Bandièra01 1180x150: Comuna de Tolosa

Actualitats

crotz-tolosaCreated with Sketch.ProvençaProvençaVencenc

La justícia a absolgut Christian Iacono del violament de son felen

Après 15 ans de procès, an declarat innocent l’èx-cònsol de Vença en considerant que la sospechada victima en 2011 se retractèt e diguèt qu’o aviá tot inventat

L’èx-cònsol de Vença, Christian Iacono, foguèt absolgut dimècres passat pel tribunal que lo jutgèt a Lion (Arpitània). Iacono èra acusat d’aver violat son felen Gabriel, dins un procès que comencèt en 2000 mas qu’en 2011 faguèt un virament espectaclós: Gabriel se retractèt e diguèt qu’o aviá tot inventat.
 
Après tres oras de deliberacion, los jurats seguiguèron pas l’avocat general que se disiá convencut de la culpabilitat de Christian Iacono malgrat las retractacions de Gabriel. Lo magitrat convidèt los jurats a se fargar lor vejaire pròpri en reclamant pas cap de pena. Dimècres de matin, la defensa de Christian Iacono “supliquèt” la cort de “restituir son onor” en lo declarant “innocent”.
 
Christian Iacono e son filh Philippe avián de relacions tibadas e se pelegèron per l’educacion del pus pichon, Gabriel, filh de Philippe. Christian considerava que Philippe èra tròp dur amb lo pichon. Quand Gabriel aguèt 9 ans, acusèt son papet de l’aver violat. Dempuèi lo moment de son arrestacion, Christian Iacono clamava son innocéncia.
 
Gabriel Iacono aviá mantengut pendent 11 ans aperaquí l’acusacion contra son papet, Christian, que ditz qu’aquò es lo signe que lo pichon èra manipulat per son paire Philippe. Uèi los tres òmes se parlan pas pus.


Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Pirolet
1.

Un cas per donar rason al Gide de: "Familhas, vos asiri!"

  • 0
  • 0

Escriu un comentari sus aqueste article