Franc Bardòu

    Asuèlhs de Menerbés

  • © Franc Bardòu

    Tresaurs andorrans

  • © Franc Bardòu

    Asuèlhs de Lauragués

  • Asuèlhs comengeses. © Franc Bardòu

    Asuèlhs Comengeses

  • Gavotina marítima: trofèu d'August e vila vielha d'A Torbia

  • Fòto de Pascau Sebat

    Cauma generau, Tolosa 5 de febrièr de 2018

  • © Zep Armentano

    Era Mongetada (Val d'Aran 28-29 d'octobre 2017)

  • © Laurenç Revèst

    Vista de Nimes, lengadociana per l'istòria, provençala per lo dialècte

  • Tardor de Tèrrafòrt

    Octòbre de 2012 en Tèrrafòrt de Galhac Tolzan

  • Revolums pegats a la branca dau desesper

    Meissonencas en Camarga pichòta

  • © Laurenç Revèst

    Fòrt Maginòt de Sant Anhe

  • Vista dal País Niçard e Alpenc. © Centre Cultural Occitan País Nissart e Alpenc

    Vista dal País Niçard e Alpenc

publicitat

LATERAL2 330x60: Casteth Paums



publicitat

LATERAL1 300X250: radio pais

Las mai...

publicitat

LATERAL1 300X250: radio pais

giny

Sondatge

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)