CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Diluns, 16 de setembre

Actualitats

Dimars, 10 de julhet de 2012, 03h00 Societat,Politica,Lenga

Lengadòc > Lengadòc Bas > Montpelhierenc

La Cort Administrativa d’Apelacion de Marselha valida los panèls en occitan de Vilanòva de Magalona


Comentaris 8 comentaris    
Marrit Flac Bon Plan bon Fabulós (14 vòtes)
carregant En cargar


La Cort Administrativa d’Apelacion de Marselha a anullat la decision del Tribunal Administratiu de Montpelhièr, del 12 d’octòbre de 2010, qu'obligava la Comuna de Vilanòva de Magalona de retirar abans dos meses los panèls d’intrada de la vila qu'èran escriches en occitan, just jos los panèls en francés. La decision respondiá a la denóncia presentada per un nomenat Movement Republican de Salvacion Publica, erigit coma salvaire de las esséncias jacobinas, contra la decision presa pel cònsol Noël Ségura. Lo municipi presentèt un recors contra aquela decision e ara la senténcia es estada publicada.


Segon la Cort Administrativa d’Apelacion de Marselha, lo plaçatge de panèls en occitan a Vilanòva de Magalona alebèt pas cap de lei ni cap de drech de degun, en començant per l’omnipresent article 2 de la Constitucion Francesa. En mai d’aquò, aquel organisme remembra que la lei prevei, quitament, la traduccion de panèls estradièrs vèrs de lengas estrangièras, çò que compren, solide, las lengas regionalas. E, al delà, fa tombar sens cap de contemplacion lo principal argument del Movement Republican de Salvacion Publica: segon la Cort, s'es pas demostrat que lo panèl en occitan poguèsse èsser un motiu d’inseguretat estradièra.
 
Dins aquel sens, la Cort condemna lo Movement Republican de Salvacion Publica a pagar 2000 èuros a la comuna de Vilanòva de Magalona en vertut de l’article L.761-1 del Còde de Justícia Administrativa. En consequéncia, Robert Hadjadj, president d’aquel gropuscul jacobin, que ditz que defend las valors de la Revolucion Francesa, es estat desfach publicament per la justícia francesa e los sieus paures arguments son estats tombats sens cap de contemplacion. Cal remembrar que, dins la siá lamentabla argumentacion, Hadjadj exclamava que l’accent grèu sus la letra “o” de Vilanòva de Magalona “existís pas en francés”, çò que pòt far a pensar qu'aquel òme a pas jamai comprés que, justament, s'agís d'un panèl qu'es pas escrich en francés, mas en occitan.
 
Es de soslinhar que la senténcia, dins la siá argumentacion, fa referéncia a l’article 75.1 de la Constitucion Francesa, disent que “las lengas regionalas apertenon al patrimòni de França”. Dins aquel sens, en mai d’aquò, s’especifica que i a divèrsas senténcias e decisions, qualques unas del quite Conselh Constitucional, que dison clarament que las leis que priorizan lo francés “an pas per tòca la proïbicion de l’usatge de las traduccions se l'emplec de la lenga francesa es garentit”.

La decision, al delà de l'importància locala, e al delà d'èsser un succès politic e personal pel cònsol Ségura, es un senhal indubitable de la legalitat de la senhalizacion bilingüa pertot en Occitània e tanplan dins los autres territòris nacionals jos administracion francesa. Es tanben, en consequéncia, un senhal per aqueles que vòlon non solament priorizar la lenga francesa, mas liquidar per totjorn las mal apeladas lengas regionalas.



publicitat
BANER1-2-3: DGPL AN LAFONT



Comentaris

11 de julhet 14.17h

Lo contengut d'aqueste comentari es amagat perque los legeires l'an considerat inapropriat
Mòstra-lo


Valoriza aqueste comentari:   votar positiu 0   votar negatiu 0
Respondre comentari replica Comentari inadeqüat   Formulari d'abús de comentari

10 de julhet 15.10h

Atau qu'ei e qu'ei atau. Loveless qu'as arrason! Es messatges de Jacme son complètament incomprensibles#7


Valoriza aqueste comentari:   votar positiu 9   votar negatiu 0
Respondre comentari replica Comentari inadeqüat   Formulari d'abús de comentari

10 de julhet 14.37h

#3 Jacme de Tolosa, tos messatges son incomprensibles.


Valoriza aqueste comentari:   votar positiu 8   votar negatiu 2
Respondre comentari replica Comentari inadeqüat   Formulari d'abús de comentari

10 de julhet 14.21h

#4 En occitan, l'usatge preferís la racina d'origina populara amb una sola "l" dins aquela familha de mots ("apelar" > "apelacion"; en gascon: "aperar" + "apelacion").


Valoriza aqueste comentari:   votar positiu 4   votar negatiu 2
Respondre comentari replica Comentari inadeqüat   Formulari d'abús de comentari

10 de julhet 12.14h

#4 Nani mossur. Lo CLO ne preconiza una


Valoriza aqueste comentari:   votar positiu 6   votar negatiu 1
Respondre comentari replica Comentari inadeqüat   Formulari d'abús de comentari

10 de julhet 11.49h

"Apellacion" prend doas L perque es un cultisme, parallel al catalan "apellar" (popular) / "apel·lar, apel·lació" (culte)


Valoriza aqueste comentari:   votar positiu 1   votar negatiu 8
Respondre comentari replica Comentari inadeqüat   Formulari d'abús de comentari

10 de julhet 09.37h

E ara la signaletica occitana pertot e per tot lo monde, perqué ? Perqué Occitània es mal ortografiada !
Quora auràn un sol panèu per las dintradas de las vilas d'Occitània e dins la lenga del país, l'occitan ?


Valoriza aqueste comentari:   votar positiu 1   votar negatiu 6
Respondre comentari replica Comentari inadeqüat   Formulari d'abús de comentari

10 de julhet 09.09h

# "lo panèl en occitan poguèsse èsser un motiu d’inseguretat estradièra."

A, l'inseguretat... ! Aprèp las còlas de joves, los "estrangièrs", l'emplec, ara los panèls en occitan. Cal pas s'estonar puèi qu'amb aquel sentit Vilanòva-de-Magalona balhe a Marine Le Pen son escòre mai bèl dins l'Agglo de Montpelhièr a las darrièras presidencialas :

http://www.lemonde.fr/resultats-election-presidentielle/villeneuve-les-maguelone,34750/


Valoriza aqueste comentari:   votar positiu 5   votar negatiu 0
Respondre comentari replica Comentari inadeqüat   Formulari d'abús de comentari

10 de julhet 08.13h

E ara, de panèls en occitan pertot ?


Valoriza aqueste comentari:   votar positiu 16   votar negatiu 3
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL AN LAFONT

Editorial

Lo jornalisme fa son trabalh

Lo 15 de mai passat, vesitàvem lo licèu Pierre et Marie Curie de Menton. Voliam far un pichon reportatge amb los liceans de la classa d’occitan per nòstra emission #aranésòc ...
giny

Lo temps

Mapa
  • sol Agen 21
  • sol Aush 19
  • sol Bordèu 20
  • sol Briançon 16
  • sol Caors 19
  • sol Carcassona 17
  • sol Clarmont-Ferrand 18
  • sol Confolent 18
  • sol Gap 14
  • sol La Canau 20
  • sol La Gàrdia 18
  • sol Limòtges 20
  • sol Lo Borg Sant Dalmatz 18
  • sol Lo Puèi de Velai 17
  • sol Marselha 20
  • sol Montpelhièr 18
  • sol Naut Aran 17
  • sol Niça 20
  • sol Nimes 18
  • sol Pau 18
  • sol Peireguers 19
  • sol Rodés 20
  • sol Tolon 20
  • sol Tolosa 18
  • sol Valença 18

giny

giny

Vidèos

giny

Entrevista

“Volèm recobrar la fiertat d’èsser catalans”

Jordi Riba president de l’Associacion Culturala Vibrant

“Volèm recobrar la fiertat d’èsser catalans”
giny

giny

publicitat

lateral 2 teveoc

Fotografias

  • Castelar

  • © Laurenç Revèst

    Menton, 'a vivaroalpenca maritima

  • Omenatge a Aragon. © Franc Bardòu

    Omenatge a Aragon

  • Manifestacion Anem Òc, Tolosa 31 de març 2012. © Cecília Hautefeuille

    Manifestacion Anem Òc, Tolosa 31 de març 2012

  • Besièrs. © Melanie Laupies

    Besièrs

  • © Franc Bardòu

    Asuèlhs de Lauragués

  • Gavotina marítima: trofèu d'August e vila vielha d'A Torbia

  • Clarençac, 40en anniversari dau club taurin Paul Ricard "L'Escapaire" (07/06/2015): rossetalha, abrivada e bandida en cèucle dins lei dogas

  • © Aure Séguier

    Carnaval Biarnés 2017

  • © Franc Bardòu

    Catalonha etèrna

  • © Laurenç Revèst

    Dins lei paluns de Camarga, la Torre Carbonièira e Aigas-Mòrtas

  • Eyes of Simurg 21/6/2017 a Tolosa. Fòto de Barthélémy Nadal

    Eyes Of Simurgh cantan en occitan a Tolosa per la fèsta de la musica 2017

  • Gavotina marítima: trofèu d'August e vila vielha d'A Torbia

  • © Manel Armengol

    Presentacion deth roman Òc a Barcelona en ocasion dera Hèsta d'Aran

  • © Laurenç Revèst

    Montpelhièr: inauguracion de la granda exposicion patrimoniala "Max Roquèta, la libertat de l'imaginari"

  • La Primada de Montsegur, 17 de març 2012

    Primada de Montsegur, 17 de de març 2012

  • © Laurenç Revèst

    Galaria fòto: La Gavotina marítima: Esa vielha, totplen de botigas e de toristas, 16 estatjants, 2 vielhs esascs, una gleia e un castèl arroïnat

  • © Salça Morena

    Passeaia nucleària dal Prat (vilar de Sant Dalmaç lo selvatge) a Sant Dalmaç en passar per las baissas de Boneta e de Motiera (auta valaa de Tiniá)

  • Castelar

  • © Laurenç Revèst

    Menton, 'a vivaroalpenca maritima

publicitat

LATERAL2 330x60: Casteth Paums



publicitat

LATERAL1 300X250: radio pais

Las mai...

publicitat

LATERAL1 300X250: radio pais

giny

Sondatge

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)