Bandièra01 1180x150: Comuna de Tolosa

Actualitats

crotz-tolosaCreated with Sketch.LengadòcGavaldanMarjarida

Marie-Noëlle Lapouge: de camins e de contrastes

Marie-Noëlle Lapouge practica dempuèi mai de 20 ans la pintura e l’art del fuòc a Ròcla, un petit vilatge en Marjarida. Realiza de tablèus, de frescas muralas e de maquetas de taulas d’orientacion. Tanben fa d’estagis de pintura o de lava esmautada qualques setmanas per an dins son talhièr. Sos tablèus representan de contrastes, coma lo ridicul e lo majestuós, l’umor e lo seriós... Cada tablèu deu permetre al mond que l’agachan de prolongar l’istòria ja pintada. L’artista emplega l’òli o l’acrilic segon son umor. “Çò d’essencial per ieu es de pintar”, çò ditz.
 
Après estudiar las bèlas arts a Clarmont-Ferrand, foguèt cap d’entrepresa pendent uèch ans d’un talhièr de grafisme a Lengònha. Mas en 2007 lo cediguèt per se consagrar solament a la pintura e a l’edicion.
 
A l’ora d’ara, dins son ostal d’edicion, L’Atelier de Marie-Noëlle, realiza e distribuís diferents produches suls grands camins coma lo d’Stevenson, lo de Sant Jaume de Compostèla e lo Grand Torn de Vercòrs.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article