Actualitats
Eleccions departamentalas, ont se pòt votar per l’occitan?
Vos listam qualques endreches del país ont es possible de votar per una lista que prenga en compte la lenga e la cultura occitanas
Se debana deman lo primièr torn de l’eleccion departamentala en França tota. Aquela eleccion, en vertut del cambiament de la lei realizat en 2013, adòpta qualques cambiaments a respècte de las eleccions precedentas. Se causirà la totalitat dels conselhièrs departamentals e lor mandat serà per sièis ans. L’eleccion cantonala s’atròba suprimida e los nòus conselhs seràn de conselhs departamentals, e pas pus generals coma fins ara. En consequéncia, se vei ja que i a pas tròp de cambiaments e qu’es solament una question de maquilhatge.
Dins qualques cantons d’Occitània se presentan de listas amb mai o mens d’engatjament per la lenga e la cultura del país. E mai se, de segur, ne desmembrarem qualques unes, vos listam los endreches del país ont es possible de votar per qualque lista occitanista.
Bastir
Se presenta de listas electoralas labelizadas Bastir, amb de candidats del Partit Occitan, EELV, Éco-citoyen, UDI e Orange Autrement, dins los cantons d’Albi (País d’Albi), Astarac-Gimona (Astarac), Aurenja (Comtat Venaicin), Aush (País d’Aush), Bègla (Grava), Carmauç (Segalar), Castras (Castrés), Frespuèg (Sèrras d’Agenés), l’Isla de Baish (Savés), Plasença de Toish (Gasconha Tolosana), Sant Ostian (Velai), Talença (Grava), Vic de Cera (Carladés) e Vilanuèva d’Òlt (Naut Agenés).
País Nòstre
Dins lo departament d’Aude, lo movement País Nòstre a capitat que 15 candidats signen una carta amb dètz engatjaments per la promocion de la lenga e la cultura occitanas. Aqueles candidats son labelizats País Nòstre e se pòt votar per eles dins 12 cantons d’aquel departament.
Entà Savés
Al país de Savés, al canton de Vath de Sava, se presenta la candidatura Entà Savés [Entau Savés] del grop nomenat Liures e Independents entà Gers. E mai s’o avián demandat, lo comitat de pilotatge de Bastir lor a enebit d’emplegar l’etiqueta “Bastir” dins lor comunicacion.
Lo Front d’Esquèrra a Aush (“Front de G’Auch”)
A Aush, los militants e candidats de l’Alternativa “Front de G’Auch” (es un jòc de mots en francés entre “Front d’Esquèrra” e “Aush”) se presentan coma alternativa d’esquèrra amb un programa que ten en compte l’occitan. Ne parlèt sus Ràdio Occitània lo candidat Joan-Miquèu Espinasse.
Dins qualques cantons d’Occitània se presentan de listas amb mai o mens d’engatjament per la lenga e la cultura del país. E mai se, de segur, ne desmembrarem qualques unes, vos listam los endreches del país ont es possible de votar per qualque lista occitanista.
Bastir
Se presenta de listas electoralas labelizadas Bastir, amb de candidats del Partit Occitan, EELV, Éco-citoyen, UDI e Orange Autrement, dins los cantons d’Albi (País d’Albi), Astarac-Gimona (Astarac), Aurenja (Comtat Venaicin), Aush (País d’Aush), Bègla (Grava), Carmauç (Segalar), Castras (Castrés), Frespuèg (Sèrras d’Agenés), l’Isla de Baish (Savés), Plasença de Toish (Gasconha Tolosana), Sant Ostian (Velai), Talença (Grava), Vic de Cera (Carladés) e Vilanuèva d’Òlt (Naut Agenés).
País Nòstre
Dins lo departament d’Aude, lo movement País Nòstre a capitat que 15 candidats signen una carta amb dètz engatjaments per la promocion de la lenga e la cultura occitanas. Aqueles candidats son labelizats País Nòstre e se pòt votar per eles dins 12 cantons d’aquel departament.
Entà Savés
Al país de Savés, al canton de Vath de Sava, se presenta la candidatura Entà Savés [Entau Savés] del grop nomenat Liures e Independents entà Gers. E mai s’o avián demandat, lo comitat de pilotatge de Bastir lor a enebit d’emplegar l’etiqueta “Bastir” dins lor comunicacion.
Lo Front d’Esquèrra a Aush (“Front de G’Auch”)
A Aush, los militants e candidats de l’Alternativa “Front de G’Auch” (es un jòc de mots en francés entre “Front d’Esquèrra” e “Aush”) se presentan coma alternativa d’esquèrra amb un programa que ten en compte l’occitan. Ne parlèt sus Ràdio Occitània lo candidat Joan-Miquèu Espinasse.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
a Oh my god Lo "Parti de Gauche" non ei pas qu'ua compausanta deu Front d'Equèrra e la pausicion de Melenchon, non ei pas la pausicion majoritaria. Avans d'ester balhaire de leçon, avètz vistz lo tribalh qu'avèm hèit ? Avètz espiat la realitat deu noste programe ? E vos qu'avètz hèit de maravilhos per poder balhar tant de leçons ? La nosta tòca non ei pas de cambiar lo "Parti de Gauche" mès de hèr locaument ua politica d'equèrra veratdèra on l'occitan a tota la sua plaça. Las militants e miltant locaus deu "Parti de Gauche" qu'an comprès e validadat las nostas proposicions e lo noste programe per l'occitan. Qu'i avèm capitat, la seguida que l'avèm a bastir.
Adixatz que volevi diser ua causa , a nosta en Gasconha que disem en planha Biarnesa o Bigordana entau pais en montanha antath pais e diser per pais aquerò n'ei pas de nosta pormor en Gascon coma en Castelhan que i a duas preposicions ua entath but e ua entara causa çò qui n'etsita pas en lengadocion A+
#17 Se vos hèr plaser d'ac creire...
Après, qu'ei çò de mèma, quitament se jo, sabi que cau diser "esquèrra", enteni a cada còp diser "gaucha" dins lo parlat espontanèu de Savés. Qu'ac podèm regretar, mès atau qu'ei.
#16 Vòstre argument es pas seriós. I a encara un fum de parlants natius de l'occitan qu'evitan l'article davant los noms de país. N'i a fòrça atestacions dins l'usatge actual, tanben dins l'usatge parlat espontanèu. Lo parçan de Savés fa pas excepcion.
#14 En occitan de bona qualitat, cau diser "Per Savés".
Après, los estatjans de Savés que parlan "lo patoès" mès que son, fin finala, locutors naturaus, quitament se saben pas parlar "de bona qualitat" disen en lenga mairala... "Entau Savés".
L'eslogan s'adreça aus locutors naturaus, pas aus qui son assabentats deu bon biais de parlar occitan ;)
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari