Bandièra01 1180x150: Comuna de Tolosa

Actualitats

L’Estat Islamic a revendicat l’atemptat en Tunisia

Nòu detenguts segon lo govèrn tunisian, dont quatre son acusats d’aver participat dirèctament a l’atac del musèu de Bardaw

En un enregistrament publicat sus Internet, l’Estat Islamic (Daish) a revendicat l’atemptat de dimècres a Tunis, al Musèu de Bardaw (Le Bardo), que faguèt vint e quatre mòrts. La polícia arrestèt ièr nòu individus, dont quatre son acusats d’i aver participat dirèctament, e los autres cinc de far partida de la cellula qu’auriá organizat l’atac, çò raportèt la BBC en citant de fonts governamentalas.
 
Lo primièr ministre, Habib As Sid (Habib Essid), faguèt publica l’identitat dels dos que la polícia tuèt: son Yassine Abidi e Hatem Karachnaoui.
 
 
Bernard Cazeneuve vesita Tunis
 
Lo ministre francés de l’interior, Bernard Cazeneuve, es anat uèi a Tunis per examinar la cooperacion antiterrorista entre Tunis e França. “Vòli que lo pòble tunisian comprenga que son en guèrra contra lo terrorisme”, çò diguèt Cazeneuve als mèdias abans de partir.
 
De son costat lo president de Tunisia, Baji Qaid As Sabsi (Beji Caid Essebsi), assegurèt dimècres a la television “al pòble tunisian [...] qu’aqueles traites serián anequelits”.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc mallorca
1.

Es l'Arabia Saudita que subvencionan a aquesta colha folha d' extrema dreta e ultra integrista, e ho fa per fotre a l'esquerra dels païses musulmans. E darrier d'Arabia hi ha los ianiss una altra tropa molt plus potenta que vol domina lo mond. Los ianiss son pas una secta secreta, cresi que ho sabrets comprene lo que voli dire un poc camuflat.

  • 0
  • 1

Escriu un comentari sus aqueste article