CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Dissabte, 21 de setembre

Actualitats

Diluns, 23 de març de 2015, 03h00 Societat,Politica

Lengadòc > Lengadòc Naut > País d'Òlmes

A Montsegur an remembrat las victimas de la crosada

771 ans après lo masèl, lo Prat dels Cremats a aculhit un an de mai un omenatge als “bons òmes” tuats per l’armada francesa


Comentaris 7 comentaris    
Marrit Flac Bon Plan bon Fabulós (2 vòtes)
carregant En cargar


Malgrat la pluèja e quitament la nèu, un bon quarantenat de personas vengudas de pertot del país se son amassadas aqueste dimenge passat, a 11h, al Prat dels Cremats de Montsegur, al pè del darrièr castèl ont resistiguèron los catars, al País d’Òlmes. Convocats per l’associacion ciutadana foissenca Occitània e Libertat, an fach una commemoracion de remembre de las victimas de la guèrra de 1209-1244, quand l’armada francesa, amb lo sosten del Vatican, envasiguèt “una partida màger d’Occitània jol pretèxt de combatre una eretgia religiosa”.
 
 
Nòu meses de resisténcia
 
Lo castèl de Montsegur resistiguèt al sètge de l’armada francesa pendent nòu meses, del mes de mai de 1243 enlà. Après sa reddicion, aperaquí 210 personas foguèron cremadas dins un grand lenhièr lo 16 de març de 1244. Uèi, al Prat dels Cremats, i a una estèla commemorativa dedicada a aquelas victimas: “Als catars, als martirs del pur amor crestian”.
 
Montsegur venguèt refugi de la glèisa catara e de mantes autres lengadocians faidits e resistents a la crosada francesa. De fach, al començament del sègle XIII, la comunautat catara de Lengadòc aviá ja demandat a Ramon de Perelha, senhor de Montsegur, de preparar lo castèl per defendre los “bons òmes”, s’aquela guèrra anava mal. E foguèt lo cas.
 
 
La Crosada Albigesa
 
En 1208, près d’Arle, foguèt assassinat Pèire de Castèlnòu, lo legat del papa Innocenci III, çò qu’inicièt la Crosada Albigesa, fach que l’armada francesa aprofechèt puèi per dirigir e aital envasir aquela partida del territòri occitan. Amb lo masèl de Besièrs, ont l’armada dels crosats tuèt 20 000 personas, comencèt una seguida de tragics eveniments que devastèt Lengadòc pendent mai de 30 ans.
 
 
Lo sètge de Montsegur
 
La nuèch del 28 de mai de 1242, un grop de faidits venguts de Montsegur tuèron a Avinhonet (Lauragués) onze inquisitors. Es alavetz que la colèra del papa obliguèt lo rei de França de començar lo sètge d’aquel castèl, qu’èra ja lo darrièr reduch de resisténcia.
 
Lo sètge comencèt en mai de 1243 e dètz meses puèi s’inicièron las negociacions que menèron a la reddicion de Montsegur. Las condicions de l’armada francesa èran claras: lo qu’abjurèsse pas lo catarisme moririá sul lenhièr. Demest los mai de 200 catars que moriguèron cremats, i aviá Esclarmonda, la femna del senhor del castèl Raimon de Perelha, e mai i aviá sa filha.
 
Segon la legenda, dins los quinze jorns de trèva entre la reddicion del castèl e l’execucion dels 200 darrièrs catars occitans, s’amaguèt lo tresaur de Montsegur, qu’es pas jamai estat trobat.
 
Après aquela desfacha, Montsegur passèt a èsser proprietat de Guy de Lévis, ancian companh de Simon de Montfòrt, lo nòble francés cap de la Crosada, responsable del chaple de Besièrs, venceire de la Batalha de Murèth. Montfòrt menèt a l’ocupacion per la noblesa francesa d’una partida bèla d’Occitània e foguèt lo protagonista principal e mai lo menaire d’aquela guèrra caracterizada per una granda cruseltat. Moriguèt durant lo sètge de Tolosa en 1218.



publicitat
BANER1-2-3: DGPL TRADUCTOR



Comentaris

28 de març 10.35h

Montsegur, Barcelona 1714. Molts han caigut, però serveix per apendre i fer-nos mès forts.
Si, pensem ells, és sacrificaren pel País, i en les coses en que creïem, i això dona mès forces per seguir endavant, i no defallir, i fer que creguem mès fermament en la nostre causa.
Sempre, els portrem a dins i el nostre record els fara sempre vius.
"Tàrrega".


Valoriza aqueste comentari:   votar positiu 0   votar negatiu 0
Respondre comentari replica Comentari inadeqüat   Formulari d'abús de comentari

28 de març 10.27h


Valoriza aqueste comentari:   votar positiu 0   votar negatiu 0
Respondre comentari replica Comentari inadeqüat   Formulari d'abús de comentari

25 de març 15.00h

Los dos darrièrs castèls occitans a resistir a l'invasion francesa foguèron Pena d'Albigés, e Queribus, a la termièra de Perapertusés e de Fenolhedés. Montsegur tombèt dètz ans abans Queribus, que foguèt prés per amor qu'Olivièr de Terme, passat al camp francés, traïguèt son companhon d'armas, l'eroïc Chatbert de Barbeiran. Fa que après 1255, demorèt sonque lo castèl fantastic de Pena d'Albigés per resistir a l'Estat Integrista Catolic francés en Occitania… Mas aquò lèv... Legir mai


Valoriza aqueste comentari:   votar positiu 0   votar negatiu 0
Respondre comentari replica Comentari inadeqüat   Formulari d'abús de comentari

24 de març 17.06h

#3 Es efectivament çò qu'es escrich dins "la cançon de la crosada". Mai qu'una fonda, seriá la pèira tirada per un peirièr, servit per las femnas de Tolosa. Aqueste episòdi es représ per de nombrosas òbras posterioras (pintrura de la sala dels illustres al Capitòli, per exemple). Avèm pas mai de certitud. Personalament, me soi totjorn demandat se i aviá pas un resson biblic a aquò... mas soi pas brica especialista.


Valoriza aqueste comentari:   votar positiu 1   votar negatiu 0
Respondre comentari replica Comentari inadeqüat   Formulari d'abús de comentari

24 de març 13.41h

He llegit que Simó de Montfort, fou mort d'un tret de fona per una donzella. Què hi ha de cert?


Valoriza aqueste comentari:   votar positiu 1   votar negatiu 0
Respondre comentari replica Comentari inadeqüat   Formulari d'abús de comentari

24 de març 00.02h

Òc ben Manu, èran montanhòus gascons qui hasón trantolar lo Pog. Gascons, n'i avèva dens los dus camps. Se los agressors d'Avinhonet n'estón pas mei inquietats qu'aquò, bensai que netegèn un terren qu'una autoritat eclesiatica (complasenta) s'afanè d'aucupar ?


Valoriza aqueste comentari:   votar positiu 1   votar negatiu 0
Respondre comentari replica Comentari inadeqüat   Formulari d'abús de comentari

23 de març 09.40h

Un bon resumit de l'afar de Montsegur.
Qualques precisions :
-Se l'armada qu'assegèt Monsegur èra francesa (dirigida pel representant del rei), los soldats èran mai que mai d'occitans, mai o mens forçat de servir. Son de gascons que prenguèron pè, de nuèch, sul puèg de Montsegur, per exemple.
-Montsegur passèt plan a la familha Lévis, mas pas al companh de Simon de Montfòrt. I a dos Guy de Lévis : Guy I, lo paire, vassal de Montfòrt, que moriguèt en 1233 (abans Montsegur donc) e ... Legir mai


Valoriza aqueste comentari:   votar positiu 5   votar negatiu 1
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL TRADUCTOR

Editorial

Lo jornalisme fa son trabalh

Lo 15 de mai passat, vesitàvem lo licèu Pierre et Marie Curie de Menton. Voliam far un pichon reportatge amb los liceans de la classa d’occitan per nòstra emission #aranésòc ...
giny

Lo temps

Mapa
  • sol Agen 28
  • sol Aush 27
  • sol Bordèu 28
  • sol Briançon 19
  • sol Caors 27
  • sol Carcassona 21
  • sol Clarmont-Ferrand 28
  • sol Confolent 23
  • sol Gap 18
  • sol La Canau 29
  • sol La Gàrdia 27
  • sol Limòtges 27
  • sol Lo Borg Sant Dalmatz 19
  • sol Lo Puèi de Velai 22
  • sol Marselha 19
  • sol Montpelhièr 20
  • sol Naut Aran 23
  • sol Niça 21
  • sol Nimes 21
  • sol Pau 25
  • sol Peireguers 29
  • sol Rodés 27
  • sol Tolon 28
  • sol Tolosa 26
  • sol Valença 24

giny

giny

Vidèos

giny

Entrevista

“Volèm recobrar la fiertat d’èsser catalans”

Jordi Riba president de l’Associacion Culturala Vibrant

“Volèm recobrar la fiertat d’èsser catalans”
giny

giny

publicitat

lateral 2 teveoc

Fotografias

  • Gavotina maritima - Sant Anhe, vilatge sus una pena. © Laurenç Revest

    Gavotina maritima - Sant Anhe

  • © Franc Bardòu

    Tèrra albigesa

  • © Laurenç Revèst

    Dau castèu de Grimaud

  • © Laurenç Revèst

    Dau castèu de Grimaud

  • Irissa: prumèra edicion dera corsa populara de BTT

  • Valadas. © Xavi Gutiérrez Riu

    Valadas

  • Hug de la Rosa

    Manifestacion "Er aranés, era nòsta identitat". Vielha 24 de març 2018

  • Uvernada Lou Dalfin 2012. ©  Cristòl Daurore

    Uvernada Lou Dalfin 2012

  • Gavotina marítima: trofèu d'August e vila vielha d'A Torbia

  • © Laurenç Revèst

    La botiga de Macarèl a Sant Joan de Vedats (Montpelhierenc)

  • ©  LR

    Mostier e òrts de Cimiés, antica ciutat de Cemenelum, actualament quartier de Niça

  • 'O pan de Natale monegasco ('o pan de Calenei de Mónego). © Aigolf Joan

    Concors de Nadal de Jornalet: Cossí se passan las Calendas en cò vòstre?

  • Exposicion temporària sus Robèrt Lafont al CIRDOC (D.R.)

  • Agaits occitans sus Barcelona. © Franc Bardòu

    Agaits occitans sus Barcelona

  • Omenatge a Aragon. © Franc Bardòu

    Omenatge a Aragon

  • La Primada de Montsegur 2013. © Bruno Sapena

    La Primada de Montsegur 2013

  • © Laurenç Revèst

    Cavairac (Costièra de Nimes)

  • © Aure Séguier

    Carnaval Biarnés 2017

  • © Laurenç Revèst

    De las charrièiras de Genolhac (500 m. d'altitud) al bèlvéser de las Bosedas (1235 m.)

  • Joaquim Blasco (Catalonha Nòrd)

    Concors de preseps de Jornalet 2016

publicitat

lateral 2 teveoc



publicitat

LATERAL1 300X250: sapiéncia

Las mai...

publicitat

LATERAL1 300X250: radio pais

giny

Sondatge

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)