CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Dimenge, 22 de setembre

Actualitats

Dimars, 24 de març de 2015, 03h00 Cultura

Lengadòc > Lengadòc Bas > Besierés

Un novèl festenal occitan en Besierés

La creacion occitana serà a l’onor dins l’aglomeracion Besièrs-Mediterranèa


Comentaris 4 comentaris    
Marrit Flac Bon Plan bon Fabulós (5 vòtes)
carregant En cargar


Frederic Lacas es lo novèl president de l’Aglomeracion Besièrs-Mediterranèa que compta tretze comunas entre mar e vinha. La collectivitat territoriala s’apièja sus la competéncia en torisme e son estructura, que lo dison l’OTCBM, per desvolopar una manifestacion novèla que met en lutz la cultura occitana. Es lo cantaire lengadocian Joanda qu’es encargat de la direccion e de l’aviament d’aquel novèl eveniment occitan. “Lo país de Besierés es un espaci qu’a un pè dins la Mar Mediterranèa e a l’encòp un pè dins las planas viticòlas. Çò que fedèra aqueste airal geografic es tot çò que lo liga a sa cultura occitana qu’es inerenta al territòri”, çò explica Joanda.
 
A recampat a son entorn de personal per assegurar la logistica, lo secretariat, lo seguiment artistic, la règia generala e tot çò necite per assegurar aqueste eveniment popular e festiu. “Los programas qu’installi se passan per las dotze comunas de l’aglomeracion, levat la vila de Besièrs ont interveni pas, que mon accion es definida per se debanar unicament dins las comunas qu’enròdan Besièrs. La mira es d’obrar en favor del desvolopament de marcadors culturals occitans qu’identifiquen las vilas de l’aglomeracion a destinacion dels toristas especialament, ja que la linha budgetària es aquela de la competéncia en torisme. Ai pres rendètz-vos amb cada cònsol e mai amb totas las fòrças vivas de cada comuna que son las associacions, los fogals rurals, los clubs esportius, las mediatècas, las estructuras publicas, per obrar ensems en sinergia.” 
 
Aital, pendent los meses d’abril, mai, junh, setembre e octòbre, es tota una programacion artistica occitana que recamparà los artistas e lo public a l’entorn de concèrts e cançons, balètis, contes, literatura, teatre, espòrts, jòcs, animals totemics, mercat occitan, estands culturals, especialitats culinàrias, rescontres…
 
Una programacion diversificada, de grand public e de varietat que se pòt adreiçar a un public de proximitat o europèu que ven del nòrd d’Euròpa, d’Itàlia o d’Espanha, dins una region qu’es una de las mai toristicas. La còla de programacion ditz qu’es pas totjorn aisit “de trapar pro de formacions occitanas que son en capacitat de prepausar d’espectacles artistics de varietat. I a una manca a aquel nivèl mas vesèm dempuèi qualque temps d’artistas que començan de seguir aquesta dralha artistica.”
 
Las primièras programacions se faràn tre lo 4 d’abril de 2015 per se clavar lo 24 d’octòbre. Es una manifestacion novèla que serà gratuita, dobèrta a totòm e especialament als 110 000 estatjants de Besièrs-Mediterranèa e fòrça mai en periòde toristic. Lo programa serà disponible sul sit de l’Ofici de Torisme de l’Aglomeracion.
 
 
 
 
LOP



publicitat
BANER1-2-3: DGPL AN LAFONT



Comentaris

25 de març 15.06h

#3 i caldrà pensar


Valoriza aqueste comentari:   votar positiu 0   votar negatiu 0
Respondre comentari replica Comentari inadeqüat   Formulari d'abús de comentari

24 de març 08.18h

Ocupat per lo FN? Alara caldrà mudar lo Cirdoc, Aprene e lo Cfpo dins los vilatges de l'entorn tanben?


Valoriza aqueste comentari:   votar positiu 2   votar negatiu 0
Respondre comentari replica Comentari inadeqüat   Formulari d'abús de comentari

24 de març 07.19h

#1 Sabes pas que Besièrs es ocupat?


Valoriza aqueste comentari:   votar positiu 5   votar negatiu 0
Respondre comentari replica Comentari inadeqüat   Formulari d'abús de comentari

24 de març 06.49h

Perqué tot a l'entorn de Besièrs mas pas a Besièrs?


Valoriza aqueste comentari:   votar positiu 2   votar negatiu 0
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER 3 teveoc

Editorial

Jornalet en papièr: la seguida

Dijòus passat a Carcassona, la còla de Jornalet anoncièrem l'intencion de tornar publicar una revista en papièr per l'an 2020. Nòstra idèa es de publicar ...
giny

Lo temps

Mapa
  • sol Agen 15
  • sol Aush 16
  • sol Bordèu 16
  • sol Briançon 13
  • sol Caors 14
  • sol Carcassona 17
  • sol Clarmont-Ferrand 13
  • sol Confolent 14
  • sol Gap 9
  • sol La Canau 17
  • sol La Gàrdia 23
  • sol Limòtges 14
  • sol Lo Borg Sant Dalmatz 14
  • sol Lo Puèi de Velai 13
  • sol Marselha 20
  • sol Montpelhièr 18
  • sol Naut Aran 14
  • sol Niça 19
  • sol Nimes 18
  • sol Pau 16
  • sol Peireguers 14
  • sol Rodés 16
  • sol Tolon 16
  • sol Tolosa 16
  • sol Valença 15

giny

giny

Vidèos

giny

Entrevista

“Volèm recobrar la fiertat d’èsser catalans”

Jordi Riba president de l’Associacion Culturala Vibrant

“Volèm recobrar la fiertat d’èsser catalans”
giny

giny

publicitat

lateral 2 teveoc

Fotografias

  • Clarençac, 40en anniversari dau club taurin Paul Ricard "L'Escapaire" (07/06/2015): rossetalha, abrivada e bandida en cèucle dins lei dogas

  • D.R.

    Tren e occitan

  • © Franc Bardòu

    Asuèlhs de Lauragués

  • Zep Armentano

    25au Corsa Aran per sa Lengua

  • © Marion Quenut

    Jornada de protèsta contra lo barratge del Testet, a Sivens

  • Asuèlhs comengeses. © Franc Bardòu

    Asuèlhs Comengeses

  • © Laurenç Revèst

    Via de Buelh a Pèunas a Valberg fins a Sant Laugier

  • © Laurenç Revèst

    Dins lei paluns de Camarga, la Torre Carbonièira e Aigas-Mòrtas

  • © Alzear Bofièr

    Estúdios de Ràdio Lenga d'Òc a Montpelhièr. © Alzear Bofièr

  • Eyes of Simurg 21/6/2017 a Tolosa. Fòto de Barthélémy Nadal

    Eyes Of Simurgh cantan en occitan a Tolosa per la fèsta de la musica 2017

  • Omenatge a Aragon. © Franc Bardòu

    Omenatge a Aragon

  • Exposicion temporària sus Robèrt Lafont al CIRDOC (D.R.)

  • © Laurenç Revèst

    Toponims occitan en Li Bergueas, Li Novenas (vilars de Pelhon): valaia dal Palhon de Pelha

  • © Salça Morena

    Passeaia nucleària dal Prat (vilar de Sant Dalmaç lo selvatge) a Sant Dalmaç en passar per las baissas de Boneta e de Motiera (auta valaa de Tiniá)

  • © Salça Morena

    Passeaia nucleària dal Prat (vilar de Sant Dalmaç lo selvatge) a Sant Dalmaç en passar per las baissas de Boneta e de Motiera (auta valaa de Tiniá)

  • Ciutat de Blaia: al país de l'amor de lonh

  • Ferriòl Macip

    Manifestacion Anem Òc! per la lenga occitana. Montpelhièr 24 d'octòbre de 2015

  • Tardor dins lo País de Saut lengadocian. © Terric Lausa

    Tardor dins lo País de Saut lengadocian

  • Julien Cazenave

    17.02.2019: manifestacion a Brussèlas en sosten als independentistas catalans

  • © Laurenç Revèst

    La botiga de Macarèl a Sant Joan de Vedats (Montpelhierenc)

publicitat

LATERAL2 330x60: Casteth Paums



publicitat

LATERAL1 300X250: sapiéncia

Las mai...

publicitat

LATERAL1 300X250: radio pais

giny

Sondatge

Tornariás sosténer una edicion de Jornalet en papièr en 2020?


59%



28%



13%




Vots 32 vòtes

comentaris 0

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)