Actualitats
Tolosa aumenta los impòstes locals e baissa los servicis
La CGT denóncia “un programa d’austeritat sens precedents”
Tolosa aumentarà sos impòstes locals del 15%. Aital o votèt divendres passat lo conselh municipal de la Ciutat Mondina en seguissent la proposicion del cònsol UMP de la vila, Jean-Luc Moudenc. Après mai de 12 oras de debats se votèt 90 deliberacions que non solament an aumentat las taxas mas qu’an rebaissat los servicis coma la gratuitat de las cantinas escolaras per las familhas mai pauras, çò qu’a desvelhat la colèra de l’oposicion. Moudenc aviá ja anonciat al començament d’abril que rompriá sa promessa electorala d’“estabilitat fiscala”, çò rapòrta Le Point en mençonant l’AFP.
Moudenc a acusat la municipalitat precedenta d’“aver arroïnat los marges de manòbra”, çò que s’es apondut amb la baissa brutala e drastica de las dotacions de l’Estat a la vila, e donc son “al bòrd del depaus de bilanç”. “Lo budget 2015 jòga al total sus una aumentacion de las recèptas fiscalas e tarifàrias de 30 milions d’èuros per un budget de 650 milions”, çò declarèt a l’AFP l’adjonch a las finanças, Sacha Briand, après lo conselh municipal. Tocant la part intercomunala, votada dijòus per l’aglomeracion Tolosa Metropòli, aumentarà del 7,5% ongan, e aitant l’an que ven. Del costat de las despensas, “las subvencions a las associacions davalaràn del 10% ongan e l’objectiu es que davalen del 25% fins a 2020”, çò indiquèt Briand.
Protèstas
Aquelas mesuras an provocat la protestacion dels sindicats CGT, FSU e Solidaris. Un centenat de sindicalistas s’acampèron a l’entorn del Capitòli (lo palais de la comuna de Tolosa) per denonciar “un programa d’austeritat sens precedents”.
Aquela protèsta seguissiá una manifestacion d’aperaquí 8000 personas, que dijòus percorreguèt las carrièras de Tolosa per denonciar las politicas d’austeritat del govèrn francés.
Moudenc a acusat la municipalitat precedenta d’“aver arroïnat los marges de manòbra”, çò que s’es apondut amb la baissa brutala e drastica de las dotacions de l’Estat a la vila, e donc son “al bòrd del depaus de bilanç”. “Lo budget 2015 jòga al total sus una aumentacion de las recèptas fiscalas e tarifàrias de 30 milions d’èuros per un budget de 650 milions”, çò declarèt a l’AFP l’adjonch a las finanças, Sacha Briand, après lo conselh municipal. Tocant la part intercomunala, votada dijòus per l’aglomeracion Tolosa Metropòli, aumentarà del 7,5% ongan, e aitant l’an que ven. Del costat de las despensas, “las subvencions a las associacions davalaràn del 10% ongan e l’objectiu es que davalen del 25% fins a 2020”, çò indiquèt Briand.
Protèstas
Aquelas mesuras an provocat la protestacion dels sindicats CGT, FSU e Solidaris. Un centenat de sindicalistas s’acampèron a l’entorn del Capitòli (lo palais de la comuna de Tolosa) per denonciar “un programa d’austeritat sens precedents”.
Aquela protèsta seguissiá una manifestacion d’aperaquí 8000 personas, que dijòus percorreguèt las carrièras de Tolosa per denonciar las politicas d’austeritat del govèrn francés.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#7 Lo problèma son pas las subvencions en se, eissidas d'efièch de nòstres impòstes e autras taussas. Lo problèma es la cultura de las subvencions: dependre de las subvencions e de las autoritats que las te donan. Siá solidari, camarada: http://www.totsuma.cat/projecte/1282/dotacion-informatica-per-jornalet
#6 Segur, Pr'aquò qu'avèm fach desempuèi trent' ans ..... Si que non demandar enquera un briu mai, çò pieger es de pas aver vist o de voler pas aver vist qu'un jorn t'an donan se moriria.... ara es a tibar l'artelh lo tandonan... podetz eissir los mocadors....
D'un biais general, se'n remetre a de bancas privadas per la gestion dels estats mena a la mòrt de la democracia (o disiá ja Abraham Lincoln qu'aviá dempèi bèl brieu levada la lèbre) e assigna a l'austeritat. L'austeritat assigna a recuol de totes las avançadas socialas (e societalas ?) e abausa milanta punts d'activitat populara, que tenián mercés a la associacions, occitanas o pas. Vesi pas quin problèma pausa en se de recórrer a las subvencions : es de moneda del pòble que servís a promòure la cultura del pòble. Çò malsanitós es que los elegits, de mai en mai, nos vòlon donar lo sentiment que la moneda, la tirarián de sa pòcha. Amb l'empacha estatala de batre moneda, la moneda va e ven ont vòl e ne vesètz de mai en mai luènh la color, mas non sabèm mai ni d'ont ven (quora ven pas mai del trabalh productiu, mas de las borsas ficitivas e falcièras que virtualas) ni ont va (de mai en mai abondosament dins la pòcha d'un ponherat d'aristocrates financièrs mondials). Fa que las reguons, las comunas, totas aquelas estanças de poder son de mens en mens d'instançans de poder, mas de mai en mai d'organs executiu en tèrmes d'espoliacion e de manipulacion de las gents.
#4 Segur que se caldrà sortir de la cultura de las subvencions, senon… cossí copar la man que te noirís ?
Segur que los comptres son los comptes se balhas te cal de dintradas, se balhas mai que las dintradas pòdes pausar lo bilanç... 10 - 11 = -1
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari